ಮುಂಬೈ: ಬಹುಭಾಷಾ ನಟಿ ಅದಿತಿ ರಾವ್ ಹೈದರಿ ಅಭಿನಯದ ಮಲಯಾಳಂ ಸಿನಿಮಾ 'ಸೂಫಿಯುಂ ಸುಜಾತಯುಂ' ಸಿನಿಮಾ ಚಿತ್ರಮಂದಿರದಲ್ಲಿ ಬಿಡುಗಡೆಯಾಗುತ್ತಿಲ್ಲ. ಬದಲಾಗಿ ನೇರವಾಗಿ ಜುಲೈ 3ರಂದು ಅಮೆಜಾನ್ ಪ್ರೈಮ್ನಲ್ಲಿ ರಿಲೀಸ್ ಆಗಲಿದೆ.
- " class="align-text-top noRightClick twitterSection" data="
">
ಈ ಕುರಿತು ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿರುವ ನಟಿ, "ಒಟಿಟಿ ಮೂಲಕ ಮೊದಲ ಮಲಯಾಳಂ ಚಿತ್ರ 'ಸೂಫಿಯುಂ ಸುಜಾತಯುಂ' ಜುಲೈ 3ರಂದು ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆಯಾಗಲಿದೆ" ಎಂದು ಹೇಳಿದ್ದಾರೆ. ಈ ವೇಳೆ, ಚಿತ್ರದ ನಟ, ನಿರ್ದೇಶಕರನ್ನು ಟ್ಯಾಗ್ ಮಾಡಿದ್ದಾರೆ.
14 ವರ್ಷಗಳ ಬಳಿಕ ಅದಿತಿ ಮಲಯಾಳಂ ಸಿನಿಮಾದಲ್ಲಿ ನಟಿಸಿದ್ದು, ಈ ಚಿತ್ರದಲ್ಲಿ ದಕ್ಷಿಣ ಭಾರತದ ಸೂಪರ್ಸ್ಟಾರ್ ಜಯಸೂರ್ಯ ಅಭಿನಯಿಸಿದ್ದಾರೆ. ಈ ಚಿತ್ರವನ್ನು ಸಿನಿಮಾಟೊಗ್ರಾಫರ್ ಅನು ಮೂತೇದತ್ ಚಿತ್ರೀಕರಿಸಿದ್ದು, ದೀಪು ಜೋಸೆಫ್ ಸಂಕಲನ ಮಾಡಿದ್ದಾರೆ. ಇನ್ನು ಚಿತ್ರಕ್ಕೆ ಹರಿನಾರಾಯಣ್ ಸಾಹಿತ್ಯ ಬರೆದಿದ್ದು, ಎಂ. ಜಯಚಂದ್ರನ್ ಸಂಗೀತ ಸಂಯೋಜಿಸಿದ್ದಾರೆ.
