'ಶಾನೆ ಟಾಪಾಗವ್ಳೆ' ಹಾಡಿನ ಮೂಲಕ ಹದಿಹರೆಯದ ಯುವಕರ ಹೃದಯ ಕದ್ದು, 2019ರಲ್ಲಿ ಟಾಪ್ ಸುಂದ್ರಿಯಾಗಿ ಸದ್ದು ಮಾಡಿದ ಅದಿತಿ ಪ್ರಭುದೇವ 2020ರ ಹೊಸ ವರ್ಷ ಹೊಸ ಲುಕ್ನಲ್ಲಿ ಭರ್ಜರಿ ಪೋಟೋಶೂಟ್ ಮಾಡಿಸಿ ಈ ವರ್ಷವೂ ಸದ್ದು ಮಾಡೋಕೆ ನಾನ್ ರೆಡಿ ಅಂತಿದ್ದಾರೆ.
- " class="align-text-top noRightClick twitterSection" data="
">
'ಬಜಾರ್' ಚಿತ್ರದ ಮೂಲಕ ಖ್ಯಾತಿ ಗಳಿಸಿದ ಅದಿತಿ, ಹೊಸ ವರ್ಷಕ್ಕೆ ಫೋಟೋ ಶೂಟ್ ಮಾಡಿಸಿದ್ದು, ನೀಲಿ ಸೀರೆಯುಟ್ಟು ಕ್ಯಾಮರಾಗೆ ಪೋಸ್ ನೀಡುವ ಮೂಲಕ ನೀಲಾಂಬರಿಯಾಗಿ ಮಿಂಚಿದ್ದಾರೆ. ಕಿರುತೆರೆಯಲ್ಲಿ ಭಾರೀ ಜನಪ್ರಿಯತೆ ಪಡೆದುಕೊಂಡಿದ್ದ 'ನಾಗಕನ್ನಿಕೆ' ಧಾರಾವಾಹಿಯಲ್ಲಿ ಎಲ್ಲರ ಗಮನ ಸೆಳೆದು ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಟ್ಟ ಅದಿತಿ, ಕಳೆದ ವರ್ಷ ಸಕ್ಸಸ್ಫುಲ್ ನಾಯಕಿಯಾಗಿ ಹೊರಹೊಮ್ಮಿದರು. ಸಿಂಗ, ರಂಗನಾಯಕಿ, ಬ್ರಹ್ಮಚಾರಿ ಮೂರೂ ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ಕಮಾಲ್ ಮಾಡಿದ್ದು, ಸದ್ಯಕ್ಕೆ ಸ್ಯಾಂಡಲ್ವುಡ್ನಲ್ಲಿ ಅದಿತಿ ನಿರ್ಮಾಪಕರ ಪಾಲಿನ ಲಕ್ಕಿ ನಾಯಕಿಯಾಗಿದ್ದಾರೆ. ಇನ್ನು ಈ ವರ್ಷ ಅದಿತಿ ಅಭಿನಯದ 'ತೋತಾಪುರಿ' ರಿಲೀಸ್ಗೆ ರೆಡಿಯಾಗಿದ್ದು, ಅವರಿಗೆ ಸ್ಯಾಂಡಲ್ವುಡ್ ಮಾತ್ರವಲ್ಲದೆ ಟಾಲಿವುಡ್ನಲ್ಲೂ ಅವಕಾಶ ಅರಸಿ ಬರುತ್ತಿದೆ. ಈ ಮೂಲಕ ಅದಿತಿ ಟಾಲಿವುಡ್ಗೆ ಹಾರಲು ಕೂಡಾ ರೆಡಿಯಾಗಿದ್ದಾರೆ.
