ಕಿರುತೆರೆ ಮೂಲಕ ಕರಿಯರ್ ಆರಂಭಿಸಿ ಈಗ ಬೆಳ್ಳಿತೆರೆಯಲ್ಲಿ ಮಿಂಚುತ್ತಿರುವ ಅದಿತಿ ಪ್ರಭುದೇವ ಅವರಿಗೆ ಅನೇಕ ಅವಕಾಶಗಳು ಹುಡುಕಿ ಬರುತ್ತಿವೆ. ಸ್ಯಾಂಡಲ್ವುಡ್ನಲ್ಲಿ ರಚಿತಾ ರಾಮ್ ನಂತರ ಹೆಚ್ಚು ಬ್ಯುಸಿ ನಟಿ ಎಂದರೆ ಅದಿತಿ ಪ್ರಭುದೇವ.
ಅದಿತಿ ನಟಿಸುತ್ತಿರುವ 'ಓಲ್ಡ್ ಮಾಂಕ್' ಚಿತ್ರದ ವಿಶೇಷ ಹಾಡೊಂದು ಇಂದು ಬಿಡುಗಡೆ ಆಗುತ್ತಿದೆ. 'ಚಾಂಪಿಯನ್' ಹಾಗೂ 'ಗಜಾನನ ಅ್ಯಂಡ್ ಗ್ಯಾಂಗ್' ಚಿತ್ರದಲ್ಲಿ ನಟಿಸಲು ಒಪ್ಪಿದ್ದಾರೆ. ಇದರೊಂದಿಗೆ ಅವರು ಅಭಿನಯಿಸಿರುವ 'ಪರ್ಫೆಕ್ಟ್ ಗರ್ಲ್' ಎಂಬ ಒಂದು ವಿಡಿಯೋ ಹಾಡು ಕೂಡಾ ಬಿಡುಗಡೆಗೆ ಸಿದ್ಧವಾಗಿದೆ. ಈ ಚಿತ್ರಗಳ ನಡುವೆ ಮನೋಜ್ ಪಿ ನಡುಮನೆ ನಿರ್ದೇಶನದಲ್ಲಿ ತಯಾರಾಗುತ್ತಿರುವ 'ಫೀಮೇಲ್ ಸೂಪರ್ ಹೀರೋ' ಚಿತ್ರದಲ್ಲಿ ಕೂಡಾ ಅದಿತಿ ನಟಿಸುತ್ತಿದ್ದಾರೆ. ಈಗಾಗಲೇ ಬಹುತೇಕ ಸಿನಿಮಾ ಚಿತ್ರೀಕರಣ ಮುಗಿದಿದ್ದು ಕ್ಲೈಮ್ಯಾಕ್ಸ್ ಚಿತ್ರೀಕರಣ ಬಾಕಿ ಇದೆ. ಅಕ್ಟೋಬರ್ 24 ರಂದು ಚಿತ್ರದ ಶೀರ್ಷಿಕೆ ಹಾಗೂ ಫಸ್ಟ್ ಲುಕ್ ಬಿಡುಗಡೆ ಆಗಲಿದೆ.
ಚಿತ್ರದಲ್ಲಿ ಸುನಿಲ್ ಪುರಾಣಿಕ್, ಪ್ರೇರಣ ಕಂಬಮ್, ಚೇತನ್ ಗಂಧರ್ವ, ಸಮರ್ಥ ನರಸಿಂಹರಾಜು ಅಭಿನಯಿಸಿದ್ದಾರೆ. ಪೂಜಾ ವಸಂತ್ ಕುಮಾರ್ ಈ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಚಿತ್ರದಲ್ಲಿ ಆ್ಯಕ್ಷನ್ ಹಾಗೂ ಫ್ಯಾಂಟಸಿ ಕಥೆ ಇದೆಯಂತೆ. ಈ ಸಿನಿಮಾ ಮಹಿಳಾ ಪ್ರಧಾನ ಚಿತ್ರವಾಗಿದ್ದು ವಿಭಿನ್ನ ಪ್ರಯೋಗ ಮಾಡಲಾಗಿದೆ ಎಂದು ಚಿತ್ರತಂಡ ಹೇಳಿದೆ. ಶೀಘ್ರದಲ್ಲೇ ಸಿನಿಮಾ ಬಿಡುಗಡೆಯಾಗಲಿದೆ.
