ಗೀತಗೋವಿಂದಂ ಸಿನಿಮಾದ ನಂತರ ನಿಮ್ಮ ಮತ್ತು ರಕ್ಷಿತ್ ಶೆಟ್ಟಿ ನಡುವೆ ಬ್ರೇಕಪ್ ಆಯಿತು ಎನ್ನುವ ಸುದ್ದಿ ಕನ್ನಡ, ತೆಲುಗು ಸೇರಿದಂತೆ ಇಡೀ ಸೌಥ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಹರಿದಾಡಿತು. ಇದಾದ ನಂತರ ನೀವು ಕೂಡ ಎಲ್ಲಿಯೂ ನೀವು ಒಟ್ಟಿಗೆ ಕಾಣಿಸಿಕೊಳ್ಳಲಿಲ್ಲ. ಸಾಕಷ್ಟು ರೂಮರ್ಗಳು ಕೂಡ ಕೇಳಿ ಬಂದವು. ಆದರೆ, ನೀವಾಗಲಿ ರಕ್ಷಿತ್ ಶೆಟ್ಟಿಯಾಗಲಿ ಈ ಬಗ್ಗೆ ಎಲ್ಲಿಯೂ ಮಾತಾಡಲಿಲ್ಲ. ಜತೆಗೆ ಸದ್ಯ ನಿಮ್ಮ ಹಾಗೂ ರಕ್ಷಿತ್ ಶೆಟ್ಟಿ ನಡುವಿನ ಸಂಬಂಧ-ಬಾಂಧವ್ಯ ಹೇಗಿದೆ ಎಂದು ಮಾಧ್ಯಮಗಳು ಪ್ರಶ್ನಿಸಿದವು.
ದಿಢೀರ್ನೆ ಎದುರಾ ಈ ಪ್ರಶ್ನೆಯಿಂದ ನುಣುಚಿಕೊಳ್ಳಲು ಯತ್ನಿಸಿದ ರಶ್ಮಿಕಾ, ವಿಷಯಾಂತರಕ್ಕೆ ಪ್ರಯತ್ನಿಸಿದರು. ಈ ಪ್ರಶ್ನೆ ಕೇಳುತ್ತಿದ್ದಂತೆ ಒಂದಿಬ್ಬರು ಜೇಬಿನಿಂದ ಹೇಗೆ ಪೋನ್ ತೆಗೆದರು ನೋಡಿ ಎಂದು ಪಕ್ಕದಲ್ಲೇ ಕುಳಿತಿದ್ದ ವಿಜಯ್ ದೇವರಕೊಂಡನಿಗೆ ಹೇಳುವ ಮೂಲಕ ಮಾತು ಮರೆಸಲು ನೋಡಿದರು.
ಆಗ ಮಧ್ಯೆ ಬಾಯಿ ಹಾಕಿದ ವಿಜಯ್, 'ನನಗೆ ನಿಮ್ಮ ಪ್ರಶ್ಮೆ ಅರ್ಥ ಆಗಲಿಲ್ಲ. ಆದರೆ, ಇದು ಯಾರಿಗೂ ಸಂಬಂಧಪಟ್ಟ ವಿಷಯವಲ್ಲ, ಇಲ್ಲಿ ವೈಯಕ್ತಿಕ ಪ್ರಶ್ನೆ ಕೇಳುವುದು ಅಷ್ಟು ಸಮಂಜಸವಲ್ಲ ಎಂದರು. ಇವರ ಮಾತಿಗೆ ಧ್ವನಿಗೂಡಿಸಿದ ಕೊಡಗಿನ ಕುವರಿ, ಈ ಪ್ರಶ್ನೆ ತುಂಬಾ ಲಾಂಗ್ ಆಯಿತು, ಅರ್ಥ ಮಾಡಿಕೊಳ್ಳಲು ಸಹ ಆಗಲಿಲ್ಲ ಎಂದರು. ಜತೆಗೆ ಈ ಪ್ರಶ್ನೆಗೆ ಏನು ಉತ್ತರಿಸಬೇಕು ಎಂದು ನಂಗೆ ಗೊತ್ತಾಗುತ್ತಿಲ್ಲ ಎಂದು ಬಾಯಲ್ಲೇ ಗೊಣಗಿದರು.
ನಿಮ್ಮ ಲವ್ ಬಗ್ಗೆ ಕೇಳಿ ಬಂದ ಗಾಸಿಪ್ ಬಗ್ಗೆ ಉತ್ತರಿಸಿ ಎಂದು ಮತ್ತೊಂದು ಪ್ರಶ್ನೆ ತೂರಿ ಬಂದಾಗ, ಇದು ಗಾಸಿಪ್ ಅಂದ್ಮೇಲೆ ಅದು ಗಾಸಿಪ್ ಅಷ್ಟೇ. ಜನರು ಏನ್ ಬೇಕಾದ್ದು ಮಾತಾಡ್ತಾರೆ ಎಂದು ಹೇಳಿ ಸುಮ್ಮನಾದರು ರಶ್ಮಿಕಾ. ಇನ್ನು ನಿಮ್ಮ ಫ್ಯಾನ್ಸ್ ಕೂಡ ಕೋಪಗೊಂಡಿದ್ದು ಎನ್ನುವ ಪ್ರಶ್ನೆಗೆ ಉತ್ತರಿಸಿದ ಅವರು, ಅರೇ ನಮ್ಮ ಅಭಿಮಾನಿಗಳು ನನ್ನ ಜತೆ ಮಸ್ತ್ ಆಗಿದ್ದಾರೆ. ಯಾವಾಗಲೂ ಅವರ ಜತೆ ಚಾಟ್, ಟ್ಟ್ವೀಟ್ ಮಾಡ್ತೀರುತ್ತೇನೆ. ನಮ್ಮ ನಡುವೆ ಫುಲ್ ಅಂಡರ್ಸ್ಟ್ಯಾಂಡಿಂಗ್ ಇದೆ ಎಂದರು. ರಕ್ಷಿತ್ ಶೆಟ್ಟಿ ಜೊತೆ ನಿಮ್ಮ ಸಿನಿಮಾ ಯಾವಾಗ ಅಂತಾ ರಶ್ಮಿಕಾ ಮಂದಣ್ಣನ ಕೇಳಿದ್ರೆ, ಕಾಲ ಕೂಡಿ ಬಂದಾಗ ಅಂತಾ ಹಾರಿಕೆ ಉತ್ತರ ಕೊಟ್ರು.