ದೇವರನ್ನು ಹುಡುಕಿಕೊಂಡು ಬಾಲಕನ ಜೊತೆ ಗಾಂಧಿ ನಗರಕ್ಕೆ ಬಂದ ನಟ ಶಿವರಾಮ್..!

ಕೆಂಜಾ ಚೇತನ್ ಕುಮಾರ್ ನಿರ್ದೇಶನ ಮಾಡಿರುವ 'ದೇವರು ಬೇಕಾಗಿದ್ದಾರೆ' ಎಂಬ ಸಿನಿಮಾದಲ್ಲಿ ಹಿರಿಯ ನಟ ಶಿವರಾಮ್​ ನಟಿಸಿದ್ದು, ಚಿತ್ರ ಮುಂದಿನ ತಿಂಗಳು ರಿಲೀಸ್ ಆಗಲಿದೆ.

ಹಿರಿಯ ನಟ ಶಿವರಾಮ್ 'ದೇವರು ಬೇಕಾಗಿದ್ದಾರೆ' ಎಂಬ ಸಿನಿಮಾದಲ್ಲಿ ನಟಿಸಿದ್ದು, ಆ ಚಿತ್ರದ ಟ್ರೆಲರ್​​ ಬಿಡುಗಡೆಯಾಗಿದೆ.

ಸಾಮಾನ್ಯವಾಗಿ ಕೆಲವು ಜಾಹೀರಾತುಗಳಲ್ಲಿ ಅಥವಾ ಕಂಪನಿಗಳ ಗೇಟ್ ಮುಂದೆ ಕೆಲಸದವರು ಬೇಕಾಗಿದ್ದಾರೆ ಎನ್ನುವುದನ್ನು ನೋಡಿದ್ದೀವಿ. ಇದೀಗ ಕನ್ನಡ ಚಿತ್ರರಂಗದಲ್ಲಿ 'ದೇವರು ಬೇಕಾಗಿದ್ದಾರೆ' ಎಂಬ ಹೆಸರಿನ ಹೊಸ ಪ್ರಯೋಗದ ಉತ್ತಮ ಕಥಾಹಂದರವುಳ್ಳ ಸಿನಿಮಾ ತೆರೆಗೆ ಬರಲು ರೆಡಿಯಾಗಿದೆ.

ಚಿತ್ರದಲ್ಲಿ ಹಿರಿಯ ನಟ ಶಿವರಾಮ್​​​​, ಮಾಸ್ಟರ್ ಅನೂಪ್, ಪ್ರಸಾದ್, ಸತ್ಯನಾಥ್, ನಾಗೇಶ್ ಕಾರ್ತಿಕ್ ಸೇರಿದಂತೆ ಅನೇಕರಿದ್ದಾರೆ. ಇನ್ನೂ ಈ ಚಿತ್ರವನ್ನು ಕೆಂಜಾ ಚೇತನ್ ಕುಮಾರ್ ನಿರ್ದೇಶನ ಮಾಡಿದ್ದು, ಚಿತ್ರದಲ್ಲಿ ರಸ್ತೆ ಅಪಘಾತದಲ್ಲಿ ತನ್ನ ಕುಟುಂಬದವರನ್ನು ಕಳೆದುಕೊಂಡ ಆರು ತಿಂಗಳ ಮಗುವನ್ನು ಊರಿನ ಮಖ್ಯಸ್ಥ ರಂಗಣ್ಣ ಸಾಕುವರು. ಆತನಿಗೆ ಬುದ್ಧಿ ಬಂದಾಗ ತನ್ನ ತಂದೆ -ತಾಯಿ ದೇವರ ಬಳಿ ಇದ್ದಾರೆಂದು ತಿಳಿದು ದೇವರನ್ನು ಹುಡುಕುತ್ತಾ ಹೋಗುವುದೇ ಚಿತ್ರದ ಒನ್ ಲೈನ್ ಸ್ಟೋರಿಯಾಗಿದೆ.

"ದೇವರು ಬೇಕಾಗಿದ್ದಾರೆ" ಚಿತ್ರವನ್ನು ಕೈವಾರ, ಗುಡಿಬಂಡೆ, ಬೆಂಗಳೂರು ಸೇರಿದಂತೆ ಅನೇಕ ಕಡೆಗಳಲ್ಲಿ ಶೂಟಿಂಗ್ ಮಾಡಲಾಗಿದೆ. ಇನ್ನು ನಿರ್ದೇಶಕರಿಗೆ ಇದು ದ್ವಿತೀಯ ಸಿನಿಮಾವಾಗಿದ್ದು, ಈ ಹಿಂದೆ 'ಪ್ರೇಮ ಗೀಮ ಜಾನೆದೋ' ಎಂಬ ಲವ್ ಸ್ಟೋರಿ ಸಿನಿಮಾ ಮಾಡಿದ್ದರು. ಮೂವೀಸ್ ಅಡಿಯಲ್ಲಿ ಸಿನಿಮಾ ಮೂಡಿ ಬಂದಿದ್ದು. ಮುಂದಿನ ತಿಂಗಳು ಚಿತ್ರವನ್ನು ರಿಲೀಸ್ ಮಾಡಲು ಚಿತ್ರತಂಡ ಪ್ಲಾನ್ ಮಾಡಿಕೊಂಡಿದೆ.