‘ಕಾವೇರಿ ಕೂಗು’ ಅಭಿಯಾನಕ್ಕೆ ಕೈ ಜೋಡಿಸುವಂತೆ ಅಭಿಮಾನಿಗಳಲ್ಲಿ ರಕ್ಷಿತ್ ಶೆಟ್ಟಿ ಮನವಿ

ಬತ್ತಿ ಹೋಗುತ್ತಿರುವ ನದಿಗಳನ್ನು ಪುನಶ್ಚೇತನಗೊಳಿಸುವ ಉದ್ದೇಶದಿಂದ ಆರಂಭವಾಗಿರುವ ‘ಕಾವೇರಿ ಕೂಗು’ ಅಭಿಯಾನದೊಂದಿಗೆ ಕೈ ಜೋಡಿಸುವಂತೆ ನಟ ರಕ್ಷಿತ್ ಶೆಟ್ಟಿ ಕರೆ ನೀಡಿದ್ದಾರೆ. ತಮ್ಮ ಟ್ವಿಟರ್​ನಲ್ಲಿ ವಿಡಿಯೋ ಶೇರ್ ಮಾಡುವ ಮೂಲಕ ನದಿಗಳನ್ನು ಉಳಿಸುವಂತೆ ಮನವಿ ಮಾಡಿದ್ದಾರೆ.

ಭಾರತದ ಜೀವನಾಡಿಗಳಾದ ನದಿಗಳು ಪ್ರತಿ ವರ್ಷ ಬತ್ತಿ ಹೋಗುತ್ತಿರುವುದು ಆತಂಕಕಾರಿ ಸಂಗತಿಯಾಗಿದೆ. ಇನ್ನು 16-20 ವರ್ಷಗಳಲ್ಲಿ ಬಹುತೇಕ ನದಿಗಳೇ ಇರುವುದಿಲ್ಲ ಎಂಬ ಭಯ ಶುರುವಾಗಿದೆ. ಅಲ್ಲದೆ ಜೀವನದಿ ಕಾವೇರಿ ವರ್ಷದ 7 ತಿಂಗಳ ಕಾಲ ಸಮುದ್ರವನ್ನೇ ಸೇರದಿರುವುದು ನಿಜಕ್ಕೂ ಭಯಾನಕ ಸತ್ಯ.

ಹಿಂದಿನ 40 ವರ್ಷಗಳಿಗೆ ಹೋಲಿಸಿದರೆ ಕಾವೇರಿ ನೀರು ಶೇ. 46ರಷ್ಟು ಕಡಿಮೆ ಆಗಿದೆ. ಕಾವೇರಿ ಜಲಾನಯನ ಪ್ರದೇಶದಲ್ಲಿ ಜನರು ನೀರು ಸಿಗದೆ ಪರದಾಡುತ್ತಿದ್ದಾರೆ. ಈ ಎಲ್ಲಾ ಸಮಸ್ಯೆಗಳನ್ನು ಪರಿಹರಿಸಲು, ನದಿಗಳನ್ನು ಪುನಶ್ಚೇತನಗೊಳಿಸುವುದು ಹೇಗೆ ಎಂಬ ಬಗ್ಗೆ ರೂಪುರೇಷೆ ಒದಗಿಸುವ ನಿಟ್ಟಿನಲ್ಲಿ ‘ಕಾವೇರಿ ಕೂಗು’ ಎಂಬ ವಿಶಿಷ್ಟ ಅಭಿಯಾನ ಆರಂಭವಾಗಿದೆ. ಈ ಅಭಿಯಾನಕ್ಕೆ ಸಾಮಾನ್ಯ ಜನರೊಂದಿಗೆ ಸೆಲಬ್ರಿಟಿಗಳು ಕೂಡಾ ಕೈ ಜೋಡಿಸಿದ್ದಾರೆ. ನಟ ರಕ್ಷಿತ್ ಶೆಟ್ಟಿ ಕೂಡಾ ಈ ಅಭಿಯಾನಕ್ಕೆ ಬೆಂಬಲ ನೀಡಿದ್ದಾರೆ. ವಿಡಿಯೋವೊಂದನ್ನು ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿರುವ ರಕ್ಷಿತ್ ಶೆಟ್ಟಿ, ‘ಕಾವೇರಿ ಕೂಗು’ ಅಭಿಯಾನಕ್ಕೆ ಕೈ ಜೋಡಿಸುವಂತೆ ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದಾರೆ.

• Happy to be associated with #CauveryCalling campaign. A river that has flown for thousands of years has been destroyed in a span of two generations. We need to act now; to be part of the initiative log onto https://t.co/Dp6ng9c2Ka or call 8000980009 pic.twitter.com/nx2nVdInZk

  — Rakshit Shetty (@rakshitshetty) August 15, 2019 " class="align-text-top noRightClick twitterSection" data="

  Happy to be associated with #CauveryCalling campaign. A river that has flown for thousands of years has been destroyed in a span of two generations. We need to act now; to be part of the initiative log onto https://t.co/Dp6ng9c2Ka or call 8000980009 pic.twitter.com/nx2nVdInZk

  — Rakshit Shetty (@rakshitshetty) August 15, 2019

  ">

  Happy to be associated with #CauveryCalling campaign. A river that has flown for thousands of years has been destroyed in a span of two generations. We need to act now; to be part of the initiative log onto https://t.co/Dp6ng9c2Ka or call 8000980009 pic.twitter.com/nx2nVdInZk

  — Rakshit Shetty (@rakshitshetty) August 15, 2019

'ಕಾವೇರಿ ಶತಮಾನಗಳಿಂದ ಕೋಟ್ಯಂತರ ಕನ್ನಡಿಗರನ್ನು ಸಾಕಿ ಸಲಹಿದ್ದಾಳೆ. ಬತ್ತಿ ಹೋಗುತ್ತಿರುವ ಕಾವೇರಿಯನ್ನು ಉಳಿಸುವ ಜವಾಬ್ದಾರಿ ನಮ್ಮದು. ಹೆಚ್ಚು ಹೆಚ್ಚು ಮರಗಳನ್ನು ನೆಡುವ ಮೂಲಕ ಕಾವೇರಿಯನ್ನು ಉಳಿಸಬಹುದು. ನಾನೂ ಈ ಅಭಿಯಾನದೊಂದಿಗೆ ಇದ್ದೇನೆ. ನೀವೂ ಕೂಡಾ ಭಾಗವಹಿಸಿ' ಎಂದು ರಕ್ಷಿತ್ ಶೆಟ್ಟಿ ಕರೆ ನೀಡಿದ್ದಾರೆ.

ಈ ಅಭಿಯಾನ ಕರ್ನಾಟಕ ಮಾತ್ರವಲ್ಲದೆ ತಮಿಳುನಾಡಿನಲ್ಲೂ ಆರಂಭವಾಗಿದೆ. ‘ಕಾವೇರಿ ಕೂಗು’ ಒಂದು ವಿಶಿಷ್ಟವಾದ ಅಭಿಯಾನವಾಗಿದೆ. ಇದು ಭಾರತದ ನದಿಗಳನ್ನು ಪುನಶ್ಚೇತನಗೊಳಿಸುವುದು ಹೇಗೆ ಎಂಬ ಬಗ್ಗೆ ರೂಪುರೇಷೆ ಒದಗಿಸುತ್ತದೆ. ಇಳಿಕೆಯಾಗಿರುವ ನದಿ ನೀರು ಖಂಡಿತ ವೃದ್ಧಿಯಾಗುತ್ತೆ. ನದಿಗಳು ಮತ್ತೆ ತುಂಬಿ ಹರಿಯುತ್ತವೆ ಎಂಬುದು ಈ ಅಭಿಯಾನದ ಉದ್ದೇಶವಾಗಿದೆ ಎನ್ನಲಾಗಿದೆ.