ಹೈದರಾಬಾದ್: ಭಾರತೀಯ ಸಿನಿಮಾ ರಂಗದ ಕಲಾವಿದರು ದುಬಾರಿ ಕಾರು ಖರೀದಿಸೋದು ಹೊಸದೇನಲ್ಲ. ಸ್ಯಾಂಡಲ್ವುಡ್, ಬಾಲಿವುಡ್, ಕಾಲಿವುಡ್, ಟಾಲಿವುಡ್ ಹೀಗೆ ಎಲ್ಲಾ ಸಿನಿಕ್ಷೇತ್ರಗಳ ಸ್ಟಾರ್ ನಟರು ಕೋಟಿಗಟ್ಟಲೇ ಹಣ ನೀಡಿ ಕಾರು ಖರೀದಿಸಿ ಮನೆಯಂಗಳದಲ್ಲಿ ನಿಲ್ಲಿಸಿದ್ದಾರೆ. ಕೆಲವರಿಗೆ ವಿದೇಶಿ ಕಾರುಗಳ ಮೇಲೆಯೂ ಹೆಚ್ಚಿನ ಒಲವಿದ್ದು, ಸದ್ಯ ಈ ಸಾಲಿಗೆ ಜೂನಿಯರ್ ಎನ್ಟಿಆರ್ ಸೇರ್ಪಡೆಯಾಗಿದ್ದಾರೆ.
ಹೌದು ಟಾಲಿವುಡ್ ಯಂಗ್ ಟೈಗರ್ ಜೂನಿಯರ್ ಎನ್ಟಿಆರ್ @ ನಂದಮುರಿ ತಾರಕ ರಾಮರಾವ್ ಇದೀಗ ಲ್ಯಾಂಬೋರ್ಗಿನಿ ಕಾರಿನ ಒಡೆಯರಾಗಿದ್ದಾರೆ ಲ್ಯಾಂಬೋರ್ಗಿನಿ ಉರುಸ್ ಗ್ರಾಫೈಟ್ ಕ್ಯಾಪ್ಸೂಲ್ ಹೆಸರಿನ ಹೊಸ ಐಷಾರಾಮಿ ಕಾರನ್ನು ಖರೀದಿಸಿದ್ದಾರೆ. ಸದ್ಯ ಈ ಕಾರು ವಿದೇಶದಿಂದ ಬೆಂಗಳೂರನ್ನು ತಲುಪಿದ್ದು ,ಸದ್ಯದಲ್ಲೇ ಹೈದರಾಬಾದ್ಗೆ ಬರಲಿದೆ. ಅಂದಹಾಗೇ ಈ ಬಗೆಯ ವಿನ್ಯಾಸದ ಕಾರನ್ನು ಖರೀದಿಸಿದ ಮೊದಲ ಭಾರತೀಯ ಎನಿಸಿದ್ದಾರೆ ಜೂನಿಯರ್ ಎನ್ಟಿಆರ್.
ಸದ್ಯ ಎನ್ಟಿಆರ್ ಆರ್‌ಆರ್‌ಆರ್ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ರಾಜಮೌಳಿ ನಿರ್ದೇಶನದ ಈ ಬಹುನಿರೀಕ್ಷಿತ ಸಿನಿಮಾ ಸದ್ಯ ಉಕ್ರೇನ್ನಲ್ಲಿ ಶೂಟಿಂಗ್ ನಡೆಸುತ್ತಿದೆ.. ಇದರಲ್ಲಿ ರಾಮ್ ಚರಣ್ ಸಹ ನಟಿಸಿದ್ದು, ಅಕ್ಟೋಬರ್ 13 ರಂದು ವಿಶ್ವಾದ್ಯಂತ ಬಿಡುಗಡೆಯಾಗಲಿದೆ.
ಈ ಕಾರಿನ ಬೆಲೆ ಎಷ್ಟು ಗೊತ್ತಾ?
ಭಾರತದಲ್ಲಿ ಈ ಐಷಾರಾಮಿ ಕಾರಿನ ಬೆಲೆ ಅಂದಾಜು 3.16 ಕೋಟಿ ರೂ ಅಂತೆ. ಇದು ಎಕ್ಸ್ ಷೋರೂಂ ಬೆಲೆಯಾಗಿದ್ದು, ತೆರಿಗೆಯಲ್ಲಾ ಸೇರಿ ಮತ್ತಷ್ಟು ಹೆಚ್ಚಾಗಲಿದೆ.
ಏನಿದರ ಸ್ಪೆಷಾಲಿಟಿ?:
ಲ್ಯಾಂಬೋರ್ಗಿನಿ ಊರುಸ್ 4.0-ಲೀಟರ್ ವಿ 8 ಟ್ವಿನ್-ಟರ್ಬೊ ಇಂಜಿನ್ ಆಗಿದ್ದು, 6,000 ಆರ್‌ಪಿಎಮ್‌ನ 650 ಬಿಎಚ್‌ಪಿ ಇಂಜಿನ್ ಹೊಂದಿದೆ. ಗರಿಷ್ಠ 6,800 ಆರ್‌ಪಿಎಂ ಮತ್ತು 2,250 ಆರ್‌ಪಿಎಂನಲ್ಲಿ 850 ಎನ್ಎಂ ಗರಿಷ್ಠ ಟಾರ್ಕ್ ನೀಡುತ್ತದೆ. ಊರುಸ್ 0-100 ಕಿಮೀ ವೇಗವನ್ನು 3.6 ಸೆಕೆಂಡುಗಳಲ್ಲಿ ಹಾಗೂ 0-200 ಕಿಮೀ ವರೆಗಿನ ವೇಗವನ್ನ 12.8 ಸೆಕೆಂಡುಗಳಲ್ಲಿ ಗರಿಷ್ಠವಾಗಿ ಪಡೆಯುತ್ತದೆ. ಅಂದ ಹಾಗೆ ಈ ಕಾರು, ಪ್ರತಿ ಗಂಟೆಗೆ 305 ಕಿಮೀ ವೇಗದಲ್ಲಿ ಮುನ್ನುಗ್ಗಲಿದೆ. ಇದು ಗರಿಷ್ಠ ವೇಗದ ಎಸ್ಯುವಿ ಆಗಿದೆ.
ಇದನ್ನೂ ಓದಿ:RRR ಶೂಟ್ಗೆ ಮುನ್ನ 'ದೋಸ್ತಿ' ಗುಂಗಲ್ಲಿ ರಾಮ್ ಚರಣ್, ಜೂನಿಯರ್ ಎನ್ಟಿಆರ್ - Watch Video
