ನವೀನ್ ಕೃಷ್ಣ ಸ್ವೀಕರಿಸಿದ ಆ ಚಾಲೆಂಜ್​ ಯಾವುದು ಗೊತ್ತಾ?

ನಟ ನವೀನ್​ ಕೃಷ್ಣ ಅವರು ಇತ್ತೀಚೆಗೆ ಮುನ್ನೆಲೆಗೆ ಬರುತ್ತಿದ್ದಾರೆ. ನೂತನ ಚಾಲೆಂಜ್​ವೊಂದನ್ನು ಸ್ವೀಕರಿಸಿ ದಿನವೂ ಒಂದೊಂದು ಹೊಸ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

ನಟ, ನಿರ್ದೇಶಕ, ಹಾಡುಗಾರ, ಬರಹಗಾರ ನವೀನ್ ಕೃಷ್ಣ ಈ ಲಾಕ್​ಡೌನ್ ಸಂದರ್ಭದಲ್ಲಿ ಚಾಲೆಂಜ್​ಒಂದನ್ನು ಸ್ವೀಕಾರ ಮಾಡಿದ್ದಾರೆ.

ನವೀನ್​ ಕೃಷ್ಣ ಅವರು ಕೊರೊನಾ ಗೋ ಅಂತ ಏಕ ಪಾತ್ರಾಭಿನಯ ಮಾಡಿದ್ದರು. ನಂತರ ಆಪರೇಷನ್ ಸಾಹಿತ್ಯ ಆರಂಭಿಸಿದ್ದರು. ಈಗ ನಟ ರವಿಶಂಕರ್ ಗೌಡ ಅವರಿಂದ ಚಾಲೆಂಜ್​ ಸ್ವೀಕಾರ ಮಾಡಿದ್ದಾರೆ.

ಚಾಲೆಂಜ್ ಏನು?

ಯಾವುದೇ ಪೋಸ್ಟರ್ ಮಾಡದೆ, ಶೀರ್ಷಿಕೆ ಹೇಳದೆ, ವಿವರ ಕೂಡ ನೀಡದೆ, ಪ್ರಭಾವ ಬೀರಿದ 10 ಸಿನಿಮಗಳ ಫೋಟೋವನ್ನು ಫೇಸ್​ಬುಕ್​ನಲ್ಲಿ ಹಾಕಬೇಕು. ಇದು 10 ದಿನಗಳ ಚಾಲೆಂಜ್​ ಆಗಿದೆ.