'ರಾಜು ಕನ್ನಡ ಮೀಡಿಯಂ' ಚಿತ್ರದಲ್ಲಿ ಪ್ರಮುಖ ಪಾತ್ರ ನಿಭಾಯಿಸಿ ಗೆಲುವಿಗೆ ಕಾರಣವಾಗಿದ್ದ ಸುದೀಪ್, ಈಗ ಮತ್ತೊಮ್ಮೆ ನಟ ಗುರುನಂದನ್ ಅವರ ಮಿಸ್ಸಿಂಗ್ ಬಾಯ್ ಚಿತ್ರಕ್ಕೆ ಸಾಥ್ ನೀಡುತ್ತಿದ್ದಾರೆ.
ಹಾಗಂತಾ ಅವರು ಚಿತ್ರದಲ್ಲಿ ನಟಿಸುತ್ತಿಲ್ಲ, ಬದಲಾಗಿ ಮಿಸ್ಸಿಂಗ್ ಬಾಯ್ ಚಿತ್ರದ ಟ್ರೇಲರ್ ಬಿಡುಗಡೆ ಮಾಡುವ ಮೂಲಕ ಮತ್ತೆ ಗುರುನಂದನ್ಗೆ ಸಹಾಯ ಮಾಡಿದ್ದಾರೆ. ಈ ಬಗ್ಗೆ ನಿರ್ದೇಶಕ ರಘುರಾಮ್ ಟ್ವಿಟ್ ಮಾಡಿದ್ದಾರೆ.
ಇದೇ ತಿಂಗಳು 7 ರಂದು ನಮ್ಮ ಚಿತ್ರದ ಟ್ರೇಲರ್ನ್ನು ಕಿಚ್ಚ ಸುದೀಪ್ ಲಾಂಚ್ ಮಾಡಲಿದ್ದಾರೆ. ಮಕ್ಕಳು ತಾಯಿಯ ಹತ್ತಿರ, ವಿದ್ಯಾರ್ಥಿಗಳು ಶಿಕ್ಷಕರ ಹತ್ತಿರ ಪ್ರೀತಿ ಕಲಿಕೆಗೆ ಹೋಗುವುದು ವಾಡಿಕೆ. ನನ್ನಂಥ ನಿರ್ದೇಶಕನ ಕನಸಿಗೆ ಕಿಚ್ಚ ಹೆಗಲು ಕೊಡುತ್ತಾರೆ ಅಂತಾ ನಿರ್ದೇಶಕ ರಘುರಾಮ್ ಬರೆದುಕೊಂಡಿದ್ದಾರೆ.
