ಅಮೆರಿಕದಲ್ಲೂ ಎಸ್​​​​ಪಿಬಿ ಹಾಡು ಕೇಳುತ್ತಿದ್ದೆ, ಅವರು ಶೀಘ್ರ ಗುಣಮುಖರಾಗಲಿ: ಚೇತನ್

ಚೆನ್ನೈ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಖ್ಯಾತ ಗಾಯಕ ಎಸ್​​​​ಪಿಬಿ ಶೀಘ್ರ ಗುಣಮುಖರಾಗಿ ವಾಪಸ್ ಬರಲಿ ಎಂದು ಸ್ಯಾಂಡಲ್​​​ವುಡ್​ ನಟ ಚೇತನ್ ಹಾರೈಸಿದ್ದಾರೆ.

ಗಾನ ಗಂಧರ್ವ ಎಸ್​​​.ಪಿ. ಬಾಲಸುಬ್ರಮಣ್ಯಂ ಶೀಘ್ರ ಗುಣಮುಖರಾಗಲಿ ಎಂದು ದೇಶಾದ್ಯಂತ ಅಭಿಮಾನಿಗಳು, ಸಂಗೀತ ಪ್ರೇಮಿಗಳು ಹಾಗೂ ಚಿತ್ರರಂಗದ ಗಣ್ಯರು ಹಾರೈಸುತ್ತಿದ್ದಾರೆ. ಎಸ್​​​​ಪಿಬಿ ಆರೋಗ್ಯಕ್ಕಾಗಿ ನಿನ್ನೆ ಸಂಜೆ ಕೂಡಾ ಚೆನ್ನೈನಲ್ಲಿ ಪ್ರಾರ್ಥನೆ ಆಯೋಜಿಸಲಾಗಿತ್ತು.

ಸ್ಯಾಂಡಲ್​ವುಡ್ ನಟ-ನಟಿಯರೂ ಕೂಡಾ ಎಸ್​​​ಪಿಬಿಗಾಗಿ ಪ್ರಾರ್ಥಿಸುತ್ತಿದ್ದಾರೆ. ಶೀಘ್ರವೇ ಗುಣಮುಖರಾಗಿ ವಾಪಸ್ ಬನ್ನಿ. ನೀವು ನಮ್ಮ ಸಿನಿಮಾಗಾಗಿ ಮತ್ತೆ ಹಾಡಬೇಕು, ನಿಮ್ಮ ಮತ್ತೆ ಹಾಡುಗಳನ್ನು ಹಾಡಬೇಕು ಎಂದು ಹಾರೈಸುತ್ತಿದ್ದಾರೆ. ಆ ದಿನಗಳು ಖ್ಯಾತಿಯ ನಟ ಚೇತನ್ ಕೂಡಾ ಎಸ್​​​.ಪಿ. ಬಾಲಸುಬ್ರಮಣ್ಯಂ ಆದಷ್ಟು ಬೇಗ ಗುಣಮುಖರಾಗಲಿ ಎಂದು ಪ್ರಾರ್ಥಿಸಿದ್ದಾರೆ. ನಾವು ಎಸ್​​​​​ಪಿಬಿ ಅವರ ಹಾಡುಗಳನ್ನು ಕೇಳುತ್ತಾ ಬೆಳೆದವರು. ಅವರು ಬೇಗ ಚೇತರಿಸಿಕೊಳ್ಳಲಿ ಎಂದು ಹಾರೈಸಿದರು.

'ಮಾರ್ಗ' ಸಿನಿಮಾದ ಮುಹೂರ್ತದಲ್ಲಿ ಭಾಗವಹಿಸಿದ್ದ ನಟ ಚೇತನ್, ನಾನು ಅಮೆರಿಕದಲ್ಲಿ ಇದ್ದಾಗ ಕೂಡಾ ಎಸ್​​​​​ಪಿಬಿ ಅವರ ಹಾಡುಗಳನ್ನು ಕೇಳುತ್ತಿದ್ದೆ. ಅವರು ಇತರ ಭಾಷೆಗಳಲ್ಲಿ ಹಾಡಿರುವ ಹಾಡುಗಳನ್ನು ಕೂಡಾ ಕೇಳಿದ್ದೇನೆ. ಅವರು ಗುಣಮುಖರಾಗಿ ಬಂದು ಮತ್ತಷ್ಟು ಹಾಡುಗಳನ್ನು ಹಾಡಲಿ ಎಂದು ಚೇತನ್ ಹಾರೈಸಿದ್ದಾರೆ.

ಚೆನ್ನೈನ ಖಾಸಗಿ ಆಸ್ಪತ್ರೆಯಲ್ಲಿ ಎಸ್​​​​ಪಿಬಿ ಕೋವಿಡ್​-19 ಗಾಗಿ ಚಿಕಿತ್ಸೆ ಪಡೆಯುತ್ತಿದ್ದು ಅವರ ಆರೋಗ್ಯ ಸ್ಥಿತಿ ಗಂಭೀರವಾಗಿದೆ. ನುರಿತ ವಿದೇಶಿ ವೈದ್ಯರೊಂದಿಗೆ ಚಿಕಿತ್ಸೆ ಮುಂದುವರೆಸಿದ್ದೇವೆ ಎಂದು ವೈದ್ಯರು ನಿನ್ನೆ ಮಾಹಿತಿ ನೀಡಿದ್ದರು.