ದಕ್ಷಿಣ ಭಾರತದ ಸೂಪರ್ ಸ್ಟಾರ್, ಕರಾಟೆ ಕಿಂಗ್ ಅರ್ಜುನ್ ಸರ್ಜಾ ಕಳೆದ ವಾರ ಅಮ್ಮನ ಬರ್ತಡೇ ಆಚರಿಸಿ ಅವರಿಗೆ ಉಂಗುರವೊಂದನ್ನು ಗಿಫ್ಟ್ ನೀಡಿದ್ದರು. ಈ ವಿಡಿಯೋ ವೈರಲ್ ಆಗಿದ್ದು ಅರ್ಜುನ್ ತಾಯಿ ಮೇಲಿನ ಪ್ರೀತಿ, ಗೌರವಕ್ಕೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದರು.
ಅದೇ ದಿನ ಅರ್ಜುನ್ ಸರ್ಜಾ ಚೆನ್ನೈಗೆ ವಾಪಸಾಗಿ ಪತ್ನಿ ಆಶಾರಾಣಿ ಹುಟ್ಟುಹಬ್ಬ ಆಚರಿಸಿದ್ದರು. ನಿನ್ನೆ ಅರ್ಜುನ್ ಸರ್ಜಾ ಎರಡನೇ ಪುತ್ರಿ ಅಂಜನಾ ಹುಟ್ಟುಹಬ್ಬವಾಗಿದ್ದು ಆ್ಯಕ್ಷನ್ ಪ್ರಿನ್ಸ್ ಧ್ರುವಾಸರ್ಜಾ ಅಂಜನಾ ಹುಟ್ಟುಹಬ್ಬ ಆಚರಿಸಿದ್ದಾರೆ. ನಿನ್ನೆ ರಾತ್ರಿ ಇಡೀ ಕುಟುಂಬ ಸಂಭ್ರಮದಲ್ಲಿ ತೇಲಾಡಿದೆ. ಮಾವನ ಮಗಳ ಹುಟ್ಟುಹಬ್ಬ ಆಚರಿಸಲು ಧ್ರುವಾ ಚೆನ್ನೈಗೆ ಹಾರಿದ್ದಾರೆ. ಧ್ರುವಾಗೆ ಅವರ ಭಾವಿ ಪತ್ನಿ ಪ್ರೇರಣಾ ಕೂಡಾ ಸಾಥ್ ನೀಡಿದ್ದಾರೆ.
ಅಂಜನಾ ಬರ್ತಡೇ
'ಪೊಗರು' ಸಿನಿಮಾ ಶೂಟಿಂಗ್ನಲ್ಲಿ ಬ್ಯುಸಿಯಿರುವ ಧ್ರುವಾ ಬಿಡುವು ಮಾಡಿಕೊಂಡು ಚೆನ್ನೈಗೆ ಹಾರಿದ್ದಾರೆ. ರಾತ್ರಿ 12 ಗಂಟೆಗೆ ಹುಟ್ಟುಹಬ್ಬ ಆಚರಿಸಿ ಹಾಡು, ಕುಣಿತದಲ್ಲಿ ಭಾಗಿಯಾಗಿ ಎಂಜಾಯ್ ಮಾಡಿದ್ದಾರೆ.
