ನೋಡುಗರನ್ನು ನಿಗೂಢ ಲೋಕಕ್ಕೆ ಕೊಂಡೊಯ್ಯುವ ಆ ದೃಶ್ಯ: ಡಬಲ್​​​​​ ಶೇಡ್​​ನಲ್ಲಿ 'ರವಿಮಾಮ'

ರವಿಚಂದ್ರನ್​​ ನಟನೆಯ ಆ ದೃಶ್ಯ ಸಿನಿಮಾ ತಮಿಳಿನ ದೃವಂಗಳ್ ಪತಿನಾರು’ ಸಿನಿಮಾದ ರೀಮೇಕ್​. ಸಿನಿಮಾದಲ್ಲಿ ರವಿಚಂದ್ರನ್​​ ಡಬಲ್​ ಶೇಡ್​ನಲ್ಲಿ ಕಾಣಿಸಿಕೊಂಡಿದ್ದು, ಪೊಲೀಸ್​​ ಪಾತ್ರ ಮಾಡಿದ್ದಾರೆ. ​

ಅಂದು ‘ದೃಶ್ಯ’ ಸಿನಿಮಾದಲ್ಲಿ ಕ್ರೇಜಿ ಸ್ಟಾರ್​ ವಿಚಂದ್ರನ್ ಮನೆಯ ಮಗಳ ರಕ್ಷಣೆಗೆ ಪಣ ತೊಟ್ಟರು. ಇಂದು ‘ಆ ದೃಶ್ಯ’ ಸಿನಿಮಾದಲ್ಲಿ ಹೆತ್ತ ಮಗನ ರಕ್ಷಣೆಗೆ ಶ್ರಮಿಸಿದ್ದಾರೆ. ಇನ್ನು ಈ ಹಿಂದೆ ತೆರೆ ಕಂಡಿದ್ದ ಕನ್ನಡದ ‘ದೃಶ್ಯ’ ಮಲಯಾಳಂ ಭಾಷೆಯ ‘ದೃಶ್ಯಮ್’ ರೀಮೇಕ್ ಆಗಿತ್ತು. ಇಂದು ‘ಆ ದೃಶ್ಯ’ ತಮಿಳಿನ ‘ದೃವಂಗಳ್ ಪತಿನಾರು’ ರೀಮೇಕ್.

ಈ ಚಿತ್ರದ ಅಂತ್ಯದಲ್ಲಿ ರಾಮಾಯಣವನ್ನು ರಾವಣನ ಮುಖಾಂತರ ಹೇಳಿದರೆ ಹೇಗೋ ಹಾಗಿದೆ ಈ ಚಿತ್ರದ ನಿರೂಪಣೆ ಎಂದು ನಾಯಕ ಹೇಳುತ್ತಾರೆ. ನಿರ್ದೇಶಕ ಶಿವ ಗಣೇಶ್ ರೀಮೇಕ್ ಮಾಡುವಾಗ ಯಥಾವತ್ ಮಾಡದೆ ಕೆಲವು ಬದಲಾವಣೆ ಮಾಡಿಕೊಂಡಿದ್ದಾರೆ. ಆದರೆ ಪೊಲೀಸ್ ಇಲಾಖೆಯಲ್ಲೇ ಇದ್ದುಕೊಂಡು ಉನ್ನತ ಅಧಿಕಾರಿ ತಪ್ಪು ಮಾಡಿದಾಗ ಮಗನ ಸಂರಕ್ಷಣೆ ಮಾಡುವುದು ಚಿತ್ರದ ಅಂತ್ಯದಲ್ಲಿ ಕಂಡುಬರುತ್ತದೆ.

ಇನ್ನು ಈ ಪಾತ್ರ ವಿ.ರವಿಚಂದ್ರನ್​ಗೆ ಸರಿಯಾಗಿ ಹೊಂದಿಕೊಂಡು ಲೀಲಾಜಾಲವಾಗಿ ಅಭಿನಯಿಸಿರುವುದು ಚಿತ್ರದ ಮೊದಲ ಶಕ್ತಿ. ಮೂಲ ಸಿನಿಮಾವನ್ನು ನೋಡದೆ ಇರುವವರಿಗೆ ‘ಆ ದೃಶ್ಯ’ ಕುತೂಹಲ ಕೆರಳಿಸಿ ನೋಡಿಸಿಕೊಂಡು ಹೋಗುವ ಸಿನಿಮಾ. ವಿ.ರವಿಚಂದ್ರನ್, ಅಚ್ಯುತ್ ಕುಮಾರ್ ಬಿಟ್ಟರೆ ಮಿಕ್ಕವರನ್ನು ಹೊಸದಾಗಿ ಆಯ್ಕೆ ಮಾಡಿಕೊಂಡಿರುವುದು ಚಿತ್ರದ ಅಂತ್ಯದವೆರೆಗೂ ಗುಟ್ಟು ಬಯಲಾಗುವುದಿಲ್ಲ.

• " class="align-text-top noRightClick twitterSection" data="">

ಸಿನಿಮಾದಲ್ಲಿ ರವಿಚಂದ್ರನ್ ಎರಡು ಶೇಡ್​​ನಲ್ಲಿ ಅಭಿನಯಿಸಿದ್ದಾರೆ. ಒಂದು ಯುವಕನಾಗಿ, ಮತ್ತೊಂದು ವಯಸ್ಸಾದ ಪಾತ್ರ. ಈ ಎರಡು ಪಾತ್ರಗಳಲ್ಲಿ ಅವರು ಸಲೀಸಾಗಿ ಅಭಿನಯಿಸಿದ್ದಾರೆ. ಅಚ್ಯುತ್ ಕುಮಾರ್, ಚೈತ್ರ ಆಚಾರ್, ನಿಸರ್ಗ, ವಿ.ರವಿಚಂದ್ರ ಸಹಾಯಕನ ಪಾತ್ರ, ಯಶ್​ ಶೆಟ್ಟಿ, ಅಜಿತ್ ಜಯರಾಜ್ ಪಾತ್ರಗಳಿಗೆ ಸರಿಯಾಗಿ ಹೊಂದಾಣಿಕೆ ಆಗಿದ್ದಾರೆ.

ಚಿತ್ರದಲ್ಲಿ ಹಿನ್ನೆಲೆ ಸಂಗೀತವನ್ನು ಗೌತಮ್ ಶ್ರೀವಾತ್ಸವ್ ಅಚ್ಚುಕಟ್ಟಾಗಿ ಮಾಡಿದ್ದಾರೆ. ಛಾಯಾಗ್ರಹಣದ ಬೆಂಬಲ ಸಹ ಈ ಚಿತ್ರಕ್ಕೆ ಸೊಗಸಾಗಿದೆ. ಕಡಿಮೆ ಅವಧಿಯಲ್ಲಿ ಒಂದು ಕುತೂಹಲ ತುಂಬಿದ ಸಿನಿಮಾವನ್ನು ಶಿವ ಗಣೇಶ್ ನಿರ್ದೇಶನ ಮಾಡಿದ್ದು, ನೋಡುಗರಿಗೆ ಕುತೂಹಲ ಹುಟ್ಟಿಸುತ್ತದೆ.

ಚಿತ್ರ: ಆ ದೃಶ್ಯ, ನಿರ್ಮಾಪಕ : ಕೆ.ಮಂಜು,

ನಿರ್ದೇಶನ : ಶಿವ ಗಣೇಶ್

, ಸಂಗೀತ : ಗೌತಮ್ ಶ್ರೀವತ್ಸವ್