ಬಾಲಿವುಡ್ ನಟ ಹೃತಿಕ್ ರೋಷನ್ ಹಾಗೂ ಟೈಗರ್ ಶ್ರಾಫ್ 'ವಾರ್' ಚಿತ್ರದಲ್ಲಿ ಜತೆಯಾಗಿ ನಟಿಸುತ್ತಿದ್ದಾರೆ. ಈ ಮೂಲಕ ಗ್ರೀಕ್ ಗಾಡ್ ಜತೆ ತೆರೆ ಹಂಚಿಕೊಳ್ಳಬೇಕೆನ್ನುವ ಬಹುದಿನಗಳ ಬಯಕೆಯನ್ನು ಟೈಗರ್ ಈಡೇರಿಸಿಕೊಂಡಿದ್ದಾರೆ.
ಸಿದ್ದಾರ್ಥ್ ಆನಂದ್ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ 'ವಾರ್' ಬಗ್ಗೆ ಬಿಟೌನ್ ಅಂಗಳದಲ್ಲಿ ಭಾರೀ ಟಾಕ್ ಆಗುತ್ತಿದೆ. ಈಗಾಗಲೇ ಸಂಚಲನ ಮೂಡಿಸಿರುವ ಈ ಚಿತ್ರದ ಪುಟ್ಟದೊಂದು ಟೀಸರ್ ನಿನ್ನೆ ಬಿಡುಗಡೆಯಾಗಿದೆ. ಕೇವಲ ಒಂದು ನಿಮಿಷದ ಈ ಟೀಸರ್ ನೋಡುಗರನದ್ನು ರೋಮಾಂಚನಗೊಳಿಸುತ್ತದೆ. ಮೈನವಿರೇಳಿಸುವ ಫೈಟ್, ಕಾರ್ ಚೇಸಿಂಗ್ ದೃಶ್ಯಗಳು ಮಾಸ್ ಪ್ರಿಯರಿಗೆ ರಸದೌತಣ ನೀಡುತ್ತಿವೆ. ಇದರಲ್ಲಿ ಹೃತಿಕ್ ಹಾಗೂ ಟೈಗರ್ ಶ್ರಾಫ್ ನಡುವಿನ ಹೊಡೆದಾಟದ ಸೀನ್ಗಳಂತೂ ಚಿತ್ರದ ಮೇಲಿನ ನಿರೀಕ್ಷೆ ದುಪ್ಟಟ್ಟುಗೊಳಿಸುತ್ತಿವೆ.
- " class="align-text-top noRightClick twitterSection" data="">
ನಿನ್ನೆಯಷ್ಟೆ ಬಿಡುಗಡೆಯಾಗಿರುವ ಈ ಟೀಸರ್ ಹ್ಯೂಜ್ ರೆಸ್ಪಾನ್ಸ್ ಗಿಟ್ಟಿಸಿಕೊಳ್ಳುತ್ತಿದೆ. ಒಂದೇ ದಿನದಲ್ಲಿ 65 ಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಪಡೆಯುವ ಮೂಲಕ ಯುಟ್ಯೂಬ್ನಲ್ಲಿ ನಂಬರ್ 1 ಟ್ರೆಂಡಿಂಗ್ನಲ್ಲಿದೆ. ಆದಿತ್ಯಾ ಚೋಪ್ರಾ ನಿರ್ಮಾಣದ 'ವಾರ್' ಸಿನಿಮಾ ಹಿಂದಿ ಸೇರಿದಂತೆ ತಮಿಳು ಹಾಗೂ ತೆಲುಗು ಭಾಷೆಯಲ್ಲಿ ಅಕ್ಟೋಬರ್ 2ರಂದು ದೇಶಾದ್ಯಂತ ತೆರೆಗೆ ಅಪ್ಪಳಿಸಲಿದೆ.
