ನಿನ್ನೆ ನವದೆಹಲಿಯಲ್ಲಿ ಪ್ರಧಾನಿ ಮೋದಿ ಅವರನ್ನು ಅಕ್ಷಯ ಕುಮಾರ್ ಸಂದರ್ಶಿಸಿದ್ದರು. ಇದು ರಾಜಕೀಯೇತರ ಮಾತುಕತೆಯಾಗಿತ್ತು. ತಮ್ಮ ಬಾಲ್ಯ, ಶಿಕ್ಷಣ, ರಾಜಕೀಯ ನಾಯಕರ ಜತೆ ತಮ್ಮ ಸ್ನೇಹ, ಹೀಗೆ ಹಲವಾರು ಸಂಗತಿಗಳನ್ನು ಅಕ್ಷಯ್ ಎದುರು ಹಂಚಿಕೊಂಡಿದ್ದರು ಮೋದಿ..
ಇದೀಗ ಈ ಸಂದರ್ಶನದ ವಿರುದ್ಧ ಸಿದ್ಧಾರ್ಥ್ ಕಿಡಿ ಕಾರಿದ್ದಾರೆ. ನೇರವಾಗಿ ಅಕ್ಷಯ್ ಮೇಲೆಯೇ ದಾಳಿ ಮಾಡಿರುವ ಅವರು, 'ಅಕ್ಷಯ್ ಕುಮಾರ್ ಒಬ್ಬ ಬೆಲೆ ಅರಿಯದ ವಿಲನ್' ಎಂದು ಜರಿದಿದ್ದಾರೆ.
ಇನ್ನು ಸಿದ್ಧಾರ್ಥ್ ಈ ಟೀಕೆಯ ಟ್ವೀಟ್ ಸಂಚಲನ ಮೂಡಿಸಿದೆ. ಕೆಲವರು ವಿನಾಕಾರಣ ಮೋದಿಯನ್ನೇ ಏಕೆ ದ್ವೇಷಿಸುತ್ತೀರಾ ಎಂದು ಪ್ರಶ್ನಿಸಿದ್ದರೆ, ಇನ್ನ ಕೆಲವರು ಸಿದ್ಧಾರ್ಥ್ ಟೀಕೆ ಸಮರ್ಥಿಸಿಕೊಂಡಿದ್ದಾರೆ.
