ಹೈದರಾಬಾದ್ : ಬಾಲಿವುಡ್ ನಟಿ ರಾಕುಲ್ ಪ್ರೀತ್ ಸಿಂಗ್‌ಗೆ ಹುಟ್ಟುಹಬ್ಬದ ಸಂಭ್ರಮ. ಇದೇ ಖುಷಿಯಲ್ಲಿರುವ ಈ ನಟಿ ತಮ್ಮ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ.
31ನೇ ವಸಂತಕ್ಕೆ ಕಾಲಿಟ್ಟಿರುವ ರಾಕುಲ್, ಈ ವಿಶೇಷ ದಿನದಿಂದು ಇನ್ಸ್ಟಾಗ್ರಾಮ್‌ನಲ್ಲಿ ನಿರ್ಮಾಪಕ ಜಾಕಿ ಭಗ್ನಾನಿ ಜೊತೆಗಿನ ಫೋಟೋವನ್ನು ಶೇರ್ ಮಾಡಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಭಗ್ನಾನಿ ಜತೆಗಿನ ಸಂಬಂಧವನ್ನು ಬಹಿರಂಗಗೊಳಿಸಿದ್ದಾರೆ.
- " class="align-text-top noRightClick twitterSection" data="
">
ಧನ್ಯವಾದಗಳು ನನ್ನ ಪ್ರೀತಿಯೇ.. ನೀನು ನನ್ನ ಈ ವರ್ಷದ ಬಹುದೊಡ್ಡ ಉಡುಗೊರೆ.. ನನ್ನ ಜೀವನಕ್ಕೆ ಬಣ್ಣ ತುಂಬಿದ್ದಕ್ಕಾಗಿ ಧನ್ಯವಾದಗಳು.. ನನ್ನನ್ನು ತುಂಬಾ ನಗಿಸಿದ್ದಕ್ಕಾಗಿ ಧನ್ಯವಾದಗಳು.. ನನ್ನ ಜೊತೆ ಇರುವುದಕ್ಕಾಗಿ ಧನ್ಯವಾದಗಳು ಮೈ ಲವ್ ಜಾಕಿ ಭಗ್ನಾನಿ.. ಎಂದು ಹೃದಯಸ್ಪರ್ಶಿಯಾಗಿ ರಾಕುಲ್ ಪ್ರೀತ್ ಸಿಂಗ್ ಬರೆದುಕೊಂಡಿದ್ದಾರೆ.
ಇದಕ್ಕೆ ಜಾಕಿ ಭಗ್ನಾನಿ ತಮ್ಮ ಇನ್ಸ್ಟಾಗ್ರಾಮ್‌ನಲ್ಲಿ ಅದೇ ಫೋಟೋವನ್ನು ಪೋಸ್ಟ್ ಮಾಡಿ, 'ನೀನಿಲ್ಲದೆ ದಿನ ಕಳೆದಂತೆ ಅನುಸುವುದಿಲ್ಲ. ನೀನಿಲ್ಲದೆ ಯಾವುದೇ ವಿಷಯಗಳಲ್ಲಿಯೂ ಸಂಸತ ಇರುವುದಿಲ್ಲ. ನಿನ್ನಿಂದ ನನ್ನ ಪ್ರಪಂಚ ತುಂಬಾ ಸಿಹಿಯಾಗಿದೆ. ನಿನ್ನ ಸಂತೋಷದ ಈ ದಿನ, ನಿನ್ನ ನಗುವಿನಂತೆ ಸುಂದರವಾಗಿರಲಿ.. ಜನ್ಮದಿನದ ಶುಭಾಶಯಗಳು ನನ್ನ ಪ್ರೀತಿಯೆ.. ಎಂದು ಬರೆದಿದ್ದಾರೆ. ಈ ಮೂಲಕ ಇಬ್ಬರು ತಮ್ಮ ಸಂಬಂಧವನ್ನು ಒಪ್ಪಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಪ್ರೀತ್ ಸಿಂಗ್ ಹುಟ್ಟುಹಬ್ಬಕ್ಕೆ ಬಾಲಿವುಡ್ ನಟ-ನಟಿಯರು ಸಹ ಶುಭ ಕೋರಿದ್ದಾರೆ. ಇಬ್ಬರ ಸಂಬಂಧ ಗಟ್ಟಿಯಾಗಿರಲು ಆಶಯಿಸಿದ್ದಾರೆ. ಸದ್ಯ ರಾಕುಲ್, ಅಕ್ಷಯ್ ಕುಮಾರ್ ಜೊತೆ ಪ್ರೊಡಕ್ಷನ್ ನಂ. 41 ಚಿತ್ರದ ಶೂಟಿಂಗ್ ಮುಗಿಸಿದ್ದಾರೆ.
ಇದನ್ನೂ ಓದಿ: ಬಾಲಿವುಡ್ ಸುಂದರಿಗೆ ಜನ್ಮದಿನದ ಸಂಭ್ರಮ.. ರೇಖಾಗೆ ಶುಭಾಶಯ ಕೋರಿದ ಕಂಗನಾ
