ವಾಷಿಂಗ್ಟನ್ : ಬಾಲಿವುಡ್ ಸ್ಟಾರ್ ನಟಿ ಪ್ರಿಯಾಂಕ ಚೋಪ್ರಾ ಮದುವೆ ವಾರ್ಷಿಕೋತ್ಸವದ ಸಂಭ್ರಮದಲ್ಲಿದ್ದಾರೆ. ಡಿಸೆಂಬರ್ 1 ಕ್ಕೆ ಪ್ರಿಯಾಂಕ ಅಮೆರಿಕದ ಗಾಯಕ ನಿಕ್ ಜೋನಸ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟು 2 ವರ್ಷ ಕಳೆದಿವೆ.
ಈ ಹಿನ್ನೆಲೆ ಪ್ರೀತಿಯ ಪತಿ ಜೊತೆ ಪಿಗ್ಗಿ ತಮ್ಮ ಎರಡನೇ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿದರು. ಈ ಸಂಭ್ರಮದ ಭಾಗವಾಗಿ ಲಂಡನ್ ಸ್ಟ್ರೀಟ್ನಲ್ಲಿ ಪತಿ ನಿಕ್ ಜೋನಸ್ ಕೈ ಹಿಡಿದು ಸುತ್ತಾಡುತ್ತಿರುವ ಫೋಟೋವೊಂದನ್ನು ಪ್ರಿಯಾಂಕ್ ಹಂಚಿಕೊಂಡಿದ್ದಾರೆ. ಇದರ ಜೊತೆ ಹೃದಯಸ್ಪರ್ಶಿ ಶೀರ್ಷಿಕೆಯೊಂದನ್ನು ನೀಡಿದ್ದಾರೆ. ನನ್ನ ಜೀವನದ ಪ್ರೀತಿಗೆ 2 ನೇ ವರ್ಷದ ವಾರ್ಷಿಕೋತ್ಸವದ ಶುಭಾಶಯಗಳು. ಯಾವಾಗಲೂ ನನ್ನ ಜೊತೆಯಲ್ಲೇ ಇರು. ನನ್ನ ಶಕ್ತಿ, ನನ್ನ ದೌರ್ಬಲ್ಯ. ನನ್ನೆಲ್ಲವೂ ನೀನೇ .. ಐ ಲವ್ ಯು ನಿಕ್ ಜೋನಸ್ ಅಂತ ಬರೆದು ಪತಿಗೆ ಶುಭಾಶಯ ಕೋರಿದ್ದಾರೆ.
ಇತ್ತ ಪ್ರಿಯಾಂಕ ಪತಿ 28 ವರ್ಷದ ಅಮೆರಿಕನ್ ಸಿಂಗರ್ ನಿಕ್ ಜೋನಸ್, ರಾಜಸ್ಥಾನದ ಜೋಧ್ಪುರದ ಉಮೈದ್ ಭವನ್ ಅರಮನೆಯಲ್ಲಿ ನಡೆದ ತಮ್ಮ ರಾಯಲ್ ವೆಡ್ಡಿಂಗ್ ಫೋಟೋವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ ಅವರು ಅತೀ ಸುಂದರ, ಅತ್ಯಂತ ಅದ್ಭುತ, ಸ್ಫೂರ್ತಿದಾಯಕ ಮಹಿಳೆಯನ್ನು ಮದುವೆಯಾಗಿ ಇಂದಿಗೆ 2 ವರ್ಷಗಳು ಎಂದು ಬರೆದುಕೊಂಡಿದ್ದಾರೆ.
ಹ್ಯಾಪಿ ವಾರ್ಷಿಕೋತ್ಸವ @ ಪ್ರಿಯಾಂಕಾಚೋಪ್ರಾ, ಐ ಲವ್ ಯು ಅಂತ ಜೋನಸ್ ಬರೆದುಕೊಂಡಿದ್ದು. ಪ್ರಿಯಾಂಕಾ ಕೂಡ" ಐ ಲವ್ ಯು ಮೇರಿ ಜಾನ್ " ಎಂದು ಕಮೆಂಟ್ ಮಾಡಿದ್ದಾರೆ.
2018ರಲ್ಲಿ ಪ್ರಿಯಾಂಕಾ ಮತ್ತು ನಿಕ್ ಜೋನಸ್ ತಾರಾಜೋಡಿ ಡಿಸೆಂಬರ್ 1 ಮತ್ತು 2 ರಂದು ಜೋಧ್ಪುರದ ಉಮೈದ್ ಭವನ್ ಅರಮನೆಯಲ್ಲಿ ಕ್ರಿಶ್ಚಿಯನ್ ಮತ್ತು ಹಿಂದೂ ಸಂಪ್ರದಾಯದಂತೆ ವಿವಾಹವಾದರು. ನಂತರ, ದಂಪತಿ ದೆಹಲಿ ಮತ್ತು ಮುಂಬೈನಲ್ಲಿ ಎರಡು ರಿಸೆಪ್ಷನ್ ಸಹ ಆಯೋಜಿಸಿದ್ದರು.
