ನಿಶ್ಚಿತಾರ್ಥ ದಿನದ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ಪ್ರಿಯಾಂಕಾ - ನಿಕ್

ಹಾಲಿವುಡ್ ಹಾಟ್ ಜೋಡಿ ಪ್ರಿಯಾಂಕಾ ಚೋಪ್ರಾ, ನಿಕ್ ಜೋನಾಸ್ ನಿಶ್ಚಿತಾರ್ಥ ದಿನದ ಸುಮಧುರ ಕ್ಷಣಗಳ ಫೋಟೊಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್​ ಮಾಡಿಕೊಂಡು ಸಂತಸ ವ್ಯಕ್ತಪಡಿಸಿದ್ದಾರೆ.

ಹಾಲಿವುಡ್ ಹಾಟ್ ಜೋಡಿ ಪ್ರಿಯಾಂಕಾ ಚೋಪ್ರಾ, ನಿಕ್ ಜೋನಾಸ್ ನಡುವಿನ ಅನುಬಂಧ ದಿನೇ ದಿನೆ ಇನ್ನಷ್ಟು ಹತ್ತಿರವಾಗುತ್ತಿದೆ. ಇದೀಗ ಅವರ ನಿಶ್ಚಿತಾರ್ಥ ದಿನದ ಸುಮಧುರ ಕ್ಷಣಗಳ ಫೋಟೊಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್​ ಮಾಡಿಕೊಂಡು ಸಂತಸ ವ್ಯಕ್ತಪಡಿಸಿದ್ದಾರೆ.

ನಟಿ ಪ್ರಿಯಾಂಕಾ ಚೋಪ್ರಾ ನಿಕ್​ ಜೊತೆಗೆ ತಮ್ಮ ಎಂಗೇಜ್​ಮೆಂಟ್​​ ರಿಂಗ್​ ಪ್ರದರ್ಶಿಸಿ ಇರುವ ರೊಮ್ಯಾಂಟಿಕ್​​ ಫೋಟೋ ಶೇರ್​ ಮಾಡಿದ್ದರೆ, ಎಂಗೇಜ್​ಮೆಂಟ್ ನಂತರ ಬೀಜ್​ ಬಳಿ ಜೊತೆಗೆ ಊಟ ಮಾಡಿರುವ ಫೋಟೋವನ್ನು ನಿಕ್ ಜೋನಾಸ್ ಶೇರ್​ ಮಾಡಿದ್ದಾರೆ. ಇದೀಗ ನಮ್ಮ ಈ ಸಂಬಂಧಕ್ಕೆ (ಎಂಗೇಜ್​ಮೆಂಟ್​) 3 ವರ್ಷಗಳು ತುಂಬಿದ್ದು, ಬಹಳಾನೇ ಸ್ಪೆಷಲ್​​ ಎಂಬರ್ಥದಲ್ಲಿ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಇನ್ನೂ ಜುಲೈ 18ರಂದು ಪ್ರಿಯಾಂಕಾ ಚೋಪ್ರಾ 39ನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದು, ಪತಿಯಿಂದ ವಿಶೇಷ ಉಡುಗೊರೆ ಪಡೆದಿದ್ದರು.