ಹೈದರಾಬಾದ್: ಬಾಲಿವುಡ್ ತಾರಾ ಜೋಡಿ ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಲ್ ಡಿಸೆಂಬರ್ 9 ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದು, ತಮ್ಮ ವಿವಾಹದ ಕೆಲ ಫೋಟೋಗಳನ್ನು ಶೇರ್ ಮಾಡಿಕೊಳ್ಳುತ್ತಿದ್ದಾರೆ. ಇದೀಗ ಕತ್ರಿನಾ ಕೆಲ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.
ವಿವಾಹ ಸಂಭ್ರಮದಲ್ಲಿರುವ ಕತ್ರಿನಾ - ವಿಕ್ಕಿ ದಂಪತಿ ನಿರಂತರವಾಗಿ ಮದುವೆ ಸಂಭ್ರಮದ ಕೆಲ ಫೋಟೋಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಅರಿಶಿಣ ಶಾಸ್ತ್ರ, ಮೆಹಂದಿ, ವಿವಾಹ ಸಮಾರಂಭದ ಕೆಲ ಚಿತ್ರಗಳನ್ನು ನವಜೋಡಿ ಹಂಚಿಕೊಂಡಿತ್ತು. ಇದೀಗ ಕತ್ರಿನಾ ತಮ್ಮ ಸಹೋದರಿಯೊಂದಿಗಿನ ಮದುವೆಯ ಕೆಲ ಫೋಟೋಗಳನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದಾರೆ.
'ನಾವು ಸಹೋದರಿಯರು ಬೆಳೆಯುತ್ತಾ ಹೋದಂತೆ ಯಾವಾಗಲೂ ಒಬ್ಬರಿಗೊಬ್ಬರು ರಕ್ಷಿಸಿಕೊಳ್ಳುತ್ತಾ ಹೋದೆವು. ಇವರು ನನ್ನ ಶಕ್ತಿಯ ಆಧಾರಸ್ತಂಭ. ನಾವು ಯಾವಾಗಲೂ ಆಕಾಶ, ಭೂಮಿಯಂತೆ ಒಟ್ಟಿಗೆ ಇರುತ್ತೇವೆ. ನಮ್ಮ ಸಂಬಂಧ ಯಾವಾಗಲೂ ಹೀಗೆಯೇ ಇರಬೇಕು' ಎಂದು ಫೋಟೋಗಳಿಗೆ ಭಾವನಾತ್ಮಕವಾಗಿ ಟಿಪ್ಪಣಿ ಬರೆದುಕೊಂಡಿದ್ದಾರೆ.
ಫೋಟೋಗಳಲ್ಲಿ ರೆಡ್ ಡ್ರೆಸ್ನಲ್ಲಿ ಕತ್ರಿನಾ ಕೈಫ್ ವೆಡ್ಡಿಂಗ್ ಲುಕ್ನಲ್ಲಿ ಅದ್ಭುತವಾಗಿ ಕಂಗೊಳಿಸುತ್ತಿದ್ದು, ಕತ್ರಿನಾ ಜೊತೆಗೆ ಅವರ ಸಹೋದರಿಯರು ಸಹ ಕಾಣಿಸಿಕೊಂಡಿದ್ದಾರೆ. ವಿದೇಶಿ ಬೆಡಗಿಯ ದೇಸಿ ಲುಕ್ಗೆ ಭಾರಿ ಪ್ರಶಂಸೆ ವ್ಯಕ್ತವಾಗುತ್ತಿದೆ. ಸುಮಾರು 8 ಲಕ್ಷ 56 ಸಾವಿರಕ್ಕೂ ಹೆಚ್ಚು ಅಭಿಮಾನಿಗಳು ಮೆಚ್ಚಿಕೊಂಡಿದ್ದು, ಕಾಮೆಂಟ್ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ಟಾಲಿವುಡ್ ನಟಿ ಸಮಂತಾಗೆ ಚಳಿಜ್ವರ.. ಆಸ್ಪತ್ರೆಯಲ್ಲಿ ಚಿಕಿತ್ಸೆ
