ಮಹಿಳಾ ಪ್ರಧಾನ ಈ ಚಿತ್ರಕ್ಕೆ ಕಂಗನಾ ಹೇಳಿ ಮಾಡಿಸಿದ ನಟಿ ಎಂದು ಚಿತ್ರತಂಡ ಇವರನ್ನು ಸಂಪರ್ಕಿಸಿದೆ. ಈ ಬೋಲ್ಡ್ ಅಂಡ್ ಬ್ಯೂಟಿ ಕೂಡ ತೆರೆ ಮೇಲೆ ತಮಿಳುನಾಡಿನ ಅಮ್ಮನಾಗಿ ಮಿಂಚಲು ಓಕೆ ಎಂದಿದ್ದಾರಂತೆ. ಆದರೆ, ಸಂಭಾವನೆ ಮಾತ್ರ ಜಾಸ್ತಿನೇ ಕೇಳಿದ್ದಾರಂತೆ.
ಮೂಲಗಳ ಪ್ರಕಾರ ಬರೋಬ್ಬರಿ 24 ಕೋಟಿ ಕೊಟ್ರೆ ಮಾತ್ರ ಅಭಿನಯಿಸುವುದಾಗಿ ಕಡ್ಡಿಮುರಿದಂತೆ ಕಂಗನಾ ಹೇಳಿದ್ದಾರಂತೆ. ಅವರ ಈ ಬೇಡಿಕೆಗೆ ದಿಗಿಲುಗೊಂಡಿರುವ ಚಿತ್ರತಂಡ, ಸ್ವಲ್ಪ ಸಮಯಾವಕಾಶ ಕೇಳಿದೆಯಂತೆ.
ಇನ್ನು ಬಾಲಿವುಡ್ನಲ್ಲಿ ಯಾವ ನಟಿಮಣಿಗೂ ಇಷ್ಟು ಸಂಭಾವನೆಯಿಲ್ಲ. ಅಬ್ಬಬ್ಬಾ ಅಂದ್ರೆ 10 ಕೋಟಿ ಕೊಡುತ್ತಾರಷ್ಟೆ. ಆದರೆ, ಕಂಗನಾ ಇಷ್ಟು ದೊಡ್ಡಮೊತ್ತ ಕೇಳುತ್ತಿರುವುದಕ್ಕೆ ಕಾರಣವೂ ಇದೆ. ಇವರು ನಟಿಸಿರುವ ತನು ವೆಡ್ಸ್ ಮನು ರಿಟರ್ನ್ ಹಾಗೂ ಕ್ವೀನ್ ಚಿತ್ರಗಳು ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸಿವೆ. ಇತ್ತೀಚಿಗಷ್ಟೆ ತೆರೆಕಂಡಿರುವ ಮಣಿಕರ್ಣಿಕಾ ಕೂಡ ಗಲ್ಲಾಪೆಟ್ಟಿಗೆ ತುಂಬಿಸಿತ್ತು. ಹೀಗಾಗಿ ಕಂಗನಾ ತಮ್ಮ ಹಣದ ಬೇಡಿಕೆ ಹೆಚ್ಚಿಸಿಕೊಂಡಿದ್ದಾರೆ.
ಇನ್ನು ಜಯಲಲಿತಾ ಬಯೋಪಿಕ್ ಚಿತ್ರಕ್ಕೆ ತಲೈವಿ ಎಂದು ಟೈಟಲ್ ಇಟ್ಟಿದ್ದು, ಎಎಲ್ ವಿಜಯ್ ನಿರ್ದೇಶನ ಮಾಡುತ್ತಿದ್ದಾರೆ. ಬಾಹುಬಲಿ ಖ್ಯಾತಿಯ ವೈಯ್.ವಿ. ವಿಜಯೇಂದ್ರ ಪ್ರಸಾದ್ ಈ ಚಿತ್ರಕ್ಕೆ ಸ್ಕ್ರಿಪ್ಟ್ ಕೆಲಸ ಮಾಡಿದ್ದಾರೆ. ಈ ಚಿತ್ರ ತಮಿಳು ಹಾಗೂ ಹಿಂದಿಯಲ್ಲಿ ತೆರೆಕಾಣಲಿದೆ.
