ಮುಂಬೈ: ಬಾಲಿವುಡ್ ನಟಿ ಜಾನ್ವಿ ಕಪೂರ್ ಇಂದು 24ನೇ ವಸಂತಕ್ಕೆ ಕಾಲಿಟ್ಟಿದ್ದು, ತನ್ನ ಹುಟ್ಟುಹಬ್ಬದ ದಿನವೂ ಕೆಲಸದಲ್ಲಿ ಬ್ಯುಸಿಯಾಗಿರುವ ನಟಿ ತನ್ನ ಮುಂದಿನ ಚಿತ್ರ ಗುಡ್ ಲಕ್ ಜೆರ್ರಿಗಾಗಿ ಇಂದು ಪಟಿಯಾಲದಲ್ಲಿ ಇಡೀ ದಿನ ಚಿತ್ರೀಕರಣದಲ್ಲಿ ಪಾಲ್ಗೊಳ್ಳಲಿದ್ದಾರೆ.
ಹುಟ್ಟ ಹಬ್ಬದಂದು ಕೆಲಸ ಮಾಡಲು ಇಷ್ಟ ಎಂದಿರುವ ಜಾನ್ವಿ "ನಾನು ಈ ವರ್ಷ ನನ್ನ ಹುಟ್ಟುಹಬ್ಬದ ದಿನದಂದು ಪಟಿಯಾಲದಲ್ಲಿ ಗುಡ್ ಲಕ್ ಜೆರ್ರಿ ಶೂಟಿಂಗ್ನಲ್ಲಿ ಭಾಗಿಯಾಗುವುದಾಗಿ ಹೇಳಿದ್ದಾರೆ. ಅಲ್ಲದೆ ಪ್ರಾಮಾಣಿಕವಾಗಿ, ನಾನು ಯಾವಾಗಲೂ ನನ್ನ ಜನ್ಮದಿನದಂದು ಶೂಟಿಂಗ್ ಮಾಡಲು ಬಯಸುತ್ತೇನೆ. ಹುಟ್ಟು ಹಬ್ಬದಂದು ಸಮಯ ಕಳೆಯಲು ಶೂಟಿಂಗ್ ಸ್ಟಾಟ್ಗಿಂತ ಮತ್ತೊಂದು ಸ್ಥಳ ಬೇಕಿಲ್ಲ ಎಂದಿದ್ದಾರೆ.
ಗುಡ್ ಲಕ್ ಜೆರ್ರಿ ಚಿತ್ರವನ್ನು ಆನಂದ್ ಎಲ್. ರಾಯ್ ನಿರ್ಮಿಸುತ್ತಿದ್ದು, ಪಂಕಜ್ ಮಟ್ಟಾ ಚಿತ್ರ ಕಥೆ ಬರೆದಿದ್ದಾರೆ ಮತ್ತು ಸಿದ್ದಾರ್ಥ್ ಸೇನ್‌ಗುಪ್ತಾ ನಿರ್ದೇಶಿಸಿದ್ದಾರೆ, ಮತ್ತು ಈ ಚಿತ್ರದಲ್ಲಿ ದೀಪಕ್ ದೋಬ್ರಿಯಲ್, ಮೀಟಾ ವಶಿಶ್ತ್, ನೀರಜ್ ಸೂದ್ ಮತ್ತು ಸುಶಾಂತ್ ಸಿಂಗ್ ಕೂಡ ಇದ್ದಾರೆ.
ಜಾನ್ವಿ ಅವರ ಹೊಸ ಚಿತ್ರ ರೂಹಿ ಇದೇ ಮಾರ್ಚ್ 11 ರಂದು ಬಿಡುಗಡೆಯಾಗುತ್ತದೆ. ಈ ಚಿತ್ರದಲ್ಲಿ ಅವರು ರಾಜ್‌ ಕುಮಾರ್ ರಾವ್ ಮತ್ತು ವರುಣ್ ಶರ್ಮಾ ಅವರೊಂದಿಗೆ ನಟಿಸಿದ್ದಾರೆ.
