ಇಲ್ಲಿದೆ ನಟಿ ಮಾಧುರಿ ದೀಕ್ಷಿತ್​ ಫಿಟ್ನೆಸ್​ ರಹಸ್ಯ!

ಕೊರೊನಾ 2ನೇ ಅಲೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿರುವ ಬಾಲಿವುಡ್​​ ನಟಿ ಮಾಧುರಿ ದೀಕ್ಷಿತ್​​, ನಾವೆಲ್ಲರೂ ಪರಸ್ಪರ ಸಹಕಾರ ಹಾಗೂ ಬೆಂಬಲದಿಂದ ಮಾತ್ರ ಈ ಕಾಯಿಲೆ ಗೆಲ್ಲಬಹುದು ಎಂಬ ಸಂದೇಶ ನೀಡಿದ್ದಾರೆ.

ಹೈದರಾಬಾದ್​: ಸಾಮಾಜಿಕ ಜಾಲತಾಣಗಳಲ್ಲಿ ವೈಯಕ್ತಿಕ ಜೀವನದ ಅಪ್ಡೇಟ್​​​ಗಳನ್ನೇ ಹಂಚಿಕೊಳ್ಳುತ್ತಾ ಸದಾ ಸುದ್ದಿಯಾಗುವ ಬಾಲಿವುಡ್​ ನಟಿ ಮಾಧುರಿ ದೀಕ್ಷಿತ್​ ಅವರು, ಇದೀಗ ಕೊರೊನಾ 2ನೇ ಅಲೆಯ ಸಮಯದಲ್ಲಿ ತಮ್ಮ ಫಿಟ್ನೆಸ್​ ಬಗೆಗಿನ ರಹಸ್ಯದ ಚಿತ್ರವನ್ನು ಹಂಚಿಕೊಂಡಿದ್ದಾರೆ.

ಸಾಮಾನ್ಯವಾಗಿ ಚಲನಚಿತ್ರ ನಟಿಯರು ತಮ್ಮ ಫಿಟ್ನೆಸ್​ ಹಾಗೂ ದೇಹ ಸೌಂದರ್ಯಕ್ಕೆ ಮೊದಲ ಆದ್ಯತೆ ನೀಡುತ್ತಾರೆ. ಅದೇ ರೀತಿ 53 ವರ್ಷಕ್ಕೆ ಕಾಲಿಟ್ಟಿರುವ ನಟಿ ಮಾಧುರಿ ದೀಕ್ಷಿತ್​ ಇಂದಿಗೂ ತಮ್ಮ ಸೌಂದರ್ಯವನ್ನು ಕಾಪಾಡಿಕೊಂಡು ಬಂದಿದ್ದು, ಇದಕ್ಕಾಗಿ ನಿತ್ಯವೂ ಯೋಗಾಸನ ಮಾಡುತ್ತಾರಂತೆ.

ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಯೋಗಾಸನ ಮಾಡುವ ಫೋಟೊವನ್ನು ಹಂಚಿಕೊಂಡಿರುವ ಅವರು ಪ್ರೇಕ್ಷಕರ ಮನವನ್ನು ಗೆದ್ದಿದ್ದಾರೆ. ಅದೇ ರೀತಿ ಕೊರೊನಾ 2ನೇ ಅಲೆಯ ಬಗ್ಗೆಯೂ ಕಳವಳ ವ್ಯಕ್ತಪಡಿಸಿರುವ ನಟಿ, ನಾವೆಲ್ಲರೂ ಪರಸ್ಪರ ಸಹಕಾರ ಹಾಗೂ ಬೆಂಬಲದಿಂದ ಮಾತ್ರ ಈ ಕಾಯಿಲೆಯನ್ನು ಗೆಲ್ಲಬಹುದು ಎಂಬ ಸಂದೇಶವನ್ನು ನೀಡಿದ್ದಾರೆ.

ಓದಿ: ಕೊರೊನಾ ಹೆಚ್ಚಾಗುವುದಕ್ಕೆ ನಾವೇ ಕಾರಣ ಎಂದ ಜೆಕೆ!