ಹೈದರಾಬಾದ್: ಇಂದ್ರ ಕುಮಾರ್ ಅವರ ದಿಲ್ ಸಿನಿಮಾದಲ್ಲಿ ಮೊದಲ ಬಾರಿಗೆ ಅಮೀರ್ ಖಾನ್ ಮಾಧುರಿ ದೀಕ್ಷಿತ್ ಜೋಡಿಯಾಗಿ ನಟಿಸಿದ್ರು. ಈ ಸಿನಿಮಾ ಬಿಡುಗಡೆಯಾಗಿ ಇದೀಗ 31 ವರ್ಷಗಳು ಕಳೆದಿವೆ.
ಇನ್ನು ಈ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ಮಾಧುರಿ, ಚಿತ್ರದ ಶೂಟಿಂಗ್ ಸೆಟ್‌ಗಳಲ್ಲಿ ನಡೆದ ತಮಾಷೆಯ ಘಟನೆಗಳನ್ನು ಶೇರ್ ಮಾಡಿಕೊಂಡಿದ್ದಾರೆ. ಅಮೀರ್ ಖಾನ್ ಅವರನ್ನು ಹೊಡೆಯಲು ಕೈಯಲ್ಲಿ ಹಾಕಿ ಸ್ಟಿಕ್ ಹಿಡಿದು ಮಾಧುರಿ ಅಟ್ಟಿಸಿಕೊಂಡು ಓಡಿದ್ರಂತೆ.
ಥ್ರೋ ಬ್ಯಾಕ್ ವಿಡಿಯೋ ಹಂಚಿಕೊಂಡ ಮಾಧುರಿ ಅಭಿಮಾನಿಗಳ ಪ್ರಶ್ನೆಗಳಿಗೆ ಉತ್ತರಿಸುತ್ತ, ನನ್ನ ಜೀವಮಾನದಲ್ಲಿ ನಡೆದ ಅತ್ಯಂತ ಪನ್ನಿ ಘಟನೆ ಅದು ಎಂದು ನೆನಪಿಸಿಕೊಂಡಿದ್ದಾರೆ. ಸೆಟ್ನಲ್ಲಿ ತಮಾಷೆಗೆ ಎಂದು ಅಮೀರ್ ಮಾಧುರಿ ಕೈಗೆ ಉಗುಳಿದರಂತೆ ಆಗ ಕೋಪಗೊಂಡ ಮಾಧುರಿ ಹಾಕಿ ಸ್ಟಿಕ್ ಎತ್ತಿಕೊಂಡು ಅಮೀರ್ ಖಾನ್ ಅವರನ್ನು ಅಟ್ಟಾಡಿಸಿಕೊಂಡು ಹೋಗಿದ್ರಂತೆ.
1990ರಲ್ಲಿ ಬಿಡುಗಡೆಯಾದ ದಿಲ್‌ನಲ್ಲಿ ಅನುಪಮ್ ಖೇರ್ ಮತ್ತು ದಿವಂಗತ ನಟ ಸಯೀದ್ ಜಾಫ್ರಿ ಕೂಡ ಅಭಿನಯಿಸಿದ್ರು. ಈ ಚಿತ್ರವು ಇಂದ್ರ ಕುಮಾರ್ ನಿರ್ದೇಶನದ ಚೊಚ್ಚಲ ಚಿತ್ರವಾಗಿತ್ತು. ಚಿತ್ರದ ಹಾಡುಗಳನ್ನಷ್ಟೇ ಅಲ್ಲದೇ ಮಾಧುರಿ ಮತ್ತು ಅಮೀರ್ ಖಾನ್ ನಡುವಿನ ಕೆಮೆಸ್ಟ್ರಿಯನ್ನ ಸಹ ಜನ ಮೆಚ್ಚಿಕೊಂಡಿದ್ದರು.
