ಮುಂಬೈ: ಬಾಲಿವುಡ್ ನಟಿ ಆಲಿಯಾ ಭಟ್ ನಟನೆಯ ‘ಗಂಗೂಬಾಯಿ ಕಥಿಯಾವಾಡಿ’ ಸಿನಿಮಾ ಬಿಡುಗಡೆಗೂ ಮುನ್ನವೇ ಸಾಕಷ್ಟು ಸದ್ದು ಮಾಡುತ್ತಿದೆ. ಚಿತ್ರದ ಹಾಡೊಂದು ಇಂದು ಬಿಡುಗಡೆಯಾಗಿದ್ದು ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ.
- " class="align-text-top noRightClick twitterSection" data="">
ನಟಿ ಆಲಿಯಾ ಭಟ್ ಬಿಳಿ ಸೀರೆಯನ್ನು ಧರಿಸಿ ಭರ್ಜರಿಯಾಗಿ ಸ್ಟೆಪ್ ಹಾಕಿರುವ ‘ಡೋಲಿಡಾ..’ ಹಾಡು ಇಂದು ಬಿಡುಗಡೆ ಆಗಿದೆ. ಯೂಟ್ಯೂಬ್ನಲ್ಲಿ ರಿಲೀಸ್ ಆದ ಕೆಲವೇ ಗಂಟೆಗಳಲ್ಲಿ ಈ ಹಾಡು ಭಾರಿ ವೀಕ್ಷಣೆ ಕಂಡಿದೆ. ನಟಿಯ ನೃತ್ಯ ಮೋಡಿ ಮಾಡುವಂತಹದ್ದಿದೆ.
ಚಿತ್ರನಿರ್ಮಾಪಕ ಸಂಜಯ್ ಲೀಲಾ ಬನ್ಸಾಲಿ ಚಿತ್ರದ ಹಾಡಿನ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಗಂಗೂಬಾಯಿ (ಆಲಿಯಾ ಭಟ್) ಧೋಲ್ ರಾಗಗಳಿಗೆ ನೃತ್ಯ ಮಾಡುವ ಹಾಡು ಇದಾಗಿದೆ. ಕುಮಾರ್ ಬರೆದ ಸಾಹಿತ್ಯಕ್ಕೆ ಬನ್ಸಾಲಿಯವರೇ ಸಂಗೀತ ಸಂಯೋಜನೆ ಮಾಡಿದ್ದಾರೆ.
ಇದನ್ನೂ ಓದಿ: ಕಚ್ಚಾ ಬಾದಾಮ್ ಹಾಡಿಗೆ ಹೆಜ್ಜೆ ಹಾಕಿದ ಮಗಳ ವಿಡಿಯೋ ಹಂಚಿಕೊಂಡ ನಟ ಅಲ್ಲು ಅರ್ಜುನ್
ಗಾರ್ಬಾದ ನಿಜವಾದ ಸಾರವನ್ನು ಹೇಳುವ ಈ ಹಾಡನ್ನು ಜಾಹ್ನವಿ ಶ್ರೀಮಾನ್ಕರ್ ಮತ್ತು ಶೈಲ್ ಹದಾ ಹಾಡಿದ್ದಾರೆ. ಕೃತಿ ಮಹೇಶ್ ನೃತ್ಯ ಸಂಯೋಜನೆ ಮಾಡಿದ್ದಾರೆ. ಹಾಡುಗಳಿಗೆ ಹೆಚ್ಚು ಮಹತ್ವ ನೀಡುವ ಸಂಜಯ್ ಲೀಲಾ ಬನ್ಸಾಲಿ ಮತ್ತೊಂದು ಟ್ರ್ಯಾಕ್‌ನೊಂದಿಗೆ ಗಮನ ಸೆಳೆಯಲಿದ್ದಾರೆ. ಚಿತ್ರವು ಇದೇ ಫೆ.25ರಂದು ಅದ್ಧೂರಿಯಾಗಿ ರಿಲೀಸ್ ಆಗಲಿದೆ.
