ಮುಂಬೈ: ಬಹುನೀರಿಕ್ಷಿತ್ ಕೆಜಿಎಫ್ ಚಾಪ್ಟರ್ -2 ಸಿನಿಮಾದ ಅಧೀರ ಪೋಸ್ಟರ್ ಈಗಾಗಲೇ ರಿಲೀಸ್ ಆಗಿದ್ದು, ಸಿನಿಮಾ ರಸಿಕರಲ್ಲಿ ಇನ್ನಿಲ್ಲದ ಕುತೂಹಲ ಮೂಡಿಸಿದೆ. ಅಧೀರ ಪಾತ್ರದಲ್ಲಿ ನಟನೆ ಮಾಡಿರುವ ಬಾಲಿವುಟ್ ನಟ ಸಂಜಯ್ ದತ್ ಖುದ್ದಾಗಿ ಈ ವಿಷಯದ ಬಗ್ಗೆ ಮಾತನಾಡಿದ್ದಾರೆ.
ನಿನ್ನೆ ತಮ್ಮ 60ನೇ ಹುಟ್ಟಹಬ್ಬ ಆಚರಿಸಿಕೊಂಡಿರುವ ನಟ ಸಂಜಯ್ ದತ್ ಕೆಜಿಎಫ್ - 2 ಅಧೀರ ಪಾತ್ರದ ಬಗ್ಗೆ ಮಾಹಿತಿ ಬಿಚ್ಚಿಟ್ಟಿದ್ದು, ಅಧೀರ ಪಾತ್ರ ತುಂಬಾ ಪವರ್ಫುಲ್ ಆಗಿದೆ. ಅವೆಂಜರ್ಸ್ ಚಿತ್ರದಲ್ಲಿನ ಥಾನೋಸ್ ರೀತಿಯಿದೆ ಎಂದು ಹೇಳಿಕೊಂಡಿದ್ದಾರೆ. ಕೆಜಿಎಫ್ 1 ಚಾಪ್ಟರ್ನಲ್ಲಿ ಅಧೀರ ಪಾತ್ರ ಕೊನೆಯಲ್ಲಿ ಬರುತ್ತದೆ. ಆದರೆ ಈ ಚಾಪ್ಟರ್ನಲ್ಲಿ ಆರಂಭದಿಂದಲೇ ಪಾತ್ರ ಶುರುವಾಗಲಿದ್ದು, ತುಂಬಾ ಖತರ್ನಾಕ್ ಆಗಿದೆ ಹಾಗೂ ಗೆಟಪ್ ಕೂಡ ಅಷ್ಟೇ ಅಪಾಯಕಾರಿಯಾಗಿದೆ ಎಂದು ತಿಳಿಸಿದ್ದಾರೆ.
'ಕೆಜಿಎಫ್ ಚಾಪ್ಟರ್ -2' ಚಿತ್ರತಂಡವು ನಿನ್ನೆ ನಟ ಸಂಜಯ್ ದತ್ ಹುಟ್ಟುಹಬ್ಬವಿದ್ದ ಕಾರಣ, ಅವರ ಪೋಸ್ಟರ್ ಅನ್ನು ರಿಲೀಸ್ ಮಾಡುವ ಮೂಲಕ ಅವರಿಗೆ ವಿಭಿನ್ನ ಹಾಗೂ ವಿಶೇ‍ಷವಾಗಿ 'ಬರ್ತ್ ಡೇ ವಿಶ್' ಮಾಡಿತ್ತು.
ಕನ್ನಡದ ರಾಕಿಂಗ್ ಸ್ಟಾರ್ ಯಶ್ ನಟನೆಯ ಚಿತ್ರ ಇದಾಗಿದ್ದು, ಪ್ರಶಾಂತ್ ನೀಲ್ ಈ ಚಿತ್ರದ ನಿರ್ದೇಶಕರಾಗಿದ್ದಾರೆ. ಈಗಾಗಲೇ ರಿಲೀಸ್ ಆಗಿರುವ ಕೆಜಿಎಫ್1 ಸಿಕ್ಕಾಪಟ್ಟೆ ಫೇಮಸ್ ಆಗಿದೆ.
