ಮುಂಬೈ: ಹಿಂದಿ ಸಿನಿಮಾ ಅಥವಾ ವೆಬ್ ಸಿರೀಸ್ನಲ್ಲಿ ಕೆಲಸ ಕೊಡಿಸುವುದಾಗಿ ನಂಬಿಸಿ ವಂಚಿಸಿದ ನಕಲಿ ನಿರ್ದೇಶಕನನ್ನು ಮುಂಬೈ ಪೊಲೀಸರು ಬಂಧಿಸಿದ್ದಾರೆ. ಓಂಪ್ರಕಾಶ್ ತಿವಾರಿ(24) ಬಂಧಿತ ಆರೋಪಿ.
ಬಂಗಾಳಿ ನಟಿಯೊಬ್ಬರು ಓಂಪ್ರಕಾಶ್ ತಿವಾರಿಯನ್ನು ಸಾಮಾಜಿಕ ಮಾಧ್ಯಮದ ಮೂಲಕ ಪರಿಚಯ ಮಾಡಿಕೊಂಡಿದ್ದರು. ತಾನೊಬ್ಬ ಸಿನಿಮಾ ನಿರ್ದೇಶಕನಾಗಿದ್ದು, ಸಿನಿಮಾದಲ್ಲಿ ಕೆಲಸ ಕೊಡಿಸುವೆ ಎಂದು ಬಂಗಾಳಿ ನಟಿಯನ್ನು ನಂಬಿಸಿದ್ದ.
ಬಳಿಕ ಆರೋಪಿ ಓಂಪ್ರಕಾಶ್ ಬಂಗಾಳಿ ನಟಿಯ ಹಾಟ್ ಫೋಟೋಗಳನ್ನು ತರಿಸಿಕೊಂಡಿದ್ದಾನೆ. ಇದಲ್ಲದೇ, ನನ್ನನ್ನು ಮುಂಬೈಗೆ ಬಂದು ಭೇಟಿ ಮಾಡು ಎಂದು ತಿಳಿಸಿದ್ದಾನೆ. ಇದೆಲ್ಲವನ್ನು ನಟಿ ನಂಬಿದ್ದಳು. ಬಳಿಕ ಆರೋಪಿ ಓಂಪ್ರಕಾಶ್ ಹಣಕ್ಕೆ ಬೇಡಿಕೆ ಇಟ್ಟಿದ್ದಾನೆ. ಹಣ ನೀಡದಿದ್ದರೆ ನಿನ್ನ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡುವೆ ಎಂದು ಬೆದರಿಸಿದ್ದಾನೆ.
ಬೆದರಿಕೆ ಹಾಕಿದ ಓಂಪ್ರಕಾಶ್ ವಿರುದ್ಧ ಬಂಗಾಳಿ ನಟಿ ಮುಂಬೈ ಪೊಲೀಸರಿಗೆ ದೂರು ನೀಡಿದ್ದಾರೆ. ತಕ್ಷಣವೇ ಕಾರ್ಯಪ್ರವೃತ್ತರಾದ ಪೊಲೀಸರು ದೂರು ದಾಖಲಾದ 48 ಗಂಟೆಯೊಳಗೆ ಆರೋಪಿಯನ್ನು ಬಂಧಿಸಿದ್ದಾರೆ.
ಇದನ್ನೂ ಓದಿ: ರಿಯಲ್ ಅಲ್ದೇ ರೀಲ್ನಲ್ಲೂ ಜೋಡಿಯಾಗಲಿದ್ದಾರಾ ವಿಕ್ಯಾಟ್.. ಜೀ ಲೆ ಜರಾ ಸಿನಿಮಾದಲ್ಲಿ ಕತ್ರಿನಾಗೆ ವಿಕ್ಕಿ ಕೌಶಲ್ ನಾಯಕ?
