ಫಿಟ್ ಆಗಿರುವ ಉದ್ದೇಶದಿಂದಲೇ ಬಾಲಿವುಡ್-ಹಾಲಿವುಡ್ ನಟ-ನಟಿಯರು ಅನೇಕ ರೀತಿಯ ವರ್ಕೌಟ್ ಮಾಡ್ತಾರೆ. ಹೀಗಾಗಿ ಅವರಿಗೆ 45 - 50 ವರ್ಷವಾದ್ರೂ ಯುವಕ-ಯುವತಿಯರನ್ನು ನಾಚಿಸುವ ರೀತಿ ಸದೃಢವಾಗಿರುತ್ತಾರೆ. ಜತೆಗೆ ತಮ್ಮ ಸೌಂದರ್ಯವನ್ನು ಅದೇ ರೀತಿ ಕಾಪಾಡಿಕೊಂಡಿರುತ್ತಾರೆ. ಹಾಲಿವುಡ್ನ ಫೇಮಸ್ ನಟಿ ಕ್ಯಾಥರಿನ್ ಜೇಟಾ ಕೂಡ ಇದರಿಂದ ಹೊರತಾಗಿಲ್ಲ.
ಹಾಲಿವುಡ್ ನಟಿ ಕ್ಯಾಥರಿನ್ ಜೇಟಾ ತಮ್ಮ 51ನೇ ವಯಸ್ಸಿನಲ್ಲೂ ಸಖತ್ ಫಿಟ್ ಆಗಿದ್ದು, 'ಹುಲ ಹೂಪ್' ಮಾಡುವ ಮೂಲಕ ಅಭಿಮಾನಿಗಳನ್ನು ಖುಷಿಯಾಗುವಂತೆ ಮಾಡಿದ್ದಾರೆ. ತಮ್ಮ ಇನ್ಸ್ಟಾಗ್ರಾಂನಲ್ಲಿ ಅದರ ವಿಡಿಯೋ ಹಾಕಿಕೊಂಡಿರುವ ನಟಿ, ಫುಲ್ ಫಿಟ್ ಆಗಿರುವುದಾಗಿ ತಿಳಿಸಿದ್ದಾರೆ. ವಿಡಿಯೋ ನೋಡಿರುವ ಅನೇಕರು ಮೆಚ್ಚುಗೆ ಸಹ ವ್ಯಕ್ತಪಡಿಸಿದ್ದಾರೆ.
2019ರಲ್ಲಿ ಭಾರತಕ್ಕೆ ಭೇಟಿ ನೀಡಿದ್ದ ಹಾಲಿವುಡ್ ನಟಿ ಕ್ಯಾಥರಿನ್ 'ಕಾಲಾ ಚಸ್ಮಾ' ಹಾಡಿಗೆ ಸಖತ್ ಡ್ಯಾನ್ಸ್ ಮಾಡುವ ಮೂಲಕ ಅಭಿಮಾನಿಗಳ ಮನಗೆದ್ದಿದ್ದರು. ಈ ಹಿಂದೆ ಇದೇ ನಟಿ ಕೂದಲು ಶೈನ್ ಆಗಲು ಬಿಯರ್ ಬಳಸುವಂತೆ ಸಲಹೆ ಕೂಡ ನೀಡಿದ್ದರು.
ಇದನ್ನೂ ಓದಿರಿ:'ಅಮರ ಪ್ರೇಮಿ ಅರುಣ್' ಚಿತ್ರದಲ್ಲಿ ಜಾನಪದ ಅಕಾಡೆಮಿ ಅಧ್ಯಕ್ಷೆ ಜೋಗತಿ ಮಂಜಮ್ಮ ಅಭಿನಯ
