ನವದೆಹಲಿ: ಚಿಪ್-ತಯಾರಕ ಇಂಟೆಲ್ ಕಂಪನಿ ವಿಶ್ವದ ಅತ್ಯಂತ ವೇಗದ ಡೆಸ್ಕ್ಟಾಪ್ ಪ್ರೊಸೆಸರ್ ಆದ Intel Core i9-12900KS ಪ್ರೊಸೆಸರ್ ಅನ್ನು ಏಪ್ರಿಲ್ 5ರಿಂದ ಗ್ರಾಹಕರಿಗೆ ಲಭ್ಯವಾಗುವಂತೆ ಮಾಡುತ್ತಿದ್ದು, ಇದರ ಆರಂಭಿಕ ಬೆಲೆ 739 ಡಾಲರ್ (56151 ರೂಪಾಯಿ) ಆಗಿರಲಿದೆ ಎಂದು ಮಾಹಿತಿ ನೀಡಿದೆ.
ಈ ಡೆಸ್ಕ್ಟಾಪ್ ಪ್ರೊಸೆಸರ್ ಗರಿಷ್ಠ 5.5 ಗಿಗಾಹರ್ಟ್ಜ್ ಮ್ಯಾಕ್ಸ್ ಟರ್ಬೋ ಪ್ರೀಕ್ವೆನ್ಸಿ ವೇಗದಲ್ಲಿ ಕಾರ್ಯ ನಿರ್ವಹಿಸುತ್ತದೆ ಎಂದು ಹೇಳಿಕೆ ನೀಡಿದೆ. ಮ್ಯಾಕ್ಸ್ ಟರ್ಬೋ ಪ್ರೀಕ್ವೆನ್ಸಿ ಎಂದರೆ ಇಂಟೆಲ್ನ ಟರ್ಬೋ ಬೂಸ್ಟ್ ಟೆಕ್ನಾಲಜಿಯನ್ನು ಬಳಸಿಕೊಂಡು ಪ್ರೊಸೆಸರ್ ಕಾರ್ಯನಿರ್ವಹಣೆ ಮಾಡುವ ಗರಿಷ್ಟ ವೇಗವಾಗಿದೆ.
ಬಾಕ್ಸ್ಡ್ ಪ್ರೊಸೆಸರ್ (boxed processor) ಆಗಿ ಇಂಟೆಲ್ನ ಡೆಸ್ಕ್ಟಾಪ್ ಪ್ರೊಸೆಸರ್ ಕಾರ್ಯನಿರ್ವಹಿಸಲಿದ್ದು. ಪ್ರಪಂಚದಾದ್ಯಂತದ ಚಿಲ್ಲರೆ ವ್ಯಾಪಾರಿಗಳಲ್ಲಿ ದೊರಕಲಿದೆ. ಇಂಟೆಲ್ ಮತ್ತು ಅಧಿಕೃತ ಪಾಲುದಾರರಿಂದ ತಯಾರಿಸಿದ ಉತ್ಪನ್ನಗಳನ್ನು ಈ ಪ್ರೊಸೆಸರ್ನಲ್ಲಿ ಅಳವಡಿಸಲಾಗಿದೆ.
Intel Core i9-12900KS ಪ್ರೊಸೆಸರ್ 12ನೇ ಪೀಳಿಗೆಯದ್ದಾಗಿದ್ದು, ಇಂಟೆಲ್ ಥರ್ಮಲ್ ವೆಲಾಸಿಟಿ ಬೂಸ್ಟ್‌ನೊಂದಿಗೆ 5.5 GHz ಕರ್ತವ್ಯ ನಿರ್ವಹಿಸುತ್ತದೆ. ಅತ್ಯುತ್ತಮ ಗೇಮಿಂಗ್ ಅನುಭವ ಒದಗಿಸಲು 'ಅಡಾಪ್ಟಿವ್ ಬೂಸ್ಟ್ ಟೆಕ್ನಾಲಜಿ' ವೈಶಿಷ್ಟ್ಯಗಳನ್ನು ಹೊಂದಿದೆ.
ಈ ಪ್ರೊಸೆಸರ್ ಹೈಬ್ರಿಡ್ ಆರ್ಕಿಟೆಕ್ಚರ್ ಅನ್ನು ಆಧರಿಸಿದ್ದು, ಇದು 16 ಕೋರ್‌ಗಳು, 24 ಥ್ರೆಡ್‌ಗಳು, 150W ಪ್ರೊಸೆಸರ್ ಬೇಸ್ ಪವರ್, 30MB ಇಂಟೆಲ್ ಸ್ಮಾರ್ಟ್ ಕ್ಯಾಶ್ ಮತ್ತು PCIe Gen 5.0 ಮತ್ತು 4.0 ಬೆಂಬಲ ಹೊಂದಿದೆ ಎಂದು ಇಂಟೆಲ್‌ನಲ್ಲಿ ಗೇಮಿಂಗ್, ಕ್ರಿಯೇಟರ್ ಮತ್ತು ಎಸ್‌ಪೋರ್ಟ್ಸ್ ವಿಭಾಗದ ಜನರಲ್ ಮ್ಯಾನೇಜರ್ ಮಾರ್ಕಸ್ ಕೆನಡಿ ಹೇಳಿದ್ದಾರೆ. ಚಿಪ್‌ಸೆಟ್ ಅಸ್ತಿತ್ವದಲ್ಲಿರುವ Z690 ಮದರ್‌ಬೋರ್ಡ್‌ಗಳು ಕಂಪ್ಯೂಟರ್ನ ಕಾರ್ಯಕ್ಷಮತೆ ಹೆಚ್ಚಿಸುತ್ತದೆ ಎಂದು ಕಂಪನಿ ಹೇಳಿದೆ.
ಇದನ್ನೂ ಓದಿ: ದೇಶದಲ್ಲಿ 7ನೇ ದಿನವೂ ತೈಲ ಬೆಲೆ ಏರಿಕೆ ಶಾಕ್‌; ಪೆಟ್ರೋಲ್‌ 80 ಪೈಸೆ, ಡೀಸೆಲ್‌ 70 ಪೈಸೆ ಹೆಚ್ಚಳ
