ಹೈದರಾಬಾದ್: ಸೌರವ್ಯೂಹದ ಹೊರಗೆ ಇರುವ ಹೊಸ ಗ್ರಹಗಳನ್ನು ಕೃತಕ ಬುದ್ಧಿಮತ್ತೆ ಬಳಕೆ ಮಾಡಿ ಪತ್ತೆ ಮಾಡಬಹುದಾಗಿದೆ ಎಂದು ಜಾರ್ಜಿಯ ಯುನಿವರ್ಸಿಟಿಯ ಹೊಸ ಸಂಶೋಧನೆ ತಿಳಿಸಿದೆ. ಹೊಸ ಗ್ರಹಗಳ ಅನ್ವೇಷಣೆಯಲ್ಲಿ ಮೆಷಿನ್ ಲರ್ನಿಂಗ್ ಅನ್ನು ಬಳಕೆ ಮಾಡಬಹುದು ಎಂಬುದರ ಕುರಿತ ಪ್ರತ್ಯಕ್ಷೀಕರಣವನ್ನು ಇತ್ತೀಚೆಗೆ ಅಧ್ಯಯನ ನಡೆಸಿತ್ತು. ವಿಜ್ಞಾನಿಗಳು, ಭೂಮಿಯಿಂದ ಬಹು ದೂರ ಇರುವ ಗ್ರಹಗಳನ್ನು ಪತ್ತೆ ಮಾಡಬಹುದು ಎಂಬ ಮಾಹಿತಿಯನ್ನು ತಿಳಿಸಲಾಗಿತ್ತು.
ಖಗೋಳದಲ್ಲಿ ಇನ್ನೂ ಕೆಲ ಗ್ರಹಗಳು ಹುಟ್ಟಿಕೊಳ್ಳುತ್ತಿದ್ದು, ಇದನ್ನು ವಿಶ್ಲೇಷಿಸುವುದು ಒಂದು ಹೊಸ ವಿಷಯವಾಗಿದೆ ಎಂದು ಯುಜಿಎ ಪ್ರಾಕ್ಲಿನ್ ಕಾಲೇಜ್ ಆಫ್ ಆರ್ಟ್ಸ್ ಅಂಡ್ ಸೈನ್ಸ್ ಡಾಕ್ಟರಲ್ ವಿದ್ಯಾರ್ಥಿ ಜಾನ್ಸನ್ ಟೆರ್ರಿ ತಿಳಿಸಿದ್ದಾರೆ. ಗ್ರಹಗಳು ಸೃಷ್ಟಿಯಾಗುತ್ತಿರುವ ದತ್ತಾಂಶಗಳ ಸಂಗ್ರಹಣೆಯಲ್ಲಿ ಮಷಿನ್ ಲರ್ನಿಂಗ್ ಅನ್ನು ವಿರಳವಾಗಿ ಬಳಕೆ ಮಾಡಲಾಗುತ್ತಿದೆ ಎಂದು ಅವರು ಹೇಳಿದ್ದಾರೆ.
1992ರಲ್ಲಿ ಮೊದಲ ಎಕ್ಸೊಪ್ಲಾನೆಟ್ (ಸೌರ ವ್ಯೂಹದ ಹೊರಗಿನ ಗ್ರಹ) ಅನ್ನು ಪತ್ತೆ ಮಾಡಲಾಯಿತು. ಇನ್ನು 5000ಕ್ಕೂ ಹೆಚ್ಚು ಗ್ರಹಗಳು ಇದ್ದು. ಅವುಗಳನ್ನು ಪತ್ತೆ ಮಾಡಲು ಈ ಅಧ್ಯಯನ ವಿಜ್ಞಾನಿಗಳಿಗೆ ಸಹಾಯವಾಗಲಿದೆ. ಈ ಎಕ್ಸೋ ಪ್ಲಾನೆಟ್ ಸೃಷ್ಟಿಯ ಹಂತವನ್ನು ಪತ್ತೆ ಹಚ್ಚುವುದು ಎರಡು ಕಾರಣದಿಂದ ಕಷ್ಟವಾಗಿದೆ. ಮೊದಲನೇಯದು ಭೂಮಿಯಿಂದ ನೂರು ಬೆಳಕಿನ ವರ್ಷಕ್ಕೂ ಹೆಚ್ಚಿನ ದೂರದಲ್ಲಿ ಈ ಗ್ರಹಗಳಿವೆ ಎಂದು ಅಂದಾಜಿಸಲಾಗಿದೆ. ಎರಡನೇಯದು ಅವು ರೂಪಗೊಳ್ಳುವ ಪದರಗಳು ತುಂಬಾ ದಪ್ಪವಾಗಿರುತ್ತದೆ. ಈ ಡಿಸ್ಕ್ಗಳ ಮಧ್ಯೆದಲ್ಲಿ ಈ ಗ್ರಹಗಳು ಇರುತ್ತವೆ. ಧೂಳಿನ ಕಣ ಮತ್ತು ಗ್ಯಾಸ್ಗಳಿಂದ ಈ ಗ್ರಹಗಳು ರೂಪಗೊಂಡಿವೆ ಎಂದು ವಿಜ್ಞಾನಿಗಳು ಸಂಗ್ರಹಿಸಿರುವ ದತ್ತಾಂಶಗಳು ಸಲಹೆ ನೀಡುತ್ತದೆ. ಈ ಎಲ್ಲ ತೊಂದರೆಗಳ ನಿವಾರಣೆಗೆ ಕೃತಕ ಬುದ್ಧಿಮತ್ತೆ ನಮಗೆ ಸಹಾಯ ನೀಡಬಲ್ಲದು ಎಂದು ಸಂಶೋಧನೆ ತಿಳಿಸಿದೆ.
ಕೃತಕ ಬುದ್ಧಿಮತ್ತೆ ಬಳಸಿ ಸಂಶ್ಲೇಷಣೆ: ಇದು ಪರಿಕಲ್ಪನೆಯ ರೋಚಕ ಪುರಾವೆ ಆಗಿದೆ ಎಂದು ಸಂಶೋಧನೆಯ ಸಹ ಲೇಖಕರಾಗಿರುವ ಕ್ಯಾಸ್ಸಂಡ್ರ ಹಾಲ್ ತಿಳಿಸಿದ್ದಾರೆ. ಕೃತಕ ಬುದ್ದಿಮತ್ತೆಗೆ ನಾವು ತರಬೇತಿ ನೀಡಲು ಕಂಪ್ಯೂಟರ್ ಸಿಮ್ಯುಲೇಶನ್‌ಗಳಿಂದ ರಚಿಸಲಾದ ಪ್ರತ್ಯೇಕವಾಗಿ ಸಂಶ್ಲೇಷಿತ ದೂರದರ್ಶಕ ಡೇಟಾವನ್ನು ಬಳಸಿದ್ದೇವೆ. ನಂತರ ಅದನ್ನು ನೈಜ ದೂರದರ್ಶಕ ಡೇಟಾಗೆ ಅನ್ವಯಿಸಲಾಗಿದೆ. ಈ ರೀತಿಯ ಸಂಶೋಧನೆ ನಮ್ಮ ಕ್ಷೇತ್ರದಲ್ಲಿ ಹಿಂದೆಂದೂ ಮಾಡಿಲ್ಲ. ಇದು ಜೇಮ್ಸ್ ವೆಬ್ ಟೆಲಿಸ್ಕೋಪ್ ಡೇಟಾ ರೋಲ್ಸ್ ಆಗಿ ಆವಿಷ್ಕಾರಗಳ ಮಹಾಪೂರಕ್ಕೆ ದಾರಿ ಮಾಡಿಕೊಡುತ್ತದೆ
ಜೇಮ್ಸ್ ವೆಬ್ ಬಾಹ್ಯಕಾಶ ಟೆಲಿಸ್ಕೋಪ್: 2021ರಲ್ಲಿ ನಾಸಾ ಈ ಜೇಮ್ಸ್ ವೆಬ್ ಬಾಹ್ಯಕಾಶ ಟೆಲಿಸ್ಕೋಪ್ ಅನ್ನು ಪರಿಚಯಿಸಿತು. ಇದು ಬಾಹ್ಯಕಾಶದ ಅದ್ಬುತ ಇಮೇಜ್ ಮತ್ತು ದತ್ತಾಂಶಗಳನ್ನು ವಿಜ್ಞಾನಿಗಳಿಗೆ ಒದಗಿಸಿದೆ. ಇದು ಗ್ಯಾಲಕ್ಸಿಯಾದ್ಯಂತ ಅಸಮಾನವಾಗಿ ಹರಡಿರುವ ಎಕ್ಸೋಪ್ಲಾನೆಟ್‌ಗಳನ್ನು ಹುಡುಕುವ ಏಜೆನ್ಸಿಯ ಅನ್ವೇಷಣೆಯ ಇತ್ತೀಚಿನ ಪುನರಾವರ್ತನೆಯಾಗಿದೆ. ನ್ಯಾನ್ಸಿ ಗ್ರೇಸ್ ರೋಮನ್ ಅಬ್ಸರ್ವೇಟರಿ, 2027 ರಲ್ಲಿ ಪ್ರಾರಂಭಿಸಲು ಯೋಜಿಸಲಾದ 2.4-ಮೀಟರ್ ಸಮೀಕ್ಷೆ ದೂರದರ್ಶಕವು ಡಾರ್ಕ್ ಎನರ್ಜಿ ಮತ್ತು ಎಕ್ಸೋಪ್ಲಾನೆಟ್‌ಗಳನ್ನು ಹುಡುಕುತ್ತದೆ. ಇದು ಸಾಮರ್ಥ್ಯದ ಮುಂದಿನ ಪ್ರಮುಖ ವಿಸ್ತರಣೆಯಾಗಿದೆ.
ಉತ್ತಮ ಬೆಳಕಿನ ಮೂಲಕ ಅತ್ಯುತ್ತಮ ವ್ಯವಸ್ಥೆ ವೀಕ್ಷಣೆಗೆ, ಉತ್ತಮ ರೆಸ್ಯೂಲೂಷನ್ ಹೊಂದಿರುವ ಚಿತ್ರವನ್ನು ವೆಬ್ ಟೆಲಿಸ್ಕೋಪ್ ಪೂರೈಕೆ ಮಾಡುತ್ತದೆ. ಇದರ ಪರಿಣಾಮವಾಗಿ ಸೌರವ್ಯೂಹವನ್ನು ನಿರ್ಧರಿಸುವಾಗ ರೂಪುಗೊಳ್ಳುವ ಪರಿಸರಗಳು ಸ್ವತಃ ಹೆಚ್ಚಿನ ಆಸಕ್ತಿಯ ವಿಷಯವಾಗಿದೆ. ಉತ್ತಮ ಡೇಟಾದ ಸಾಮರ್ಥ್ಯವು ಹುಟ್ಟಿಕೊಳ್ಳುತ್ತಿದೆ. ಇದು ಕ್ಷೇತ್ರಕ್ಕೆ ಬಹಳ ರೋಮಾಂಚಕಾರಿ ಸಮಯವಾಗಿದೆ ಎಂದರು.
ಇದನ್ನೂ ಓದಿ: ಭಾರತದಲ್ಲಿ 30 ಲಕ್ಷ ಜನರಿಗೆ ಹಿಮನದಿಗಳ ಪ್ರವಾಹದ ಅಪಾಯ.. ಏನಿದು ನಿರ್ಗಲ್ಲು ಸಂಕಷ್ಟ?
