ಗುರು ಗ್ರಹದಂತಹ ಹಾಟ್​ ಗ್ರಹಗಳನ್ನು ಪತ್ತೆ ಮಾಡಿದ ಗಯಾ ಬಾಹ್ಯಾಕಾಶ ನೌಕೆ!

ಗಯಾ ಬಾಹ್ಯಾಕಾಶ ನೌಕೆ ಗುರು ಗ್ರಹದಂತಹ ಎರಡು ಗ್ರಹಗಳನ್ನು ಪತ್ತೆ ಮಾಡಿದ್ದು, ಈ ಗ್ರಹಗಳಿಗೆ ಹಾಟ್ ಜುಪಿಟರ್ಸ್ ಎಂದು ಕರೆಯಲಾಗಿದೆ.

ಜೆರುಸಲೇಂ: ಸ್ಟಾರ್ ಮ್ಯಾಪಿಂಗ್ ಯುರೋಪಿನ ಬಾಹ್ಯಾಕಾಶ ಸಂಸ್ಥೆ (ಇಎಸ್‌ಎ) ಗಯಾ ಬಾಹ್ಯಾಕಾಶ ನೌಕೆಯು ನಕ್ಷತ್ರಪುಂಜದೊಳಗಿನ ದೂರದ ಸೌರವ್ಯೂಹಗಳಲ್ಲಿ ಎರಡು ಹೊಸ ಗುರುವಿನಂತಹ ಗ್ರಹಗಳನ್ನು ಕಂಡುಹಿಡಿದಿದೆ.

ಟೆಲ್ ಅವಿವ್ ವಿಶ್ವವಿದ್ಯಾನಿಲಯದ ಸಂಶೋಧಕರು ಗಯಾ-1ಬಿ ಮತ್ತು ಗಯಾ-2ಬಿ ಎಂಬ ದೈತ್ಯ ಗ್ರಹಗಳನ್ನು ಗುರುತಿಸಿದ್ದಾರೆ. ಹೊಸ ಗ್ರಹಗಳು ತಮ್ಮ ಸೂರ್ಯನಿಗೆ ಬಹಳ ಹತ್ತಿರದಲ್ಲಿವೆ. ಹೀಗಾಗಿ ಅಲ್ಲಿನ ತಾಪಮಾನವು ಸುಮಾರು 1,000 ಡಿಗ್ರಿ ಸೆಲ್ಸಿಯಸ್‌ನಷ್ಟಿದೆ. ಈ ಕಾರಣದಿಂದಾಗಿ ಇವುಗಳನ್ನು ‘ಹಾಟ್ ಜುಪಿಟರ್ಸ್’ ಎಂದೂ ಕರೆಯಲಾಗುತ್ತದೆ ಅಂತಾ ಜರ್ನಲ್ ಖಗೋಳವಿಜ್ಞಾನ ಮತ್ತು ಆಸ್ಟ್ರೋಫಿಸಿಕ್ಸ್‌ನಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ ಉಲ್ಲೇಖಿಸಲಾಗಿದೆ.