ಸ್ಯಾನ್ ಫ್ರಾನ್ಸಿಸ್ಕೋ: ಎಲಾನ್ ಮಸ್ಕ್ ಅವರ ಸ್ಪೇಸ್‌ಎಕ್ಸ್ ಕಂಪನಿಯ ಸ್ಟಾರ್‌ಶಿಪ್ ಎಂಬ ಚಂದ್ರ ಮತ್ತು ಮಂಗಳ ರಾಕೆಟ್ ಅಭಿವೃದ್ಧಿಯ ಮೇಲ್ವಿಚಾರಣೆಗೆ ಸಹಾಯ ಮಾಡಲು ನಾಸಾದ ಮಾಜಿ ಮಾನವ ಬಾಹ್ಯಾಕಾಶ ಹಾರಾಟದ ಮುಖ್ಯಸ್ಥ ಕ್ಯಾಥಿ ಲ್ಯೂಡರ್ಸ್ ಅವರನ್ನು ನೇಮಕ ಮಾಡಲಾಗಿದೆ.
ಲ್ಯೂಡರ್ಸ್ ದಕ್ಷಿಣ ಟೆಕ್ಸಾಸ್‌ನಲ್ಲಿರುವ ಸ್ಪೇಸ್ಎಕ್ಸ್ನ ಉಡಾವಣಾ ಸೌಲಭ್ಯವಾದ ಸ್ಟಾರ್‌ಬೇಸ್‌ನಲ್ಲಿ ಜನರಲ್ ಮ್ಯಾನೇಜರ್ ಆಗಿದ್ದಾರೆ. ಸ್ಪೇಸ್‌ಎಕ್ಸ್ ತನ್ನ ಬೃಹತ್ ಡೀಪ್-ಸ್ಪೇಸ್ ಸ್ಟಾರ್‌ಶಿಪ್ ವಾಹನವನ್ನು ಸೌಲಭ್ಯದಿಂದ ನಿರ್ಮಿಸಿ, ಉಡಾವಣೆ ಮಾಡಲಿದೆ. ಕ್ಯಾಥಿ ಲ್ಯೂಡರ್ಸ್ ಅವರನ್ನು ಈ ಪ್ರಾಜೆಕ್ಟ್ಗೆ ನೇಮಕಾತಿ ಮಾಡುವ ಬಗ್ಗೆ ಈ ಮೊದಲೇ ಮಾಧ್ಯಮಗಳು ವರದಿ ಮಾಡಿದ್ದವು.
ಕ್ಯಾಥಿ ಲ್ಯೂಡರ್ಸ್ ಸ್ಪೇಸ್‌ಎಕ್ಸ್‌ಗೆ ಸೇರುವ ಮೊದಲು, ಲ್ಯೂಡರ್ಸ್ ಸುಮಾರು ಮೂರು ದಶಕಗಳ ಕಾಲ ನಾಸಾದಲ್ಲಿ ಕಾರ್ಯ ನಿರ್ವಹಿಸಿದ್ದರು. ಬಾಹ್ಯಾಕಾಶ ಸಂಸ್ಥೆಯಿಂದ ಬಾಹ್ಯಾಕಾಶ ಕಾರ್ಯಾಚರಣೆ ಮಿಷನ್ ಡೈರೆಕ್ಟರೇಟ್ (SOMD) ನ ಸಹಾಯಕ ಆಡಳಿತ ಹುದ್ದೆಯಿಂದ ಲ್ಯೂಡರ್ಸ್ ಅವರು ಕಳೆದ ಏಪ್ರಿಲ್ ಅಂತ್ಯದಲ್ಲಿ ನಿವೃತ್ತರಾಗಿದ್ದರು. ಜುಲೈ 2020 ರಲ್ಲಿ, ಅವರು ನಾಸಾದ ಮಾನವ ಪರಿಶೋಧನೆ ಮತ್ತು ಕಾರ್ಯಾಚರಣೆಗಳ ಮಿಷನ್ ನಿರ್ದೇಶನಾಲಯದ ಮುಖ್ಯಸ್ಥರಾಗಿದ್ದರು. ಅದಕ್ಕೂ ಮೊದಲು ಅವರು ನಾಸಾ ಗಗನಯಾತ್ರಿಗಳನ್ನು ಹೊತ್ತೊಯ್ಯುವ ಮೊದಲ SpaceX ಕಾರ್ಯಾಚರಣೆಗಳನ್ನು ಒಳಗೊಂಡಂತೆ ಅದರ ವಾಣಿಜ್ಯ ಸಿಬ್ಬಂದಿ ಕಾರ್ಯಕ್ರಮದ ವಿಭಾಗದ ನಿರ್ವಾಹಕರಾಗಿ ಕಾರ್ಯನಿರ್ವಹಸಿದ್ದರು.
ನಾಸಾದಲ್ಲಿ ಅವರು ಬಾಹ್ಯಾಕಾಶ ನೌಕೆ ಮತ್ತು ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣ (ಐಎಸ್ಎಸ್) ಕಾರ್ಯಕ್ರಮಗಳಲ್ಲೂ ಕಾರ್ಯ ನಿರ್ವಹಿಸಿದ್ದಾರೆ. SOMD ಯ ಮುಖ್ಯಸ್ಥರಾಗಿ, ಅವರು ಏಜೆನ್ಸಿಗಾಗಿ ಸ್ಪೇಸ್ಎಕ್ಸ್ನ ಮೊದಲ ಸಿಬ್ಬಂದಿ ಮಿಷನ್ ಸೇರಿದಂತೆ ISS ಗೆ ಮತ್ತು ಕಾರ್ಗೋ ಮತ್ತು ಕ್ರೂ ಡ್ರ್ಯಾಗನ್ ಕಾರ್ಯಾಚರಣೆಗಳ ಮೇಲ್ವಿಚಾರಕರಾಗಿಯೂ ಕೆಲಸ ಮಾಡಿದ್ದರು.
ಇದನ್ನೂ ಓದಿ: ಕಳೆದುಹೋದ ವಸ್ತುಗಳನ್ನು ಪತ್ತೆ ಹಚ್ಚಲು ಬಂತು ರೋಬೋಟ್.. ಹೇಗಿರುತ್ತೆ ಇದರ ಕಾರ್ಯ?
