ನವದೆಹಲಿ: ಜನಪ್ರಿಯ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ ಸ್ನ್ಯಾಪ್‌ಚಾಟ್ ಬುಧವಾರ ಭಾರತದ ಬಳಕೆದಾರರಿಗಾಗಿ ಎರಡು ಹೊಸ ನಿಕ್ ನೇಮ್ ಥೀಮ್ ಆಧರಿತ ವರ್ಧಿತ ರಿಯಾಲಿಟಿ (ವರ್ಚ್ಯುಯಲ್ ರಿಯಾಲಿಟಿ -ಎಆರ್) ಲೆನ್ಸ್‌ಗಳನ್ನು ಪರಿಚಯಿಸಿದೆ. ‘India’s Top Nicknames’ ಮತ್ತು ‘My Nickname’ ಎಂದು ಇವುಗಳನ್ನು ಹೆಸರಿಸಲಾಗಿದೆ. 'ಭಾರತದ ಟಾಪ್ ನಿಕ್ ನೇಮ್ಸ್' ಲೆನ್ಸ್ ದೇಶದ ನೆಚ್ಚಿನ ಅಡ್ಡಹೆಸರುಗಳನ್ನು ಒಳಗೊಂಡ ಐದು ಬೆಸ್ಪೋಕ್ ವಿನ್ಯಾಸಗಳನ್ನು ಒಳಗೊಂಡಿದೆ ಎಂದು ಕಂಪನಿಯು ಹೇಳಿಕೆಯಲ್ಲಿ ತಿಳಿಸಿದೆ.
ಇದು ಮಾತ್ರವಲ್ಲದೇ ಮೊದಲ ಬಾರಿಗೆ ಭಾರತೀಯರು ಬಳಕೆದಾರರು ತಮ್ಮದೇ ಆದ ನಿಕ್ ನೇಮ್ ಅನ್ನು ರಚಿಸಲು 'ಮೈ ನಿಕ್ ನೇಮ್' ಲೆನ್ಸ್ ಅನ್ನು ಕಸ್ಟಮೈಸ್ ಮಾಡಬಹುದು. ಹೊಸ ಕಸ್ಟಮ್ ನಿಕ್ ನೇಮ್ AR ಸೌಲಭ್ಯವು ಬಳಕೆದಾರರು ತಮ್ಮ ನಿಕ್ ನೇಮ್ಗಳನ್ನು ಹೆಮ್ಮೆಯಿಂದ ಹೇಳಿಕೊಳ್ಳಲು ಮತ್ತು ತಮ್ಮ ಗೆಳೆಯರು, ಪ್ರೀತಿಪಾತ್ರರೊಂದಿಗೆ ಹಂಚಿಕೊಳ್ಳಲು ಅನುವು ಮಾಡಿಕೊಡುವ ಉದ್ದೇಶ ಹೊಂದಿದೆ.
ಕಂಪನಿಯು ಭಾರತೀಯರ ನಿಕ್ ನೇಮ್ ಸಂಸ್ಕೃತಿಯ ಕುರಿತು YouGov ಸಹಭಾಗಿತ್ವದಲ್ಲಿ ಹೊಸ ಸಂಶೋಧನೆಯೊಂದನ್ನು ಮಾಡಿದ್ದು, ಅದರ ವರದಿ ಬಿಡುಗಡೆ ಮಾಡಿದೆ. ನಿಕ್ ನೇಮ್ಗಳ ಬಗ್ಗೆ ದೇಶದಲ್ಲಿ ಇರುವ ವ್ಯಾಮೋಹವನ್ನು ಈ ವರದಿ ಬಹಿರಂಗಪಡಿಸಿದೆ. ಭಾರತೀಯ Gen Zs ಮತ್ತು ಯುವ ಮಿಲೇನಿಯಲ್ಸ್ ತಮ್ಮ ನಿಕ್ ನೇಮ್ಗಳನ್ನು ಆನ್‌ಲೈನ್‌ನಲ್ಲಿ ಬಳಸಲು ಇಷ್ಟಪಡುತ್ತಾರೆ ಎಂದು ಸಂಶೋಧನೆ ತಿಳಿಸಿದೆ.
ಶೇಕಡಾ 96 ರಷ್ಟು ಭಾರತೀಯರು ತಮ್ಮ ಜೀವನದಲ್ಲಿ ಕನಿಷ್ಠ ಒಂದಾದರೂ ನಿಕ್ ನೇಮ್ ಹೊಂದಿರುತ್ತಾರೆ ಎಂದು ಡೇಟಾ ಬಹಿರಂಗಪಡಿಸಿದೆ. "ನಿಕ್ ನೇಮ್ಗಳು ಭಾರತೀಯ ಜೀವನದ ಅವಿಭಾಜ್ಯ ಅಂಗವಾಗಿದೆ. ಅವು ನಮಗೆ ನಮ್ಮ ನಿಜವಾದ ಸ್ನೇಹಿತರು ಅಥವಾ ಕುಟುಂಬದವರು ನೀಡಿದ ಹೆಸರುಗಳಾಗಿವೆ" APAC, Snap ನ ಎಂದು ಮಾಧ್ಯಮ ಪಾಲುದಾರಿಕೆಗಳ ನಿರ್ದೇಶಕ ಕನಿಷ್ಕ್ ಖನ್ನಾ ಹೇಳಿದರು.
ಜನಪ್ರಿಯ ನಿಕ್ ನೇಮ್ಗಳು ಇವು: ಸೋನು, ಬಾಬು, ಮಚಾ, ಶೋನಾ ಮತ್ತು ಪಿಂಕಿ ದೇಶದ ಅತ್ಯಂತ ಜನಪ್ರಿಯ ನಿಕ್ ನೇಮ್ಗಳಾಗಿವೆ ಎಂದು ಕಂಪನಿ ಹೇಳಿದೆ. ಹೊಸ ಲೆನ್ಸ್‌ಗಳನ್ನು ಬಳಸಲು ಬಳಕೆದಾರರು ಲೆನ್ಸ್ ಕೊರೊಸಲ್ನಲ್ಲಿ 'IN's Top Nicknames' ಮತ್ತು 'My Nickname IN' ಅನ್ನು ಹುಡುಕಬೇಕು.
ಸ್ನ್ಯಾಪ್‌ಚಾಟ್ ಎಂಬುದು ಆ್ಯಂಡ್ರಾಯ್ಡ್ ಮತ್ತು iOS ಸಾಧನಗಳಲ್ಲಿ ಬಳಸಬಹುದಾದ ಮೊಬೈಲ್ ಅಪ್ಲಿಕೇಶನ್ ಆಗಿದೆ. ಸಾಮಾನ್ಯವಾಗಿ ಬಳಕೆದಾರರು ಇದನ್ನು ಸ್ನ್ಯಾಪ್ ಎಂದು ಕರೆಯುತ್ತಾರೆ. ಇದೊಂದು ದೃಶ್ಯ ಸಾಮಾಜಿಕ ಮಾಧ್ಯಮ ವೇದಿಕೆಯಾಗಿದ್ದು, ಬಳಕೆದಾರರು ಕ್ಷಣಿಕ ಚಿತ್ರಗಳು ಮತ್ತು ವೀಡಿಯೊಗಳನ್ನು ಹಂಚಿಕೊಳ್ಳಬಹುದು. 2011 ರಲ್ಲಿ ಪ್ರಾರಂಭವಾದ ಇದು 2013 ರಲ್ಲಿ ಸ್ಟೋರೀಸ್ ಫಂಕ್ಷನ್ ವೈಶಿಷ್ಟ್ಯವನ್ನು ಬಿಡುಗಡೆ ಮಾಡಿತ್ತು.
ನಂತರದ ಕೆಲ ವರ್ಷಗಳಲ್ಲಿ ಸ್ನ್ಯಾಪ್‌ಚಾಟ್ ವಿಶ್ವದ ಉನ್ನತ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳಲ್ಲಿ ಒಂದಾಗಿ ಬೆಳೆದಿದೆ. ಜುಲೈ 2021 ರ ಹೊತ್ತಿಗೆ ಪ್ಲಾಟ್ಫಾರ್ಮ್ 293 ಮಿಲಿಯನ್ ದೈನಂದಿನ ಸಕ್ರಿಯ ಬಳಕೆದಾರರನ್ನು ಹೊಂದಿತ್ತು ಮತ್ತು ವರ್ಷದಿಂದ ವರ್ಷಕ್ಕೆ ಶೇಕಡಾ 23 ರಷ್ಟು ಬೆಳವಣಿಗೆಯಾಗಿದೆ.
ಇದನ್ನೂ ಓದಿ : 5G Mobile: ಭಾರತದಲ್ಲಿ 1 ಕೋಟಿ ದಾಟಿದ 5ಜಿ ಬಳಕೆದಾರರ ಸಂಖ್ಯೆ: 2028ಕ್ಕೆ 70 ಕೋಟಿ ತಲುಪುವ ನಿರೀಕ್ಷೆ
