ವಾಷಿಂಗ್ಟನ್ : ಗುರು ಮತ್ತು ಮಂಗಳ ಗ್ರಹಗಳ ಮಧ್ಯೆ ಇರುವ ಕ್ಷುದ್ರಗ್ರಹ ಸಿರಿಸ್ನಲ್ಲಿ ಈವರೆಗೆ ಈ ಕ್ಷುದ್ರಗ್ರಹದಲ್ಲಿ ಕಲ್ಲುಬಂಡೆಗಳಿವೆ ಎಂದು ನಂಬಲಾಗಿದ್ದು, ಅಪಾರ ಜಲಸಂಪತ್ತು ಇದೆ ಎಂದು ನಾಸಾದ ಡಾನ್ ಆಕಾಶನೌಕೆಯ ಸಂಶೋಧನೆಯಿಂದ ತಿಳಿದುಬಂದಿದೆ.
ಡಾನ್ ಆಕಾಶನೌಕೆ ಕಳುಹಿಸಿದ ಛಾಯಾಚಿತ್ರಗಳನ್ನು ವಿಜ್ಞಾನಿಗಳು ಪರಿಶೀಲನೆ ನಡೆಸಿದಾಗ ಕ್ಷುದ್ರಗ್ರಹದ 40 ಕಿಲೋಮೀಟರ್ ಆಳ ಹಾಗೂ ನೂರಾರು ಕಿಲೋಮೀಟರ್ ಅಗಲವಿರುವ ಉಪ್ಪು ನೀರಿನ ಜಲಮೂಲ ಇದ್ದಿರಬಹುದೆಂದು ಊಹಿಸಿದ್ದಾರೆ.
ನಾವು ಭಾವಿಸಿದ್ದಕ್ಕಿಂತ ಹೆಚ್ಚಿನ ಫಲಿತಾಂಶಗಳನ್ನು ಡಾನ್ ಆಕಾಶ ನೌಕೆ ನೀಡಿದೆ. ಭೂಮಿಯಿಂದ ಹೊರಗಡೆಯ ಸಂಶೋಧನೆಯ ವಿಚಾರದಲ್ಲಿ ಮಹತ್ತರವಾದುದನ್ನು ಡಾನ್ ಸಾಧಿಸಿದೆ. ಅಂತರಗ್ರಹ ಸಂಶೋಧನೆಯಲ್ಲಿ ಇದೊಂದು ಮೈಲುಗಲ್ಲು ಎಂದು ದಕ್ಷಿಣ ಕ್ಯಾಲಿಫೋರ್ನಿಯಾದಲ್ಲಿರುವ ನಾಸಾದ ಜೆಟ್ ಪ್ರೊಪಲ್ಷನ್ ಲ್ಯಾಬೊರೇಟರಿಯ ಮಿಷನ್ ಡೈರೆಕ್ಟರ್ ಮಾರ್ಕ್ ರೇಮನ್ ಹೇಳಿದ್ದಾರೆ.
ಕ್ಷುದ್ರಗ್ರಹಗಳ ಒಟ್ಟು ಗಾತ್ರದ ಮೂರನೇ ಒಂದು ಭಾಗದಷ್ಟು ಭಾಗವನ್ನು ಸಿರಿಸ್ ಹೊಂದಿದೆ. ಭೂಮಿಯ ಚಂದ್ರನಿಗಿಂತ ಇದು ಚಿಕ್ಕದಾಗಿದ್ದು, 2015ರಲ್ಲಿ ಡಾನ್ ಆಕಾಶನೌಕೆ ಇಲ್ಲಿಗೆ ಕಾಲಿಟ್ಟಿತ್ತು. ಕೆಲವು ವರ್ಷಗಳ ಹಿಂದೆ ಈ ಕ್ಷುದ್ರಗ್ರಹದ ಕೆಲವು ಭಾಗದಲ್ಲಿ ಪ್ರಕಾಶಮಾನವಾದ ಭೂಭಾಗವನ್ನು ವಿಜ್ಞಾನಿಗಳು ಗಮನಿಸಿದ್ದರು.
ಅಕ್ಟೋಬರ್ 2018ರಲ್ಲಿ ಕೆಲವೊಂದು ಕೆಲವು ಪ್ರಮುಖ ಮಾಹಿತಿಗಳನ್ನು ಡಾನ್ ರವಾನಿಸಿದ್ದು, ಪ್ರಕಾಶಮಾನವಾದ ಭೂಭಾಗಕ್ಕೆ ಅಲ್ಲಿರುವ ಸೋಡಿಯಂ ಕಾರ್ಬೋನೆಟ್ ಕಾರಣವೆಂದು ವಿಜ್ಞಾನಿಗಳು ನಿರ್ಧರಿಸಿದ್ದರು.ಇದರಮ ಜೊತೆಗೆ 2 ಮಿಲಿಯನ್ ವರ್ಷಗಳ ಹಿಂದೆ ಈ ಸೋಡಿಯಂ ಕಾರ್ಬೋನೆಟ್ ಭೂಭಾಗ ಸೃಷ್ಟಿಯಾಗಿರಬಹುದೆಂದು ವಿಜ್ಞಾನಿಗಳು ಅಂದಾಜಿಸಿದರು.
ಈಗ ಮತ್ತೆ ಕೆಲವು ಅಂಶಗಳು ಬಹಿರಂಗವಾಗಿದ್ದು, ನೀರಿನ ಮೂಲಗಳಿರುವ ಬಗ್ಗೆ ನೀಡಿದ್ದು, ಮತ್ತಷ್ಟು ಸಂಶೋಧನೆ ಮುಂದುವರೆದಿದೆ.
