ನವದೆಹಲಿ : ಮಾರ್ಚ್ 15 ರಂದು ಗ್ಯಾಲಕ್ಸಿ ಎ 34 5 ಜಿ ಮತ್ತು ಗ್ಯಾಲಕ್ಸಿ ಎ 54 5 ಜಿ ಸ್ಮಾರ್ಟ್ಫೋನ್ಗಳನ್ನು ಜಾಗತಿಕವಾಗಿ ಬಿಡುಗಡೆ ಮಾಡಲು ಕಂಪನಿ ಸಿದ್ಧವಾಗಿದೆ ಸ್ಯಾಮ್ಸಂಗ್ ಹೇಳಿದೆ. ಅಲ್ಲದೆ ಈ ಫೋನ್ಗಳು ಮುಂದಿನ ವಾರ ಭಾರತದಲ್ಲಿಯೂ ಬಿಡುಗಡೆಯಾಗಲಿವೆ ಎಂದು ಉದ್ಯಮ ಮೂಲಗಳು ಗುರುವಾರ ತಿಳಿಸಿವೆ. Galaxy A34 ಮತ್ತು Galaxy A54 ಎರಡೂ ಸ್ಯಾಮ್‌ಸಂಗ್‌ನ 5G ಸರಣಿಯ ಸ್ಮಾರ್ಟ್ಫೋನ್ಗಳ ಶ್ರೇಣಿಯನ್ನು ಇನ್ನಷ್ಟು ವಿಸ್ತರಿಸಲಿವೆ. ಜೊತೆಗೆ ಕಂಪನಿಯು ಭಾರತದಲ್ಲಿ ತನ್ನ 5G ಅಧಿಪತ್ಯ ಉಳಿಸಿಕೊಳ್ಳಲು ಸಹಾಯ ಮಾಡಲಿವೆ.
ಗ್ಯಾಲಕ್ಸಿ A34 5G ಮತ್ತು ಗ್ಯಾಲಕ್ಸಿ A54 5G ಬೆಲೆ 30,000 ರಿಂದ 40,000 ರೂ.ಗಳ ನಡುವೆ ಇರಬಹುದು ಎಂದು ಮೂಲಗಳು ತಿಳಿಸಿವೆ. ಗ್ಯಾಲಕ್ಸಿ A34 5G ಮತ್ತು ಗ್ಯಾಲಕ್ಸಿ A54 5G ಕಳೆದ ವರ್ಷದ ಗ್ಯಾಲಕ್ಸಿ A53 ಮತ್ತು ಗ್ಯಾಲಕ್ಸಿ A3 2 ಮಾಡೆಲ್ಗಳ ಮುಂದಿನ ಮಾಡೆಲ್ಗಳಾಗಿರುತ್ತವೆ. ಕಳೆದ ವರ್ಷದ ಮಾಡೆಲ್ಗಳಿಗಿಂತ ಈ ವರ್ಷದ ಮಾಡೆಲ್ಗಳ ಬೆಲೆಗಳು ಸ್ವಲ್ಪ ಹೆಚ್ಚಾಗಿರಲಿವೆ. ಮೆಮೊರಿ ಸಾಮರ್ಥ್ಯ ಹೆಚ್ಚಾಗಿರುವ ಕಾರಣದಿಂದ ಬೆಲೆ ಹೆಚ್ಚಾಗಿರಬಹುದು ಎನ್ನಲಾಗಿದೆ.
ಗ್ಯಾಲಕ್ಸಿ A34 5G 8GB RAM ಮತ್ತು 256GB ಸ್ಟೋರೇಜ್ ಕೆಪಾಸಿಟಿ ಜೊತೆಗೆ ಮೀಡಿಯಾಟೆಕ್ ಡೈಮೆನ್ಸಿಟಿ 1080 ಚಿಪ್‌ಸೆಟ್‌ ಅನ್ನು ಹೊಂದಿದೆ. ಗ್ಯಾಲಕ್ಸಿ A54 5G ಇದರಲ್ಲಿ Exynos 1380 ಚಿಪ್‌ಸೆಟ್‌ ಅಳವಡಿಸಲಾಗಿದೆ. ಜೊತೆಗೆ 8GB RAM ಮತ್ತು 256GB ವರೆಗೆ ಸ್ಟೋರೇಜ್ ಕೆಪಾಸಿಟಿ ಇರುತ್ತದೆ. ಎರಡೂ ಸ್ಮಾರ್ಟ್ಫೋನ್ಗಳು ಸೂಪರ್ AMOLED ಡಿಸ್ಪ್ಲೇ, 5,000mAh ಬ್ಯಾಟರಿ ಮತ್ತು 25W ಹೈ ಸ್ಪೀಡ್ ಚಾರ್ಜಿಂಗ್ ಅನ್ನು ಒಳಗೊಂಡಿರುವ ಸಾಧ್ಯತೆಯಿದೆ. ಎರಡೂ ಸಾಧನಗಳು ಮಾರುಕಟ್ಟೆಗೆ ಬಂದಾಗ Android 13 ಆಪರೇಟಿಂಗ್ ಸಿಸ್ಟಂ ಹೊಂದಿರುವ ನಿರೀಕ್ಷೆ ಇದೆ.
ಸ್ಯಾಮ್ಸಂಗ್ ಹಲವಾರು ವರ್ಷಗಳಿಂದ ಗ್ಯಾಲಕ್ಸಿ A ಸರಣಿಯ ಸ್ಮಾರ್ಟ್‌ಫೋನ್‌ಗಳಲ್ಲಿ ಪ್ರಮುಖ ಆವಿಷ್ಕಾರಗಳನ್ನು ಪರಿಚಯಿಸುತ್ತಿದೆ. ಈ ವರ್ಷ, ಕಂಪನಿಯು ಗ್ಯಾಲಕ್ಸಿ A34 5G ಮತ್ತು ಗ್ಯಾಲಕ್ಸಿ A54 5G ನಲ್ಲಿ ನೈಟೋಗ್ರಫಿ ವೈಶಿಷ್ಟ್ಯವನ್ನು ಪರಿಚಯಿಸುತ್ತಿದೆ. ಗ್ಯಾಲಕ್ಸಿ A34 5G ಮತ್ತು ಗ್ಯಾಲಕ್ಸಿ A54 5G ಬಿಡುಗಡೆಯು ಸ್ಯಾಮ್‌ಸಂಗ್‌ನ A ಸರಣಿಯ ಸ್ಮಾರ್ಟ್ಫೋನ್ಗಳ ಶ್ರೇಣಿಯನ್ನು ಈ ವರ್ಷ ನಾಲ್ಕು ಪ್ರೀಮಿಯಂ ಮಧ್ಯಮ ಶ್ರೇಣಿಯ ಸ್ಮಾರ್ಟ್‌ಫೋನ್‌ಗಳಿಗೆ ವಿಸ್ತರಿಸಲಿದೆ. ಕಂಪನಿಯು ಈ ಹಿಂದೆ ಗ್ಯಾಲಕ್ಸಿ A14 5G ಮತ್ತು A23 5G ಅನ್ನು ದೇಶದಲ್ಲಿ ಬಿಡುಗಡೆ ಮಾಡಿತ್ತು.
ಸ್ಯಾಮ್ಸಂಗ್ ದಕ್ಷಿಣ ಕೊರಿಯಾದ ಕಂಪನಿಯಾಗಿದ್ದು, ಇದು ಎಲೆಕ್ಟ್ರಾನಿಕ್ ಸಾಧನಗಳ ವಿಶ್ವದ ಅತಿದೊಡ್ಡ ಉತ್ಪಾದಕರಲ್ಲಿ ಒಂದಾಗಿದೆ. ಸ್ಯಾಮ್ಸಂಗ್ ಉಪಕರಣಗಳು, ಡಿಜಿಟಲ್ ಮಾಧ್ಯಮ ಸಾಧನಗಳು, ಸೆಮಿಕಂಡಕ್ಟರ್‌ಗಳು, ಮೆಮೊರಿ ಚಿಪ್‌ಗಳು ಮತ್ತು ಸಮಗ್ರ ವ್ಯವಸ್ಥೆಗಳನ್ನು ಒಳಗೊಂಡಂತೆ ವಿವಿಧ ರೀತಿಯ ಗ್ರಾಹಕ ಮತ್ತು ಉದ್ಯಮ ಎಲೆಕ್ಟ್ರಾನಿಕ್ಸ್ ಉತ್ಪಾದನೆಯಲ್ಲಿ ಪರಿಣತಿ ಹೊಂದಿದೆ. ಸ್ಯಾಮ್ಸಂಗ್ ಅನ್ನು ಮಾರ್ಚ್ 1, 1938 ರಂದು ಲೀ ಬೈಯುಂಗ್-ಚುಲ್ ಅವರು ಆರಂಭದಲ್ಲಿ ಒಂದು ಕಿರಾಣಿ ವ್ಯಾಪಾರದ ಅಂಗಡಿಯಾಗಿ ಆರಂಭಿಸಿದ್ದರು.
ಇದನ್ನೂ ಓದಿ : ಭಾರತೀಯ ಮಾರುಕಟ್ಟೆಗೆ ವಿವೋ ವೈ73 ಸ್ಮಾರ್ಟ್ಫೋನ್ ಲಗ್ಗೆ: ವಿಶೇಷತೆ& ಬೆಲೆ ಮಾಹಿತಿ ಇಂತಿದೆ!
