ನವದೆಹಲಿ: ಎಲೋನ್ ಮಸ್ಕ್ ಒಡೆತನದ ಪ್ಲಾಟ್‌ಫಾರ್ಮ್‌ನಲ್ಲಿ ದ್ವೇಷಪೂರಿತ, ಹಿಂಸಾತ್ಮಕ ಮತ್ತು ತಪ್ಪಾದ ಮಾಹಿತಿಯ ಹರಡುವಿಕೆ ಹೆಚ್ಚಾಗಿ ಕಂಡುಬಂದಿದೆ ಎಂಬ ವರದಿಯನ್ನು ಟ್ವಿಟರ್ ಸಿಇಒ ಲಿಂಡಾ ಯಾಕರಿನೊ ನಿರಾಕರಿಸಿದ್ದಾರೆ. ಟ್ವಿಟರ್ "ಪ್ರಗತಿ ಸಾಧಿಸುತ್ತಿದೆ" ಮತ್ತು ಬಳಕೆದಾರರ ಫೀಡ್‌ನಲ್ಲಿನ ಹೆಚ್ಚಿನ ಟ್ವೀಟ್‌ಗಳು ಈಗ ಉತ್ತಮ ರೀತಿಯಲ್ಲೇ ಮೂಡಿಬರುತ್ತಿವೆ ಎಂದು ಯಾಕರಿನೊ ಸಮರ್ಥಿಸಿಕೊಂಡಿದ್ದಾರೆ.
ಕೆಲವೊಂದು ಮಾಧ್ಯಮಗಳಲ್ಲಿ ಪ್ರಕಟಗೊಂಡ ವರದಿಗಳು ಟ್ವಿಟರ್ನಲ್ಲಿ ಹಾನಿಕಾರಕ ವಿಷಯಗಳ ಸಂಖ್ಯೆ ಹೆಚ್ಚುತ್ತಿದೆ ಎಂದು ಹೇಳಲಾಗುತ್ತಿದೆ. ಆದರೆ ಅದು ನಿಜವಲ್ಲ. ಶೇಕಡ 99 ರಷ್ಟು ಹೆಚ್ಚು ಕಂಟೆಂಟ್ ಬಳಕೆದಾರರು ಮತ್ತು ಜಾಹೀರಾತುದಾರರು ಟ್ವಿಟರ್ ಅನ್ನು ಬಳಕೆ ಮಾಡುತ್ತಿದ್ದಾರೆ ಎಂದು ಪೋಸ್ಟ್ ಮೂಲಕ ಸ್ಪಷ್ಟನೆ ನೀಡಿದ್ದಾರೆ.
ಏನೇ ಇರಲಿ.. ಈ ಪ್ಲಾಟ್ಫಾರ್ಮ್ ಅನ್ನು ಸಾಧ್ಯವಾದಷ್ಟು ಸುರಕ್ಷಿತವಾಗಿರಿಸಲು ನಾವು ಅನೇಕ ಕ್ರಮಗಳನ್ನು ತೆಗೆದುಕೊಳ್ಳುತ್ತೇವೆ. ಕೆಲವೊಂದು ಲೇಖನಗಳು ತಪ್ಪು ದಾರಿಗೆಳೆಯುತ್ತಿವೆ ಎಂಬ ಮಾಹಿತಿ ಬಂದಿದೆ, ಅದನ್ನು ನಿಯಂತ್ರಿಸಲು ಕ್ರಮ ಕೈಗೊಳ್ಳುತ್ತೇವೆ ಎಂದು ಯಾಕರಿನೊ ಹೇಳಿದ್ದಾರೆ. ಕಳೆದ 8 ತಿಂಗಳುಗಳಲ್ಲಿ ದ್ವೇಷದ ಭಾಷಣದ ಹರಡುವಿಕೆಯನ್ನು ಕಡಿಮೆ ಮಾಡುವಲ್ಲಿ ನಾವು ಪ್ರಗತಿ ಸಾಧಿಸಿದ್ದೇವೆ. ಮಕ್ಕಳ ಶೋಷಣೆಯನ್ನು ಪೂರ್ವಭಾವಿಯಾಗಿ ತಡೆಗಟ್ಟುತ್ತೇವೆ ಮತ್ತು ಬ್ರ್ಯಾಂಡ್‌ಗಳಿಗೆ ಅವರ ಜಾಹೀರಾತುಗಳು ಎಲ್ಲಿ ಗೋಚರಿಸುತ್ತವೆ ಎಂಬುದರ ಮೇಲೆ ಹೆಚ್ಚಿನ ನಿಯಂತ್ರಣವನ್ನು ಹೇರುತ್ತೇವೆ ಎಂದು ಅವರು ಸ್ಪಷ್ಟ ಪಡಿಸಿದ್ದಾರೆ.
ಮುಂದಿನ ಎರಡು ವಾರಗಳಲ್ಲಿ ನಮ್ಮ ಪ್ಲಾಟ್‌ಫಾರ್ಮ್‌ನಲ್ಲಿ ವಿಡಿಯೋ ಬಳಕೆಯ ಪ್ರಚಂಡ ಬೆಳವಣಿಗೆಯನ್ನು ಕಾಣಲಿದ್ದೇವೆ. ನಾವು ಟ್ವಿಟ್ಟರ್ನಲ್ಲಿ ಪೂರ್ವ - ಬಿಡ್ ಇನ್ವೆಂಟರಿ ಫಿಲ್ಟರಿಂಗ್ ಅನ್ನು ಸಕ್ರಿಯವಾಗಿ ನಿರ್ಮಿಸುತ್ತಿದ್ದೇವೆ. ಅದು ವಿಷಯದ ಅಡ್ಜೆನ್ಸಿಗಳ ಮೇಲೆ ಇನ್ನಷ್ಟು ನಿಯಂತ್ರಣವನ್ನು ಅನುಮತಿಸುತ್ತದೆ" ಎಂದು ಯಾಕರಿನೊ ಇದೇ ವೇಳೆ ಸ್ಪಷ್ಟಪಡಿಸಿದ್ದಾರೆ.
ಓದಿ: ಮಣಿಪುರ ಮಹಿಳೆಯರ ಮೇಲಿನ ದೌರ್ಜನ್ಯ ವಿಡಿಯೋ ಡಿಲೀಟ್ ಮಾಡುವಂತೆ ಟ್ವಿಟರ್ಗೆ ಕೇಂದ್ರ ಸೂಚನೆ
ಟ್ವಿಟರ್ನಲ್ಲಿ ಆರ್ಟಿಕಲ್ಸ್: ಟ್ವಿಟರ್ ಶೀಘ್ರದಲ್ಲೇ ಬಳಕೆದಾರರಿಗೆ ಮತ್ತೊಂದು ಹೊಸ ವೈಶಿಷ್ಟ್ಯವನ್ನು ಪರಿಚಯಿಸಲಿದೆ. ಲೇಖನಗಳು ಎಂಬ ಈ ವೈಶಿಷ್ಟ್ಯದೊಂದಿಗೆ, ಬಳಕೆದಾರರು ದೊಡ್ಡ ಲೇಖನಗಳನ್ನು ಟ್ವೀಟ್ ಮಾಡಬಹುದು. ಈ ಮಟ್ಟಿಗೆ, ಲೇಖನಗಳ ಬಗ್ಗೆ ಬಳಕೆದಾರರ ಟ್ವೀಟ್‌ಗೆ ಉತ್ತರಿಸುವಾಗ ಮಸ್ಕ್ ಇದನ್ನು ಬಹಿರಂಗಪಡಿಸಿದ್ದಾರೆ. Twitter ಪ್ರಸ್ತುತ ಟ್ವೀಟ್ ಮಾಡಬಹುದಾದ ಅಕ್ಷರಗಳ ಮಿತಿಯನ್ನು ಹೊಂದಿದೆ. ಇದನ್ನು ಮತ್ತಷ್ಟು ಹೆಚ್ಚಿಸುವ ಬಗ್ಗೆ ಟ್ವಿಟರ್ ಚಿತ್ತ ನೆಟ್ಟಿದೆ.
ಸಾಮಾನ್ಯ ಬಳಕೆದಾರರಿಗೆ 280 ಅಕ್ಷರಗಳ ಮಿತಿ ಮತ್ತು Twitter ಬ್ಲೂ ಚಂದಾದಾರರಿಗೆ 10,000 ಅಕ್ಷರಗಳ ಮಿತಿ ಇದೆ. ಮುಂಬರುವ ವೈಶಿಷ್ಟ್ಯದೊಂದಿಗೆ ನೀವು ಅಕ್ಷರ ಮಿತಿಯಿಲ್ಲದೇ ಟ್ವೀಟ್ ಮಾಡಬಹುದು. ಅಂದರೆ, ಪುಸ್ತಕದ ಸಂಪೂರ್ಣ ವಿಷಯವನ್ನು ಟ್ವೀಟ್ ಮಾಡಬಹುದು. ವಿಷಯ ರಚನೆಕಾರರಿಗೆ ಲೇಖನಗಳು ತುಂಬಾ ಉಪಯುಕ್ತವಾಗುತ್ತವೆ ಎಂದು Twitter ನಂಬುತ್ತದೆ. ಆದರೆ, ಈ ವೈಶಿಷ್ಟ್ಯವು Twitter ಬ್ಲೂ ಚಂದಾದಾರರಿಗೆ ಮಾತ್ರ ಸೀಮಿತವಾಗಿದೆಯೇ? ಅಥವಾ ಸಾಮಾನ್ಯ ಬಳಕೆದಾರರಿಗೂ ಲಭ್ಯವಾಗುವಂತೆ ಮಾಡುವುದೇ? ಎಂಬುದು ಮುಂದಿನ ದಿನಗಳಲ್ಲಿ ಗೊತ್ತಾಗಲಿದೆ.
ಟ್ವಿಟರ್ ಆರಂಭದ ದಿನಗಳಲ್ಲಿ 140 ಅಕ್ಷರಗಳಿಗಿಂತ ಹೆಚ್ಚು ಟ್ವೀಟ್ ಮಾಡಲು ಸಾಧ್ಯವಾಗುತ್ತಿರಲಿಲ್ಲ. 2018 ರಲ್ಲಿ, ಅಕ್ಷರಗಳ ಸಂಖ್ಯೆಯನ್ನು 280 ಕ್ಕೆ ಹೆಚ್ಚಿಸಲಾಗಿತ್ತು. ಅದರ ನಂತರವೂ, ಬಳಕೆದಾರರು ಅಕ್ಷರ ಮಿತಿಯನ್ನು ಹೆಚ್ಚಿಸಲು ಒತ್ತಾಯಿಸಿದ್ದಾರೆ. ಮಸ್ಕ್ ಟ್ವಿಟರ್ ಅನ್ನು ಖರೀದಿಸಿದ ನಂತರ, ಅವರು ಟ್ವಿಟರ್ 2.0 ಹೆಸರನ್ನು ಬದಲಾಯಿಸಿದ್ದಾರೆ. ಬ್ಯೂ ಟಿಕ್ ಮೂಲಕ ಚಂದಾದಾರಿಕೆಯ ಹೆಸರಿನಲ್ಲಿ, ಅವರು ಕೆಲವು ವೈಶಿಷ್ಟ್ಯಗಳ ಬಳಕೆಗೆ ನಿರ್ಬಂಧಗಳನ್ನು ವಿಧಿಸಿದ್ದಾರೆ.
