ನವದೆಹಲಿ : ಪಿಸಿ ಮತ್ತು ಪ್ರಿಂಟರ್ ತಯಾರಿಸುವ ಪ್ರಖ್ಯಾತ ಕಂಪನಿ ಎಚ್ಪಿ ಗುರುವಾರ ಭಾರತದಲ್ಲಿ 1 ಕೆಜಿಗಿಂತ ಕಡಿಮೆ ತೂಕದ HP ಡ್ರಾಗನ್‌ಫ್ಲೈ G4 ಲ್ಯಾಪ್ಟಾಪ್ಗಳನ್ನು ಬಿಡುಗಡೆ ಮಾಡಿದೆ. ಹೈಬ್ರಿಡ್ ಕೆಲಸದ ವಾತಾವರಣದಲ್ಲಿ ಅತ್ಯಂತ ಪ್ರೀಮಿಯಂ ಅನುಭವ ನೀಡುವಂತೆ ಇವನ್ನು ವಿನ್ಯಾಸಗೊಳಿಸಲಾಗಿದೆ. ಹೊಸ ಲ್ಯಾಪ್‌ಟಾಪ್‌ಗಳು HP ಆನ್‌ಲೈನ್ ಸ್ಟೋರ್‌ಗಳಲ್ಲಿ ರೂ 2,20,000 ಆರಂಭಿಕ ಬೆಲೆಯಲ್ಲಿ ಲಭ್ಯವಿವೆ. ನ್ಯಾಚುರಲ್ ಸಿಲ್ವರ್ ಮತ್ತು ಸ್ಲೇಟ್ ಬ್ಲೂ ಬಣ್ಣದ ಮಾದರಿಗಳಲ್ಲಿ ಇವು ಲಭ್ಯವಿವೆ.
ಹೊಸ ಡ್ರಾಗನ್‌ಫ್ಲೈ ಲ್ಯಾಪ್‌ಟಾಪ್‌ಗಳು ಮೊಬೈಲ್ ಟೆಕ್-ಫಾರ್ವರ್ಡ್ ಜನತೆಯ ಅಗತ್ಯತೆಗಳನ್ನು ಪೂರೈಸಲು 13 ನೇ ಜನ್ ಇಂಟೆಲ್ ಕೋರ್ ಪ್ರೊಸೆಸರ್‌ಗಳಿಂದ ಚಾಲಿತವಾಗಿವೆ. ಲ್ಯಾಪ್‌ಟಾಪ್‌ಗಳು ಹೈಬ್ರಿಡ್-ರೆಡಿ ವಿನ್ಯಾಸ ಹೊಂದಿವೆ. ಇವು ಅತ್ಯಂತ ಹಗುರವಾಗಿದ್ದು ಮತ್ತು ಪೋರ್ಟಬಲ್ ಕೂಡ ಆಗಿವೆ. ಸದಾ ಪ್ರಯಾಣಿದಲ್ಲಿರುವ ಹಾಗೂ ಅದೇ ಕಾಲಕ್ಕೆ ಲ್ಯಾಪ್ಟಾಪ್ನಲ್ಲಿ ಕೆಲಸ ಮಾಡಬೇಕೆನ್ನುವವರಿಗೆ ಇವು ಸೂಕ್ತವಾಗಿವೆ. ಇದಲ್ಲದೆ, HP ಡ್ರ್ಯಾಗನ್ಫ್ಲೈ G4 ಉತ್ಪಾದಕತೆ, ಸಹಯೋಗ, ಭದ್ರತೆ ಮತ್ತು ಸುಸ್ಥಿರತೆಗೆ ಆದ್ಯತೆ ನೀಡುತ್ತದೆ. ವಿಶ್ವಾಸಾರ್ಹ ಮತ್ತು ಉನ್ನತ-ಕಾರ್ಯಕ್ಷಮತೆಯ ಬಿಸಿನೆಸ್ ಲ್ಯಾಪ್‌ಟಾಪ್‌ಗಳಿಗೆ ಹೊಸ ಮಾನದಂಡವನ್ನು ಸೃಷ್ಟಿಸಲಿದೆ ಎಂದು ಕಂಪನಿ ಹೇಳಿದೆ.
HP ಡ್ರಾಗನ್‌ಫ್ಲೈ G4 ವಿಶೇಷಣಗಳು, ವೈಶಿಷ್ಟ್ಯಗಳು: HP ಹೈಬ್ರಿಡ್ ಮಾದರಿಯ ಕೆಲಸದ ಮೇಲೆ ಗಮನ ಕೇಂದ್ರೀಕರಿಸುತ್ತಿದೆ. ಹೀಗಾಗಿ HP ಡ್ರಾಗನ್‌ಫ್ಲೈ G4 ಪೋರ್ಟಬಿಲಿಟಿಗಾಗಿ ಹಗುರವಾದ ವಿನ್ಯಾಸವನ್ನು ಹೊಂದಿದೆ. ಪ್ಯಾಕೇಜಿಂಗ್ ಮತ್ತು ಚಾಸಿಸ್ ಅನ್ನು ದೃಢವಾದ ವಸ್ತುಗಳಿಂದ ಮಾಡಲಾಗಿದೆ ಎಂದು HP ಹೇಳಿದೆ. ವಾಸ್ತವವಾಗಿ, ಕೀಬೋರ್ಡ್ ಕೀ ಕ್ಯಾಪ್ಗಳನ್ನು ಸಹ ಮರುಬಳಕೆಯ ವಸ್ತುಗಳಿಂದ ತಯಾರಿಸಲಾಗಿದೆ.
ಕೆಲವು ಪ್ರಮುಖ ವೈಶಿಷ್ಟ್ಯಗಳು ಹೀಗಿವೆ: 13.5-ಇಂಚಿನ WUXGA+ ಡಿಸ್ ಪ್ಲೇ ಜೊತೆಗೆ 400 nits ಅನ್ನು ಒಳಗೊಂಡಿವೆ. ಬಳಕೆದಾರರು LCD ಅಥವಾ OLED ಮಾದರಿಗಳ ನಡುವೆ ಆಯ್ಕೆ ಮಾಡಬಹುದು. ಇದು 13 ನೇ-ಜನ್ ಇಂಟೆಲ್ ಕೋರ್ i7 ಪ್ರೊಸೆಸರ್‌ ಹೊಂದಿದೆ. ಶೇಖರಣಾ ಸಂರಚನೆಯು 32GB ವರೆಗಿನ LPDDR5 RAM ಮತ್ತು 2TB M.2 PCIe ಎನ್‌ಕ್ರಿಪ್ಟೆಡ್ SSD ಅನ್ನು ಒಳಗೊಂಡಿದೆ. ಇದು ಎನ್‌ಕ್ರಿಪ್ಶನ್ ಬೋರ್ಡ್‌ನಲ್ಲಿರುವ ಡೇಟಾದ ಸುರಕ್ಷತೆಯನ್ನು ಖಾತ್ರಿಗೊಳಿಸುತ್ತದೆ. ವ್ಯಾಪಾರ ವಹಿವಾಟಿಗಾಗಿ ಬೇಕಾದರೆ ಗ್ರಾಹಕರು Intel VPro ರೂಪಾಂತರವನ್ನು ಸಹ ಆಯ್ಕೆ ಮಾಡಬಹುದು.
HP ಡ್ರಾಗನ್‌ಫ್ಲೈ G4 ಅಗತ್ಯವಾದ ಎಲ್ಲ ಭೌತಿಕ ಪೋರ್ಟ್‌ಗಳನ್ನು ಹೊಂದಿದೆ. ಇವುಗಳಲ್ಲಿ ಎರಡು ಥಂಡರ್‌ಬೋಲ್ಟ್ 4 ಟೈಪ್-ಸಿ ಪೋರ್ಟ್‌ಗಳು, ಟೈಪ್-ಎ ಪೋರ್ಟ್, ಎಚ್‌ಡಿಎಂಐ, ನ್ಯಾನೊ ಸಿಮ್ ಕಾರ್ಡ್ ಸ್ಲಾಟ್ ಮತ್ತು ಹೆಡ್‌ಫೋನ್/ಮೈಕ್ ಕಾಂಬೊ ಸೇರಿವೆ.
ವರ್ಧಿತ ವೀಡಿಯೊ ಕರೆ ಆಯ್ಕೆಗಾಗಿ HP ವೆಬ್ ಮತ್ತು ಮೈಕ್‌ಗಳ ಮೇಲೆ ಹೆಚ್ಚು ಗಮನಹರಿಸುತ್ತಿದೆ. "HP ಪ್ರೆಸೆನ್ಸ್" - HP ಯ ಕಾನ್ಫರೆನ್ಸಿಂಗ್ ವೈಶಿಷ್ಟ್ಯದಿಂದ ವರ್ಧಿಸಲಾದ 5-ಮೆಗಾಪಿಕ್ಸೆಲ್ ವೆಬ್‌ಕ್ಯಾಮ್ ಇದೆ. ಇದು ಸ್ವಯಂ ಕ್ಯಾಮರಾ ಆಯ್ಕೆ, ಕೀಸ್ಟೋನ್ ಕರೆಕ್ಷನ್, ಬಿ ರೈಟ್ ಬ್ಯಾಕ್, ಬ್ಯಾಕ್‌ಲೈಟ್ ಮತ್ತು ಲೋಲೈಟ್ ಹೊಂದಾಣಿಕೆ, ನೈಸರ್ಗಿಕ ಟೋನ್, ಹೊಂದಾಣಿಕೆ ಮಾಡಬಹುದಾದ ಹಿನ್ನೆಲೆ ಮಸುಕು ಮಾಡುವುದು, ಹಿನ್ನೆಲೆ ಹೊಂದಾಣಿಕೆ, AI- ಆಧಾರಿತ ಶಬ್ದ ಕಡಿತ ಮತ್ತು ಡೈನಾಮಿಕ್ ಧ್ವನಿ ಮುಂತಾದ ವೈಶಿಷ್ಟ್ಯಗಳನ್ನು ಹೊಂದಿದೆ.
ಇದನ್ನೂ ಓದಿ : Geospatial ಹಬ್ ಆಗಲಿದೆ ಭಾರತ; 2025ಕ್ಕೆ 63,000 ಕೋಟಿ ರೂ. ದಾಟಲಿದೆ ಜಿಯೋಸ್ಪೇಷಿಯಲ್ ಆರ್ಥಿಕತೆ
