ಡಿಜಿಟಲ್​ ಜೀವನ ಗುಣಮಟ್ಟದಲ್ಲಿ ಚೀನಾಗಿಂತ ಭಾರತ ಇನ್ನೂ ಹಿಂದುಳಿದಿದೆ: ವರದಿ

ಇಂಟರ್ನೆಟ್​ ಗುಣಮಟ್ಟ, ಇಂಟರ್ನೆಟ್​​ ಲಭ್ಯತೆ, ಇ ಸೆಕ್ಯೂರಿಟಿ, ಇ - ಮೂಲ ಸೌಲಭ್ಯ ಮತ್ತು ಇ- ಗರ್ವನೆನ್ಸ್​​ ಸೇರಿದಂತೆ ಹಲವು ಅಂಶಗಳನ್ನು ಡಿಜಿಟಲ್​ ಜೀವನ ಗುಣಮಟ್ಟ ಹೊಂದಿದೆ.

ನವದೆಹಲಿ: ಒಟ್ಟಾರೆ ಡಿಜಿಟಲ್ ಜೀವನದ ಗುಣಮಟ್ಟವನ್ನು ಕಾಪಾಡಿಕೊಳ್ಳುವ ವಿಚಾರದಲ್ಲಿ ಚೀನಾ ಭಾರತಕ್ಕಿಂತ ಮುಂದಿದೆ. ಜಾಗತಿಕವಾಗಿ ಇದರಲ್ಲಿ ಚೀನಾ 44ನೇ ಸ್ಥಾನದಲ್ಲಿದ್ದರೆ, ಭಾರತ 52ನೇ ಸ್ಥಾನದಲ್ಲಿದೆ ಎಂದು ವರದಿ ತಿಳಿಸಿದೆ.

ಡಿಜಿಟಲ್​ ಜೀವನದ ಗುಣಮಟ್ಟ (ಡಿಕ್ಯೂಎಲ್​) ಸೂಚ್ಯಂಕದ ಕುರಿತು ಸೈಬರ್​ ಸೆಕ್ಯೂರಿಟಿ ಕಂಪನಿ ಸರ್ಫ್​ಶಾರ್ಕ್​ ವಾರ್ಷಿಕ ಅಧ್ಯಯನ ನಡೆಸಿದ್ದು, ಜಾಗತಿಕವಾಗಿ 121 ದೇಶಗಳ ಸ್ಥಾನದ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಇಂಟರ್ನೆಟ್​ ಗುಣಮಟ್ಟ, ಇಂಟರ್ನೆಟ್​​ ಲಭ್ಯತೆ, ಇ ಸೆಕ್ಯೂರಿಟಿ, ಇ- ಮೂಲಭೂತ ಸೌಲಭ್ಯ ಮತ್ತು ಇ- ಗರ್ವನೆನ್ಸ್​​ ಸೇರಿದಂತೆ 5 ಕೋಟಿ ಆಧಾರ ಸ್ಥಂಭ ಆಧಾರತದ ಮೇಲೆ ಡಿಜಿಟಲ್​ ಯೋಗಕ್ಷೇಮ ನಡೆಸಲಾಗಿದೆ.

5ನೇ ಡಿಕ್ಯೂಎಲ್​ ಅಧ್ಯಯನದಲ್ಲಿ ಭಾರತ ಈ ಬಾರಿ ಏರಿಕೆ ಕಂಡಿದ್ದು, 52ನೇ ಸ್ಥಾನಕ್ಕೆ ಏರಿಕೆ ಕಂಡಿದೆ. ಈ ಹಿಂದೆ ಭಾರತ 59ನೇ ಸ್ಥಾನವನ್ನು ಹೊಂದಿತು. ಇದರ ಹೆಚ್ಚಳಕ್ಕೆ ಪ್ರಮುಖ ಕಾರಣ ದೇಶದಲ್ಲಿ ಇಂಟರ್ನೆಟ್​​ ಗುಣಮಟ್ಟ ಏರಿಕೆ ಕಂಡಿದ್ದು, ಇದೀಗ 16ನೇ ಸ್ಥಾನಕ್ಕೆ ಏರಿದೆ.

ಆದಾಗ್ಯೂ ದೇಶವೂ, ಇ - ಮೂಲ ಸೌಕರ್ಯದಲ್ಲಿ 91ನೇ ರ‍್ಯಾಂಕ್ ಪಡೆದಿದೆ. ಉಳಿದ ಆಧಾರ ಸ್ಥಂಭದ ಅನುಸಾರ, ಇಂಟರ್ನೆಟ್​ ಲಭ್ಯತೆಯಲ್ಲಿ ಭಾರತ 28ನೇ ಸ್ಥಾನ ಪಡೆದರೆ, ಇ ಸರ್ಕಾರ 35 ನೇ ಸ್ಥಾನ ಮತ್ತು ಇ ಸೆಕ್ಯೂರಿಟಿಯಲ್ಲಿ 66ನೇ ಸ್ಥಾನ ಪಡೆದಿದೆ ಎಂದು ಅಧ್ಯಯನ ತೋರಿಸಿದೆ. ಏಷ್ಯಾದಲ್ಲಿ ಭಾರತ 13ನೇ ಸ್ಥಾನ ಪಡೆದಿದ್ದು, ಈ ಪ್ರದೇಶದಲ್ಲಿ ಸಿಂಗಾಪೂರ ಪ್ರಮುಖ ಸ್ಥಾನ ಪಡೆದಿದೆ.

ಭಾರತದ ಇಂಟರ್ನೆಟ್​ ಗುಣಮಟ್ಟ ಜಾಗತಿಕ ಸರಾಸರಿಗಿಂತ ಶೇ 36ರಷ್ಟು ಹೆಚ್ಚಾಗಿದ್ದು, ವಿಶ್ವದಲ್ಲಿ 16ನೇ ಸ್ಥಾನದಲ್ಲಿದೆ ಎಂದು ಅಧ್ಯಯನದ ಫಲಿತಾಂಶ ತಿಳಿಸಿದೆ. ಭಾರತದಲ್ಲಿ ಮೊಬೈಲ್​ ಇಂಟರ್ನೆಟ್​ ವೇತ (74ಎಂಬಿಪಿಎಸ್​) ಕಳೆದ ವರ್ಷಕ್ಕಿಂತ 297ರಷ್ಟು ಏರಿಕೆ ಕಂಡಿದೆ. ಇಂಟರ್ನೆಟ್​ ವೇಗದಲ್ಲಿ ಶೇ 16ರಷ್ಟು ಸುಧಾರಣೆ ಕಂಡಿದೆ ಎಂದು ವರದಿ ತಿಳಿಸಿದೆ.

ಭಾರತೀಯರು ಸ್ಥಿರ ಬ್ರಾಡ್‌ಬ್ಯಾಂಡ್ ಇಂಟರ್ನೆಟ್ ಪಡೆಯಲು ಭಾರತೀಯರು ತಿಂಗಳಿಗೆ 1 ಗಂಟೆ 48 ನಿಮಿಷ ಕೆಲಸ ಮಾಡಬೇಕಾಗುತ್ತದೆ. ಇದು ರೋಮಾನಿಯಾಗಿಂತ 6 ಪಟ್ಟು ಹೆಚ್ಚಿದೆ. ಜಗತ್ತಿನ ಕೈಗೆಟುಕುವ ಸ್ಥಿರ ಅಂತರ್ಜಾಲ ಸೇವೆ ಆಗಿದೆ.

ಬಹುತೇಕ ದೇಶದಲ್ಲಿ ಡಿಜಿಟಲ್​ ಜೀವನದ ಗುಣಮಟ್ಟ ವಿಶಾಲವಾದ ಅರ್ಥದಲ್ಲಿ ಒಟ್ಟಾರೆ ಗುಣಮಟ್ಟದ ಜೀವನದೊಂದಿಗೆ ಸೇರಿಸಲಾಗಿದೆ. ಕೆಲಸ, ಶಿಕ್ಷಣ ಮತ್ತು ವಿರಾಮ ಸೇರಿದಂತೆ ಅನೇಕ ದೈನಂದಿನ ಚಟುವಟಿಕೆಗಳನ್ನು ಆನ್‌ಲೈನ್‌ನಲ್ಲಿ ನೋಡಲು ಬೇರೆ ಮಾರ್ಗವಿಲ್ಲ ಎಂದು ಸರ್ಫ್​ಶಾರ್ಕ್​ ವಕ್ತಾರ ಗೇಬ್ರಿಯೆಲ್ ರಾಕೈಟೈಟ್-ಕ್ರಾಸೌಸ್ಕೆ ತಿಳಿಸಿದ್ದಾರೆ.

ದೇಶದ ಡಿಜಿಟಲ್​ ಗುಣಮಟ್ಟದ ಜೀವನ ಅಭಿವೃದ್ಧಿ ಹೊಂದುತ್ತಿರುವ ಪ್ರದೇಶಗಳನ್ನು ಗುರುತಿಸುವುದು ನಿರ್ಣಾಯಕವಾಗಿದೆ ಇದು ಡಿಕ್ಯೂಎಲ್​ ಸೂಚ್ಯಂಕದ ನಿಖರ ಉದ್ದೇಶವಾಗಿದೆ. ಜಾಗತಿಕ ದೃಷ್ಟಿಕೋನದಲ್ಲಿ ಭಾರತದಲ್ಲಿ ಸೈಬರ್​ ಕ್ರೈಂ ವಿರುದ್ಧ ಹೋರಾಡಲು ಇನ್ನೂ ಸಿದ್ಧವಾಗಿಲ್ಲ. ದೇಶದಲ್ಲಿ ದತ್ತಾಂಶ ರಕ್ಷಣೆ ಕಾನೂನು ಕಡಿಮೆ ಹೊಂದಿದೆ.

ಇದನ್ನೂ ಓದಿ: 130 ಕೋಟಿಗೆ ತಲುಪಿದ ಜಾಗತಿಕ 5G ಬಳಕೆದಾರರ ಸಂಖ್ಯೆ; ಭಾರತದಲ್ಲಿ ಅತ್ಯಧಿಕ ಚಂದಾದಾರರ ಸೇರ್ಪಡೆ