ಬೆಂಗಳೂರು: ಮೆಟಾ ಇತ್ತೀಚೆಗೆ ಆಕ್ಟಿವಿಟಿ ಆಫ್ ಎಂಬ ಪ್ರೈವಸಿ ಸೆಟಿಂಗ್ ಒಂದನ್ನು ಜಾರಿ ಮಾಡಿದೆ. ಇದರ ಸಹಾಯದಿಂದ ಬಳಕೆದಾರರು ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಮ್ ಸೇರಿದಂತೆ ಮೆಟಾದ ಪ್ಲಾಟ್ಫಾರ್ಮ್ಗಳಲ್ಲಿ ತಾವು ಹಂಚಿಕೊಂಡ ಡೇಟಾವನ್ನು ನಿಯಂತ್ರಿಸಬಹುದಾಗಿದೆ.
ಇಲ್ಲಿಯವರೆಗೆ, ಮೆಟಾ ನಿರಂತರವಾಗಿ ಬಳಕೆದಾರರ ವೈಯಕ್ತಿಕ ಡೇಟಾವನ್ನು ಬೇರೆ ಕಾರಣಗಳಿಗಾಗಿ ಬಳಸುತ್ತಿರುವ ಆರೋಪಗಳನ್ನು ಎದುರಿಸುತ್ತಿದೆ. ಉದಾಹರಣೆಗೆ, ಕಂಪನಿಯು ಬಳಕೆದಾರರ ಆನ್ಲೈನ್ ಚಟುವಟಿಕೆಗಳನ್ನು ವಾಡಿಕೆಯಂತೆ ಟ್ರ್ಯಾಕ್ ಮಾಡುತ್ತದೆ ಮತ್ತು ನಂತರ ಆ ಡೇಟಾವನ್ನು ಜಾಹೀರಾತು ಉದ್ದೇಶಗಳಿಗಾಗಿ ಇತರ ಕಂಪನಿಗಳಿಗೆ ಮಾರಾಟ ಮಾಡುತ್ತದೆ. ಉದಾಹರಣೆಗೆ, ನೀವು ಬ್ಯಾಗ್ಗಳಿಗಾಗಿ ಸರ್ಚ್ ಮಾಡಿದರೆ, ಕೆಲವೇ ಕ್ಷಣಗಳ ನಂತರ ವಿವಿಧ ಕಂಪನಿಗಳ ಬ್ಯಾಗ್ಗಳ ಜಾಹೀರಾತುಗಳು ನಿಮಗೆ ಕಾಣಿಸಲಾರಂಭಿಸುತ್ತವೆ.
ಏತನ್ಮಧ್ಯೆ ಪ್ರೈವಸಿಯನ್ನು ಹೆಚ್ಚು ಸುರಕ್ಷಿತವಾಗಿಸಲು ಮತ್ತು ಬಳಕೆದಾರರು ತಮ್ಮ ಆನ್ಲೈನ್ ಚಟುವಟಿಕೆಯ ಮೇಲೆ ನಿಯಂತ್ರಣ ಸಾಧಿಸುವ ಸಲುವಾಗಿ ಮೆಟಾ ಆಕ್ಟಿವಿಟಿ ಆಫ್-ಮೆಟಾ ಟೆಕ್ನಾಲಜೀಸ್ ವೈಶಿಷ್ಟ್ಯವನ್ನು ಪರಿಚಯಿಸಿದೆ. ಇದು ಮೆಟಾ ಪ್ಲಾಟ್ ಫಾರ್ಮ್ನ ಅಪ್ಲಿಕೇಶನ್ಗಳು ಮತ್ತು ವೆಬ್ ಸೈಟ್ಗಳಲ್ಲಿ ಶೇರ್ ಮಾಡುವ ಡೇಟಾವನ್ನು ನೋಡಲು ಮತ್ತು ನಿಯಂತ್ರಿಸಲು ಬಳಕೆದಾರರಿಗೆ ಅವಕಾಶ ನೀಡುವ ಪ್ರೈವಸಿ ಸೆಟ್ಟಿಂಗ್ ಆಗಿದೆ. ಇದು ವ್ಯವಹಾರಗಳು ಮತ್ತು ಸಂಸ್ಥೆಗಳೊಂದಿಗೆ ಬಳಕೆದಾರರು ನಡೆಸುವ ಸಂವಹನಗಳ ಬಗೆಗಿನ ಮಾಹಿತಿಯನ್ನು ಒಳಗೊಂಡಿರುತ್ತದೆ. ಉದಾಹರಣೆಗೆ ವ್ಯವಹಾರಗಳ ಅಪ್ಲಿಕೇಶನ್ಗಳು ಅಥವಾ ವೆಬ್ ಸೈಟ್ಗಳಿಗೆ ಭೇಟಿ ನೀಡಿರುವುದರ ಮಾಹಿತಿಯನ್ನು ಒಳಗೊಂಡಿರುತ್ತದೆ.
ಈಗ ನೀವು ಭೇಟಿ ನೀಡುವ ಯಾವೆಲ್ಲ ವೆಬ್ಸೈಟ್ಗಳು ಮೆಟಾಗೆ ಡೇಟಾ ಕಳುಹಿಸುತ್ತಿವೆ ಎಂಬುದನ್ನು ನೋಡಬಹುದು, ನಿರ್ದಿಷ್ಟ ವೆಬ್ಸೈಟ್ಗಳು ಆ ರೀತಿ ಮಾಡದಂತೆ ತಡೆಯಬಹುದು ಅಥವಾ ಎಲ್ಲ ಡೇಟಾವನ್ನು ಡಿಲೀಟ್ ಮಾಡಲು ಬಳಕೆದಾರರು ಈ ಸಾಧನವನ್ನು ಬಳಸಬಹುದು.
ಇನ್ಸ್ಟಾಗ್ರಾಮ್ ನಿಮ್ಮ ಇಂಟರ್ನೆಟ್ ಚಟುವಟಿಕೆಯನ್ನು ಟ್ರ್ಯಾಕ್ ಮಾಡದಂತೆ ತಡೆಯಲು ಹೀಗೆ ಮಾಡಿ:
- ಇನ್ಸ್ಟಾಗ್ರಾಮ್ ಅಪ್ಲಿಕೇಶನ್ ತೆರೆಯಿರಿ ಮತ್ತು ಕೆಳಗಿನ ಬಲ ಮೂಲೆಯಲ್ಲಿರುವ ನಿಮ್ಮ ಪ್ರೊಫೈಲ್ ಚಿತ್ರವನ್ನು ಟ್ಯಾಪ್ ಮಾಡಿ.
- ಮೇಲಿನ ಬಲ ಮೂಲೆಯಲ್ಲಿರುವ ಮೂರು ಸಮತಲ ರೇಖೆಗಳ ಮೇಲೆ ಟ್ಯಾಪ್ ಮಾಡಿ ಮತ್ತು "Settings and Privacy" ಆಯ್ಕೆ ಮಾಡಿ.
- "Activity" ಮತ್ತು ನಂತರ "Activity Off Meta Technologies" ಮೇಲೆ ಟ್ಯಾಪ್ ಮಾಡಿ.
- ಇತರ ಅಪ್ಲಿಕೇಶನ್ ಗಳು ಮತ್ತು ವೆಬ್ ಸೈಟ್ ಗಳಲ್ಲಿ ನಿಮ್ಮ ಚಟುವಟಿಕೆಯನ್ನು ಇನ್ಸ್ಟಾಗ್ರಾಮ್ ಟ್ರ್ಯಾಕ್ ಮಾಡುವುದನ್ನು ತಡೆಯಲು "Disconnect Future Activity" ಮೇಲೆ ಟಾಗಲ್ ಮಾಡಿ.
ನಿಮ್ಮ ಹಿಂದಿನ ಚಟುವಟಿಕೆಯನ್ನು ನಿರ್ವಹಿಸಲು ಬಯಸಿದರೆ ಹೀಗೆ ಮಾಡಿ:
- "Activity Off Meta Technologies" ಪುಟದಲ್ಲಿ "Your Information and Permissions" ಮತ್ತು ನಂತರ "Your Activity off Meta Technologies" ಅನ್ನು ಟ್ಯಾಪ್ ಮಾಡಿ.
- ಈ ಪುಟದಲ್ಲಿ ನೀವು ಈ ಮುಂದೆ ತಿಳಿಸಲಾದ ವಿಷಯಗಳನ್ನು ನಿರ್ವಹಿಸಬಹುದು.
- ನಿಮ್ಮ ಇತ್ತೀಚಿನ ಚಟುವಟಿಕೆಯನ್ನು ನೋಡಿ
- ನಿರ್ದಿಷ್ಟ ಅಪ್ಲಿಕೇಶನ್ ಚಟುವಟಿಕೆಯನ್ನು ಸಂಪರ್ಕಕಡಿತಗೊಳಿಸಿ
- ಹಳೆಯ ಡೇಟಾವನ್ನು ತೆರವುಗೊಳಿಸಿ
- ವ್ಯವಹಾರಗಳು ಡೇಟಾವನ್ನು ಹಂಚಿಕೊಳ್ಳುವುದನ್ನು ತಡೆಯಲು ಭವಿಷ್ಯದ ಚಟುವಟಿಕೆಯನ್ನು ನಿರ್ವಹಿಸಿ
ನೀವು "Manage Future Activity" ಮತ್ತು "Disconnect Future Activity" ಆಯ್ಕೆ ಮಾಡಿದರೆ, ಅದು ನಿಮ್ಮ ಹಿಂದಿನ ಚಟುವಟಿಕೆಯನ್ನು ಡಿಲೀಟ್ ಮಾಡುತ್ತದೆ.
ಫೇಸ್ಬುಕ್ ನಿಮ್ಮ ಇಂಟರ್ನೆಟ್ ಚಟುವಟಿಕೆಯನ್ನು ಟ್ರ್ಯಾಕ್ ಮಾಡದಿರಲು ಹೀಗೆ ಮಾಡಿ:
- ನಿಮ್ಮ ಫೇಸ್ಬುಕ್ ಪ್ರೊಫೈಲ್ಗೆ ಹೋಗಿ ಮತ್ತು ಮೇಲಿನ ಬಲ ಮೂಲೆಯಲ್ಲಿರುವ ಮೂರು ಚುಕ್ಕೆಗಳ ಮೇಲೆ ಕ್ಲಿಕ್ ಮಾಡಿ.
- "Settings & Privacy" ಮತ್ತು ನಂತರ "Settings" ಆಯ್ಕೆ ಮಾಡಿ.
- ಎಡ ಕಾಲಂನಲ್ಲಿ "Your Facebook Information" ಕ್ಲಿಕ್ ಮಾಡಿ ಮತ್ತು ನಂತರ "Off-Facebook Activity." ಕ್ಲಿಕ್ ಮಾಡಿ.
- "Manage Your Off-Facebook Activity" ಕ್ಲಿಕ್ ಮಾಡಿ ಮತ್ತು ನಂತರ "Manage Future Activity" ಕ್ಲಿಕ್ ಮಾಡಿ.
- ಇತರ ಅಪ್ಲಿಕೇಶನ್ ಗಳು ಮತ್ತು ವೆಬ್ ಸೈಟ್ ಗಳಲ್ಲಿನ ನಿಮ್ಮ ಚಟುವಟಿಕೆಯನ್ನು ಫೇಸ್ಬುಕ್ ಟ್ರ್ಯಾಕ್ ಮಾಡದಂತೆ ತಡೆಯಲು "Future Off-Facebook Activity" ಯನ್ನು ತೆಗೆದುಹಾಕಿ.
"Manage Your Off-Facebook Activity" ಬಟನ್ ಕ್ಲಿಕ್ ಮಾಡುವ ಮೂಲಕ ಮತ್ತು ನಂತರ "Manage Activity" ಕ್ಲಿಕ್ ಮಾಡುವ ಮೂಲಕ ಫೇಸ್ಬುಕ್ನಿಂದ ನಿರ್ದಿಷ್ಟ ಅಪ್ಲಿಕೇಶನ್ಗಳು ಮತ್ತು ವೆಬ್ಸೈಟ್ಗಳು ನಿಮ್ಮ ಡೇಟಾ ಟ್ರ್ಯಾಕ್ ಮಾಡದಂತೆ ತಡೆಯಬಹುದು.
ಇದನ್ನೂ ಓದಿ : ವಾಟ್ಸ್ಆ್ಯಪ್ ಡಬಲ್ ಟ್ಯಾಪ್ ಫೀಚರ್; ವಿಡಿಯೊ ಫಾರ್ವರ್ಡ್-ರಿವೈಂಡ್ ಮಾಡುವುದಿನ್ನು ಸರಾಗ!
