ಸ್ಯಾನ್ ಫ್ರಾನ್ಸಿಸ್ಕೋ( ಅಮೆರಿಕ): ಜಗತ್ತಿನಲ್ಲಿ ಹೆಚ್ಚು ಬಳಕೆಯಾಗುತ್ತಿರುವ ಜನಪ್ರಿಯ ಮೆಸೇಜಿಂಗ್ ಫ್ಲಾಟ್ಫಾರ್ಮ್ ಹೊಸ ಹೊಸ ವೈಶಿಷ್ಟ್ಯಗಳನ್ನು ಪರಿಚಯಿಸುವ ಮೂಲಕ ಬಳಕೆದಾರರಿಗೆ ಸಿಹಿ ಸುದ್ದಿ ನೀಡುತ್ತಲೇ ಇದೆ. ಇತ್ತೀಚೆಗಷ್ಟೇ ಮೆಟಾ ಮಾಲೀಕತ್ವದ ವಾಟ್ಸ್ಆ್ಯಪ್ , ಸ್ಪ್ಲಿಟ್ ವಿಂಡೋ ಜೊತೆಗೆ ಅಪರಿಚಿತರ ಕಿರಿಕಿರಿ ತಪ್ಪಿಸಲು ಪರಿಹಾರ ಸೂಚಿಸಿತ್ತು. ಇದೀಗ ಬಳಕೆದಾರರ ಸುರಕ್ಷತೆ ಮತ್ತು ಸ್ನೇಹಿಯಾಗಲು ಮತ್ತೊಂದು ಹೆಜ್ಜೆ ಮುಂದಿಟ್ಟಿದೆ.
ಏನಿದು ಹೊಸ ವೈಶಿಷ್ಟ್ಯ?: ಏಕಕಾಲದಲ್ಲಿ ಹಲವು ಮಂದಿಯೊಂದಿಗೆ ಗ್ರೂಪ್ ಚಾಟ್ ಅನ್ನು ಮಾಡುವ ಸೌಕರ್ಯವನ್ನು ವಾಟ್ಸ್ಆ್ಯಪ್ ಹೊಂದಿದೆ. ಈ ವಾಟ್ಸ್ಆ್ಯಪ್ ಐಒಎಸ್ ಬೆಟಾಗಾಗಿ ಕಾರ್ಯ ನಿರ್ವಹಿಸುತ್ತಿದ್ದು, ಇದು ಗ್ರೂಪ್ಗಳಿಗೆ ಎಕ್ಸ್ಪೈರಿ ಡೇಟ್ ಕೂಡ ಸೆಟ್ ಮಾಡುವ ಅವಕಾಶ ನೀಡಲಾಗಿದೆ.
ಕೆಲವೊಂದು ನಿರ್ದಿಷ್ಟ ಉದ್ದೇಶಕ್ಕಾಗಿ ಬಳಕೆದಾರರು ಕೆಲವು ಕಾಲಕ್ಕಾಗಿ ಗ್ರೂಪ್ಗಳನ್ನು ಸೃಷ್ಟಿಸಿರುತ್ತಾರೆ. ಈ ಉದ್ದೇಶ ಈಡೇರಿದ ಬಳಿಕ ಈ ಗ್ರೂಪ್ ಡೆಡ್ ಆಗಿ ಉಳಿದು ಬಿಡುತ್ತದೆ. ಇದರಿಂದ ಸ್ಟೋರೆಜ್ ಸಮಸ್ಯೆಗಳನ್ನು ಕೆಲವು ಬಾರಿ ಎದುರಿಸುವ ಸಾಧ್ಯತೆ ಇದೆ. ಈ ರೀತಿ ಡೆಡ್ ಆಗಿ ಗ್ರೂಪ್ ಉಳಿದು ಬಿಡುವ ಬದಲಿ ಇದಕ್ಕೆ ಒಂದು ಎಕ್ಸ್ಪೈರಿ ಡೇಟ್ ನಿಗದಿ ಪಡಿಸಬಹುದು. ಈ ಗ್ರೂಪ್ಗೆ ನೀವು ನಿರ್ದಿಷ್ಟ ದಿನಾಂಕ ದಾಖಲಿಸಬಹುದು. ಈ ದಿನದ ಮುಗಿದ ಬಳಿಕ ಈ ಗ್ರೂಪ್ ಕಣ್ಮರೆಯಾಗಲಿದೆ ಎನ್ನಲಾಗಿದೆ.
ಶೀಘ್ರದಲ್ಲೇ ಹೊರ ಬೀಳಲಿದೆ ಈ ವೈಶಿಷ್ಟ್ಯ: ಸದ್ಯ ಈ ಹೊಸ ಆಯ್ಕೆಯನ್ನು ಗ್ರೂಪ್ ಮಾಹಿತಿಯಲ್ಲಿ ಲಭ್ಯವಾಗಲಿದೆ ಎಂದು ವಾಬೆಟಾಇನ್ಫೊ ವರದಿ ಮಾಡಿದೆ. ಈ ವೈಶಿಷ್ಟ್ಯವನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡಲಿದೆ. ಬಳಕೆದಾರರು ಆಗ ಒಂದು ದಿನ, ವಾರ ಅಥವಾ ತಿಂಗಳಿಗೆ ಒಂದು ಗ್ರೂಪ್ ಅವಧಿ ಮುಗಿಯುವ ದಿನಾಂಕವನ್ನು ಸೆಟ್ ಮಾಡಬಹುದಾಗಿದೆ. ಈ ದಿನಾಂಕದ ಬಳಿಕ ಈ ಗ್ರೂಪ್ ನಿಮ್ಮ ವಾಟ್ಸ್ಆ್ಯಪ್ನಲ್ಲಿ ಸಿಗುವುದಿಲ್ಲ ಎನ್ನಲಾಗಿದೆ.
ಸ್ಟೋರೆಜ್ ಸಮಸ್ಯೆಗೆ ಮುಕ್ತಿ: ಈ ವೈಶಿಷ್ಟ್ಯದ ಮತ್ತೊಂದು ವಿಶೇಷ ಎಂದರೆ, ಬಳಕೆದಾರರು ಈ ಎಕ್ಸ್ಪೈರ್ ಡೇಟ್ ಮುಗಿಯುವ ಮುನ್ನವೇ ಅದರ ದಿನಾಂಕ ಅಥವಾ ಈ ದಿನಾಂಕವನ್ನು ತೆಗೆದು ಹಾಕಬಹುದು. ಆದಾಗ್ಯೂ, ಈ ಆಯ್ಕೆ ಬಳಕೆದಾರರಿಗೆ ಬಿಟ್ಟಿದೆ. ಇತರ ಗುಂಪುಗಳ ಭಾಗಿದಾರರಿಗೆ ಇದು ಅನ್ವಯವಾಗುವುದಿಲ್ಲ.
ಈ ವೈಶಿಷ್ಟ್ಯವು ಮೊಬೈಲ್ನಲ್ಲಿ ಉತ್ತಮ ಸ್ಟೋರೆಜ್ ಟೂಲ್ ಆಗಿ ಕಾರ್ಯ ನಿರ್ವಹಿಸಲಿದ್ದು, ಸ್ಪೇಸ್ ಅನ್ನು ಉಳಿಸಲಿದೆ. ಇದರ ಜೊತೆಗೆ ಸರಿಯಾದ ಸಮಯಕ್ಕೆ ತಕ್ಕಂತೆ ಈ ಗ್ರೂಪ್ಗಳ ನಿರ್ವಹಣೆಗೆ ಸಹಕಾರಿಯಾಗಿದೆ. ಈ ವೈಶಿಷ್ಟ್ಯ ಸಾಮರ್ಥ್ಯದ ಕುರಿತು ಪರಿಶೀಲನೆ ಅಭಿವೃದ್ಧಿ ಹಂತದಲ್ಲಿದೆ. ಈ ಸಂಬಂಧ ಶೀಘ್ರದಲ್ಲೇ ಅಪ್ಡೇಟ್ ಕುರಿತು ಸಂಸ್ಥೆ ತಿಳಿಸಲಾಗಿದೆ.
ಕಳೆದವಾರವಷ್ಟೇ, ವಾಟ್ಸ್ಆ್ಯಪ್ ಸ್ಟೀಕರ್ ಮೇಕರ್ ಟೋಲ್ ಅನ್ನು ಐಒಎಸ್ ಬಳಕೆದಾರರಿಗೆ ಬಿಡುಗಡೆ ಮಾಡಿತ್ತು. ಈ ಮೂಲಕ ಬಳಕೆದಾರರು, ಇಮೇಜ್ಗಳನ್ನು ಸ್ಟೀಕರ್ ಆಗಿ ರೂಪಾಂತರಿಸಬಹುದು. ಇದರಿಂದಾಗಿ ಸ್ಟೀಕರ್ ಸೃಷ್ಟಿಸಲು ಬಳಕೆ ಮಾಡುತ್ತಿದ್ದ ಧರ್ಟ್ ಪಾರ್ಟಿ ಅಪ್ಲಿಕೇಶನ್ ಅನ್ನು ಡೌನ್ಲೋಡ್ ಮಾಡುವ ಅಗತ್ಯ ಇರುವುದಿಲ್ಲ.
