ನವದೆಹಲಿ: ತನ್ನ ಕ್ರೋಮ್ ಬ್ರೌಸರ್ನ ಹೊಸ ಸೆಕ್ಯೂರಿಟಿ ಅಪ್ಡೇಟ್ ಅನ್ನು ತಕ್ಷಣವೇ ಇನ್ಸ್ಟಾಲ್ ಮಾಡಿಕೊಳ್ಳಿ ಎಂದು ಗೂಗಲ್ ತನ್ನ ಬಳಕೆದಾರರಿಗೆ ಸೂಚಿಸಿದೆ. ಪ್ರಬಲ ಬಗ್ ಒಂದರ ಮೂಲಕ ಹ್ಯಾಕರ್ಗಳು ಹ್ಯಾಕಿಂಗ್ ಪ್ರಯತ್ನಗಳನ್ನು ಮಾಡುತ್ತಿರುವ ಹಿನ್ನೆಲೆಯಲ್ಲಿ ಗೂಗಲ್ ಈ ಎಚ್ಚರಿಕೆ ರವಾನಿಸಿದೆ.
'CVE-2022-3075' ಹೆಸರಿನ ಬಗ್ ಕಾಣದಂತೆ ಇದ್ದು, ಇದರಿಂದ ಅಪಾಯವಿದೆ ಮತ್ತು Insufficient data validation in Mojo ಎಂಬ ಸಂದೇಶವನ್ನು ಇದು ತೋರಿಸುತ್ತದೆ ಎಂದು ಹೆಸರು ಬಹಿರಂಗಪಡಿಸದ ಸೆಕ್ಯೂರಿಟಿ ರಿಸರ್ಚರ್ ಒಬ್ಬರು ಹೇಳಿದ್ದಾರೆ. ಗೂಗಲ್ ಕ್ರೋಮ್ ಬಳಸುವ ವಿಂಡೋಸ್, ಮ್ಯಾಕ್ ಮತ್ತು ಲಿನಕ್ಸ್ ಬಳಕೆದಾರರಿಗಾಗಿ ಗೂಗಲ್ ಈ ಹೊಸ ಸೆಕ್ಯೂರಿಟಿ ಪ್ಯಾಚ್ ಬಿಡುಗಡೆ ಮಾಡಿದೆ. ಮುಂದಿನ ದಿನಗಳಲ್ಲಿ ಈ ಪ್ಯಾಚ್ ಎಲ್ಲರಿಗೂ ಲಭ್ಯವಾಗಲಿದೆ.
ಬಹುತೇಕ ಬಳಕೆದಾರರಿಗಾಗಿ ಈ ಸಮಸ್ಯೆಯನ್ನು ಅಪ್ಡೇಟ್ ಮೂಲಕ ಫಿಕ್ಸ್ ಮಾಡಲಾಗಿದೆ ಮತ್ತು ಇತರೆ ಥರ್ಡ್ ಪಾರ್ಟಿ ಲೈಬ್ರರಿಗಳಲ್ಲಿ ಈ ಬಗ್ ಉಳಿದುಕೊಂಡಿರುವುದು ಕಂಡು ಬಂದಲ್ಲಿ, ನಾವು ನಿರ್ಬಂಧಗಳನ್ನು ಮುಂದುವರಿಸಲಿದ್ದೇವೆ ಎಂದು ಗೂಗಲ್ ಹೇಳಿದೆ. ಇದು ಈ ವರ್ಷದಲ್ಲಿ ಕ್ರೋಮ್ ಎದುರಿಸುತ್ತಿರುವ ಆರನೇ ಝೀರೋ ಡೇ ವಲ್ನರೇಬಿಲಿಟಿ (zero-day vulnerability) ಅಪಾಯವಾಗಿದೆ.
ಹೊಸ ಸೆಕ್ಯೂರಿಟಿ ಅಪ್ಡೇಟ್ ಆ್ಯಕ್ಟಿವೇಟ್ ಮಾಡಿಕೊಳ್ಳಲು ಕ್ರೋಮ್ ಬಳಕೆದಾರರು ಕ್ರೋಮ್ ಅನ್ನು ರಿಲಾಂಚ್ ಮಾಡಬೇಕಾಗುತ್ತದೆ. ಆಗಸ್ಟ್ 30 ರಂದು ಗೂಗಲ್ ಕ್ರೋಮ್ನ 105ನೇ ಆವೃತ್ತಿಯನ್ನು ಬಿಡುಗಡೆ ಮಾಡಿತ್ತು. ಅದಾಗಿ ಕೆಲವೇ ದಿನಗಳಲ್ಲಿ ಈಗ ಅಪ್ಡೇಟ್ ನೀಡಲಾಗುತ್ತಿದೆ.
