ನವದೆಹಲಿ : ಈ ವರ್ಷದ ಮೊದಲ 6 ತಿಂಗಳುಗಳಲ್ಲಿ ಮೊಬೈಲ್ ಆ್ಯಪ್ನೊಳಗಡೆ ಗ್ರಾಹಕರು ಮಾಡುವ ವೆಚ್ಚಗಳು (in-app consumer spend) ಜಾಗತಿಕವಾಗಿ 67.8 ಬಿಲಿಯನ್ ಡಾಲರ್ಗೆ( ಅಂದರೆ ಭಾರತೀಯ ರೂಪಾಯಿ ಲೆಕ್ಕದಲ್ಲಿ 54,99,69,50,00,000 ರೂ. ಆಗುತ್ತದೆ) ತಲುಪಿದೆ. ಮತ್ತು ಐಓಎಸ್ ಹಾಗೂ ಗೂಗಲ್ ಪ್ಲೇ ಗಳಲ್ಲಿ 76.8 ಬಿಲಿಯನ್ ಬಾರಿ ಆ್ಯಪ್ಗಳನ್ನು ಡೌನ್ಲೋಡ್ ಮಾಡಲಾಗಿದೆ ಎಂದು ಅಧ್ಯಯನ ವರದಿಯೊಂದು ತೋರಿಸಿದೆ. 2022ರಲ್ಲಿ ಕುಸಿತ ಕಂಡಿದ್ದ ಮೊಬೈಲ್ ಗ್ರಾಹಕ ವೆಚ್ಚಗಳು 2023ರ ಮೊದಲಾರ್ಧದಲ್ಲಿ ಶೇ 5.3 ರಷ್ಟು ಬೆಳವಣಿಗೆ ದಾಖಲಿಸಿವೆ.
2021 ರ ಮೊದಲಾರ್ಧದಲ್ಲಿ Google Play ಡೌನ್‌ಲೋಡ್‌ಗಳಿಗೆ ಭಾರತ, ಬ್ರೆಜಿಲ್ ಮತ್ತು ಇಂಡೋನೇಷ್ಯಾ ಅತಿದೊಡ್ಡ ಮಾರುಕಟ್ಟೆಗಳಾಗಿವೆ. ಹಾಗೆಯೇ 2022ರ ಮೊದಲಾರ್ಧಕ್ಕೆ ಹೋಲಿಸಿದರೆ ಟರ್ಕಿ, ರಷ್ಯಾ ಮತ್ತು ಇಂಡೋನೇಷ್ಯಾ ಗೂಗಲ್ ಪ್ಲೇ ಡೌನ್ಲೋಡ್ನಲ್ಲಿ ಉತ್ತಮ ಬೆಳವಣಿಗೆ ಕಂಡಿವೆ. ಐಓಎಸ್‌ನಲ್ಲಿ ಚೀನಾ, ಯುಎಸ್ ಮತ್ತು ಜಪಾನ್‌ಗಳು ಬ್ರೆಜಿಲ್, ಚೀನಾ ಮತ್ತು ಯುಎಸ್ ಉನ್ನತ ಮಾರುಕಟ್ಟೆಗಳಾಗಿದ್ದು, 2022ರ ಮೊದಲಾರ್ಧಕ್ಕೆ ಹೋಲಿಸಿದರೆ ಹೆಚ್ಚು ಬೆಳವಣಿಗೆ ಕಂಡಿವೆ.
ವರ್ಷದ ಮೊದಲಾರ್ಧದಲ್ಲಿ ಧನಾತ್ಮಕ ಬೆಳವಣಿಗೆಗೆ ಮರಳುವಿಕೆಯು 2022 ರ ಸಮಯದಲ್ಲಿ ಮೊಬೈಲ್ ಗ್ರಾಹಕರ ವೆಚ್ಚದಲ್ಲಿನ ಕುಸಿತವು ತಾತ್ಕಾಲಿಕ ಕುಸಿತವಾಗಿತ್ತು ಎಂಬುದರ ಸಂಕೇತವಾಗಿದೆ. ಚೀನಾದ ಕಿರು ವೀಡಿಯೊ ತಯಾರಿಕೆ ಅಪ್ಲಿಕೇಶನ್ TikTok 2023 ರ ಪ್ರಥಮ ತ್ರೈಮಾಸಿಕದಲ್ಲಿ $1 ಶತಕೋಟಿ ಗ್ರಾಹಕರ ವೆಚ್ಚವನ್ನು ಮೀರಿದ ಮೊದಲ ಅಪ್ಲಿಕೇಶನ್ ಆಗಿದೆ ಮತ್ತು 2023ನೇ ವರ್ಷದ ಮೊದಲಾರ್ಧದಲ್ಲಿ $2.1 ಶತಕೋಟಿ ಗ್ರಾಹಕ ವೆಚ್ಚವನ್ನು ಸಂಗ್ರಹಿಸುವ ಮೂಲಕ $2 ಶತಕೋಟಿಯನ್ನು ಮೀರಿದ ಮೊದಲ ಅಪ್ಲಿಕೇಶನ್ ಆಗಿದೆ. ಈ ವರ್ಷದ ಮೊದಲಾರ್ಧದಲ್ಲಿ ಪಿಕೋಮಾ, ಡಿಸ್ನಿ+ ಮತ್ತು ಯೂಟ್ಯೂಬ್‌ಗಳು ಕ್ರಮವಾಗಿ ಶೇ 34, ಶೇ 10 ಮತ್ತು ಶೇ 6 ರಷ್ಟು ಬೆಳವಣಿಗೆಯನ್ನು ಕಂಡಿವೆ.
2023 ರ ಮೊದಲಾರ್ಧದಲ್ಲಿ ಸಾಮಾಜಿಕ ಮಾಧ್ಯಮದಲ್ಲಿನ ದೈತ್ಯ ಕಂಪನಿಗಳು ಅತ್ಯಧಿಕ ಡೌನ್ಲೋಡ್ ಮತ್ತು ಮಾಸಿಕ ಸಕ್ರಿಯ ಬಳಕೆದಾರರ (MAU) ಪಟ್ಟಿಯಲ್ಲಿ ಪ್ರಾಬಲ್ಯ ಸಾಧಿಸಿರುವುದು ಆಶ್ಚರ್ಯವೇನಲ್ಲ. ಡೌನ್ಲೋಡ್ಗಳ ವಿಷಯದಲ್ಲಿ ByteDance (TikTok ಮತ್ತು CapCut) ಮತ್ತು Meta (Instagram, WhatsApp ಮತ್ತು Facebook) ಅಗ್ರ ಐದು ಸ್ಥಾನಗಳಲ್ಲಿವೆ. MAU ಶ್ರೇಯಾಂಕಗಳಲ್ಲಿ ಮೆಟಾ ತನ್ನ ಪ್ರಾಬಲ್ಯವನ್ನು ಮುಂದುವರೆಸಿದೆ.
2022ರ ದ್ವಿತೀಯಾರ್ಧದಲ್ಲಿ ಅತ್ಯಧಿಕ ಡೌನ್ ಲೋಡ್ ಆದ ಐದು ಗೇಮ್ಗಳು 2023 ರ ಮೊದಲಾರ್ಧದಲ್ಲಿಯೂ ಪ್ರಾಬಲ್ಯ ಸಾಧಿಸಿವೆ. ಇದರಲ್ಲಿ ಸಬ್‌ವೇ ಸರ್ಫರ್‌ ಮತ್ತು ಫ್ರೀ ಫೈರ್ ಮುಂಚೂಣಿಯಲ್ಲಿವೆ. ಹಂಗ್ರಿ ಸ್ಟುಡಿಯೊದ ಬ್ಲಾಕ್ ಬ್ಲಾಸ್ಟ್ ಅಡ್ವೆಂಚರ್ ಮಾಸ್ಟರ್ ಮತ್ತು ಹೋಮಾದ ಅಟ್ಯಾಕ್ ಹೋಲ್ ಸೇರಿದಂತೆ ಕೆಲ ಗೇಮ್ಗಳು ಪಟ್ಟಿಗೆ ಹೊಸದಾಗಿ ಸೇರ್ಪಡೆಯಾಗಿವೆ. ಮೊದಲಾರ್ಧದಲ್ಲಿ ಡೌನ್ಲೋಡ್ ಹೆಚ್ಚಾಗುತ್ತಿರುವ ಮತ್ತೊಂದು ಗೇಮ್ ಗಾರ್ಡನ್ ಸ್ಕೇಪ್ಸ್ ಆಗಿದೆ. ಇದು Playrixನ ಮ್ಯಾಚ್-3 ಟೈಟಲ್ ಆಗಿದೆ.
MAU ಆಧಾರದಲ್ಲಿ ನೋಡುವುದಾದರೆ 2022ರಲ್ಲಿದ್ದ ಟಾಪ್ 5 ಗೇಮ್ಗಳು ಈಗಲೂ ಮುಂದುವರೆದಿವೆ. ರಾಬ್ಲಾಕ್ಸ್, ಫ್ರೀ ಫೈರ್ ಮತ್ತು ಕ್ಯಾಂಡಿ ಕ್ರಷ್ ಸಾಗಾ ಈ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿವೆ. 2022 ರ ಕೊನೆಯಲ್ಲಿ ನಡೆದ FIFA ವಿಶ್ವಕಪ್‌ನಲ್ಲಿ ಹೆಸರು ಮಾಡಿದ FIFA Soccer ಆ್ಯಪ್ ಟಾಪ್ 10ರಲ್ಲಿ ತನ್ನ ಆವೇಗವನ್ನು ಸತತವಾಗಿ ಕಾಯ್ದುಕೊಂಡಿರುವ ಆ್ಯಪ್ ಆಗಿದೆ.
ಇದನ್ನೂ ಓದಿ : Rocket Technology: ಮಿಥೇನ್ ಚಾಲಿತ ರಾಕೆಟ್ ಯಶಸ್ವಿ ಉಡಾವಣೆ: ಸ್ಪೇಸ್ಎಕ್ಸ್ ಹಿಂದಿಕ್ಕಿದ ಚೀನಾ
