ವಾಟ್ಸಾಪ್ ಎಂಬ ಸಾಮಾಜಿಕ ಜಾಲತಾಣ ಈಗ ಎಲ್ಲರ ಮೊಬೈಲ್ನಲ್ಲಿ ಇದ್ದೇ ಇರುತ್ತದೆ. ಈ ಆಪ್ ಇರದ ಮೊಬೈಲ್ಗಳೇ ಇಲ್ಲ. ಈಗ ವಾಟ್ಸಾಪ್ನಿಂದ ಎಲ್ಲವನ್ನು ಮಾಡಬಹುದು. ಈ ಕಾರಣಕ್ಕಾಗೇ ಸಂಶೋಧಕರು ವಾಟ್ಸಾಪ್ನಲ್ಲಿ ಒಂದು ಹೊಸ ಅನ್ವೇಷಣೆ ಮಾಡಿದ್ದಾರೆ. ಇದರ ಬಗ್ಗೆ ನೀವು ತಿಳಿದರೆ ಖಂಡಿತಾ ವಾಟ್ಸಾಪ್ನ್ನು ಇನ್ನೂ ಹೆಚ್ಚಿಗೆ ಬಳಸುತ್ತೀರಾ.
ಹೌದು.., ಭಾವನೆಗಳಿಲ್ಲದ ವ್ಯಕ್ತಿಯೇ ಇಲ್ಲ. ಭಾವನೆ ಎಂಬುದು ಆಯಾ ವ್ಯಕ್ತಿಯ ವ್ಯಕ್ತಿತ್ವವನ್ನು ಪರಿಚಯಿಸುವ ಒಂದು ಸಾಧನ. ಈ ಕಾರಣಕ್ಕಾಗೆ ಇಂಟರ್ನ್ಯಾಷನಲ್ ಜರ್ನಲ್ ಆಫ್ ಹ್ಯೂಮನ್-ಕಂಪ್ಯೂಟರ್ ಸ್ಟಡೀಸ್ ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ ಗ್ರೂಪ್ ಚಾಟಿಂಗ್ ಮಾಡುವರ ಮಾನಸಿಕ ಆರೋಗ್ಯದ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಲಿದೆ ಎಂದು ತಿಳಿಸಲಾಗಿದೆ.
ಸೈಕಾಲಜಿಕಲ್ ಔಟ್ಕಮ್ಸ್ ಅಸೋಸಿಯೇಟೆಡ್ ವಿತ್ ಎಂಗೇಜ್ಮೆಂಟ್ ವಿತ್ ಆನ್ಲೈನ್ ಸಿಸ್ಟಮ್ ( Psychosocial Outcomes Associated with Engagement with Online Chat Systems) ಎಂಬ ಹೆಸರಿನಲ್ಲಿ ನಡೆಸಲಾದ ಅಧ್ಯಯನದ ಪ್ರಕಾರ ಹೆಚ್ಚು ಸಮಯ ವಾಟ್ಸಾಪ್ನಲ್ಲಿ ಸಮಯ ಕಳೆಯುತ್ತಿರುವ ಜನರು ಒಬ್ಬರೇ ಇದ್ದರೂ ಕೂಡ ಕುಟುಂಬ ಹಾಗೂ ಸ್ನೇಹಿತರ ಜೊತೆ ಹೆಚ್ಚು ಒಡನಾಡಿಯಾಗಿರುತ್ತಾರೆ ಎನ್ನಲಾಗಿದೆ.
ಈ ಸಂಬಂಧ ಎಡ್ಜ್ ಹಿಲ್ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕ ಲಿಂಡಾ ಕೇ ತಮ್ಮ ವ್ಯಾಖ್ಯಾನ ನೀಡಿದ್ದು, ಇತ್ತೀಚಿನ ದಿನಗಳಲ್ಲಿ ಜನರು ಹೆಚ್ಚು ಸಾಮಾಜಿಕ ಜಾಲತಾಣದಲ್ಲಿ ತೊಡಗುತ್ತಾರೆ. ಇದು ಕೆಟ್ಟದ್ದು ಎಂದು ಹಲವು ಚರ್ಚೆಗಳು ನಡೆದಿವೆ. ಆದರೆ, ಅಂದುಕೊಂಡಷ್ಟು ಈ ಸಾಧನದಿಂದ ಸ್ನೇಹಿತರು ಹಾಗೂ ಪೋಷಕರ ಜೊತೆ ಉತ್ತಮ ಸಂಬಂಧ ಇರಿಸಿಕೊಳ್ಳಲು ಸಹಕಾರಿ ಎಂದಿದ್ದಾರೆ.
ಇನ್ನು ಸಂಶೋದಕರ ಪ್ರಕಾರ, ವಾಟ್ಸಾಪ್ ಒಂಟಿತನವನ್ನು ಓಡಿಸಿ ಎಲ್ಲರೊಂದಿಗೆ ಬೆರೆಯುವಂತೆ ಮಾಡುತ್ತದೆ. ಹೀಗಾಗಿ ಯಾವುದೇ ವ್ಯಕ್ತಿಯಲ್ಲಿ ಸಕಾರಾತ್ಮಕ ಮನೋಭಾವನೆ ಬೆಳೆಯಲಿದೆ ಎಂದು ತಿಳಿಸಿದ್ದಾರೆ.
ಈ ಸಂಶೋದನೆಗೆ 200 ಜನರನ್ನು ಆಯ್ಕೆ ಮಾಡಿದ್ದು, ಅದರಲ್ಲಿ 158 ಮಹಿಳೆಯರು, 42 ಪುರುಷರು ( 24 ವರ್ಷದವರು) ರನ್ನು ಆಯ್ಕೆ ಮಾಡಿಕೊಂಡು ಅಧ್ಯಯನ ನಡೆಸಲಾಗಿದೆ. ಏನೇ ಆದರೂ ನಮ್ಮ ನಡುವೆ ವಾಟ್ಸಾಪ್ ದಿನಬಳಕೆಯ ವಸ್ತುವಂತೆ ಆಗಿಬಿಟ್ಟಿದೆ. ಅದರಲ್ಲೂ ವಾಟ್ಸಾಪ್ನಲ್ಲಿ ಎಲ್ಲವೂ ಸಾಧ್ಯ ಎಂಬಂತಾಗಿದೆ. ಹೀಗಾಗಿ ವಾಟ್ಸಾಪ್ ಮೇಲೆ ಸಂಶೋಧನೆಗಳು ನಡೆದು ಇಂಥಹ ವಿಶೇಷ ಮತ್ತು ವಿಶಿಷ್ಠ ಮಾಹಿತಿ ಹೊರಬೀಳುತ್ತಿವೆ.
