ಹೈದರಾಬಾದ್: ಮೈಕ್ರೋಸಾಫ್ಟ್ ತನ್ನ ಗೇಮಿಂಗ್ ವಲಯದಲ್ಲಿ ಹೊಸ ಉಪಕರಣಗಳನ್ನು ಹೊರತರಲು ಮುಂದಾಗಿದೆ. ಈ ಸರಣಿಯಲ್ಲಿ ವೈರ್ಲೆಸ್ ಹೆಡ್ಫೋನ್ ಪ್ರಮುಖವಾಗಿದ್ದು, ಇದರ ಎಕ್ಸ್ ಸೀರಿಸ್ ಅವತರಣಿಕೆಯಲ್ಲಿ ಹೊಸ ಹೆಡ್ ಫೋನ್ ಬಿಡುಗಡೆಯಾಗಿದೆ.
ಎಕ್ಸ್ ಬಾಕ್ಸ್ ಸೀರಿಸ್ನ ವೈರ್ಲೆಸ್ ಹೆಡ್ ಫೋನ್ ಇದಾಗಿದ್ದು, ವಿಶೇಷವಾಗಿ ವಿಡಿಯೋ ಗೇಮಿಂಗ್ ಗ್ರಾಹಕರನ್ನು ದೃಷ್ಟಿಯಲ್ಲಿಟ್ಟುಕೊಂಡು ಮಾರುಕಟ್ಟೆಗೆ ಪರಿಚಯಿಸಿದೆ.
ಮೈಕ್ರೋಸಾಪ್ಟ್ನಿಂದ ಎಕ್ಸ್ ಬಾಕ್ಸ್ ವೈಯರ್ಲೆಸ್ ಹೆಡ್ ಫೋನ್
ಈ ಎಕ್ಸ್ ಬಾಕ್ಸ್ ಹೆಡ್ಫೋನ್ನ ಕೆಲ ವೈಶಿಷ್ಟ್ಯ ನೋಡುವುದಾದರೆ:
- ಬ್ಲೂಟೂತ್ ಆನ್ ಮಾಡಿದಾಕ್ಷಣ ನೇರ ಕನ್ಸೋಲ್ ಡಿವೈಸ್ಗೆ ಕನೆಕ್ಟ್ ಆಗಲಿದೆ.
- ಅತೀ ಹೆಚ್ಚಿನ ಬಾಸ್ ಸೌಂಡ್ ಎಫೆಕ್ಟ್ ನೀಡಲಿದೆ.
- ಫ್ಲೆಕ್ಸಿಬಲ್ ಮೋಡ್ನಲ್ಲಿ ಬಳಕೆ ಮಾಡಬಲ್ಲ ಹೆಡ್ ಫೋನ್ ಇದಾಗಿದ್ದು, ಕಡಿಮೆ ತೂಕ ಹೊಂದಿದೆ. (312 ಗ್ರಾಂ)
- ಕಿವಿಯ ಎರಡೂ ಕಡೆಯ ಸ್ಪೀಕರ್ಗಳ ಹೊರ ಭಾಗವು ಮೃದುವಾಗಿದೆ. ನಿಮಗೆ ಬೇಕಾದಾ ಹಾಗೆ ಅದನ್ನು ಜೋಡಿಸಿಕೊಳ್ಳಬಹುದು.
- ಹಿಂದಿನ ಎಕ್ಸ್ ಬಾಕ್ಸ್ ಸೀರಿಸ್ನಂತೆ ಇದೂ ಕೂಡ ಹಲವು ಶಬ್ದ ತಂತ್ರಜ್ಞಾನ ಒಳಗೊಂಡಿದೆ. ಡಾಲ್ಬಿ, ವಿಂಡೋಸ್ ಸೋನಿಕ್, ಡಿಟಿಎಸ್ ಸಿಸ್ಟಂ ಸೌಂಡ್ ಸಪೋರ್ಟ್ ಮಾಡಲಿದೆ.
- ಇದರಲ್ಲಿನ ಮೈಕ್ ಬಳಕೆ ಮಾಡದಿದಾಗ ಸ್ಪೀಕರ್ ಬಾಕ್ಸ್ನೊಳಗೆ ಅಡಗಿರಲಿದೆ. ನಿಮ್ಮ ಅವಶ್ಯಕತೆಗೆ ಬೇಕಾದಾಗ ಮಾತ್ರ ಅದರ ಬಳಕೆ ಮಾಡಲು ಮುಂದೆ ಎಳೆದುಕೊಳ್ಳಬೇಕಾಗುತ್ತದೆ. ಇದರಿಂದ ಬೇಡದ ಸಮಯದಲ್ಲಿ ಕಿರಿಕಿರಿ ತಪ್ಪಿಸಬಹುದಾಗಿದೆ.
- ವಾಯ್ಸ್ ಆಂಬಿಯನ್ಸ್ನಿಂದಾಗಿ ಹೊರಗಿನ ಶಬ್ದ ನಿಯಂತ್ರಣವಾಗಲಿದೆ.
- ಮೈಕ್ರೋಫೋನ್ ಬಳಕೆ ಮಾಡದೇ ಇರುವ ವೇಳೆ ಮೈಕ್ ಆಟೋಮ್ಯಾಟಿಕ್ ಆಗಿ ಆಟೋ ಮ್ಯೂಟ್ ಆಗಿರಲಿದೆ.
- ಎಕ್ಸ್ ಬಾಕ್ಸ್ ಆ್ಯಪ್ ಬಳಸಿ ನೀವು ಈ ಹೆಡ್ ಫೋನ್ ಕಂಟ್ರೋಲ್ ಮಾಡಬಹುದು. ಆ್ಯಪ್ ಮೂಲಕ ಈಕ್ವೆಲೈಸರ್ ಸೆಟ್ಟಿಂಗ್ಸ್, ಬಾಸ್, ಆಟೋ ಮ್ಯೂಟ್, ಸೆನ್ಸಿಟಿವಿಟಿ ಹಾಗೂ ಸ್ಪೀಕರ್ನ ಎಲ್ಇಡಿ ಲೈಟ್ನ ಬ್ರೈಟ್ನೆಸ್ ಅನ್ನೂ ಸಹ ಕಂಟ್ರೋಲ್ ಮಾಡಬಹುದು.
- ಇದು ಬ್ಲೂಟೂತ್ 4.2 ವರ್ಷನ್ ಸಪೋರ್ಟ್ ಮಾಡಲಿದೆ.
- 15 ಗಂಟೆಗಳ ಕಾಲ ಸುದೀರ್ಘ ಬ್ಯಾಟರಿ ಬಾಳಿಕೆ ಬರಲಿದೆ. 30 ನಿಮಿಷಗಳ ಕಾಲ ಚಾರ್ಜ್ ಮಾಡಿದರೆ 4 ಗಂಟೆಗಳ ಕಾಲ ಬಳಸಬಹುದು. ಬ್ಯಾಟರಿ ಸಂಪೂರ್ಣ ಚಾರ್ಜ್ ಆಗಲು 3 ಗಂಟೆ ಸಮಯ ತೆಗೆದುಕೊಳ್ಳಲಿದೆ.
ಇದನ್ನೂ ಓದಿ: ಟಾಟಾ ಗ್ರೂಪ್ನೊಂದಿಗೆ ಯಾವುದೇ ಷೇರು ಪಾಲು ಇಲ್ಲ: ಬಿಗ್‌ಬಾಸ್ಕೆಟ್
