ಚೆನ್ನೈ: ಭಾರತೀಯ ತಂತ್ರಜ್ಞಾನ ವಿದ್ಯಾಲಯ (ಐಐಟಿ) ಮದ್ರಾಸ್‌ನ ಏರೋಸ್ಪೇಸ್ ಎಂಜಿನಿಯರಿಂಗ್ ವಿಭಾಗವು ಏರ್ ಟ್ಯಾಕ್ಸಿ ವಿನ್ಯಾಸಗೊಳಿಸಿದ್ದು, ರಸ್ತೆ ಟ್ಯಾಕ್ಸಿಗಳಿಗಿಂತ ವೇಗವಾಗಿ ಆಕಾಶ ಮಾರ್ಗದಲ್ಲಿ ಸಂಚರಿಸಲಿದೆ.
ಐದು ವರ್ಷಗಳಲ್ಲಿ ಏರ್ ಟ್ಯಾಕ್ಸಿ ಸಾರ್ವಜನಿಕ ಬಳಕೆಗೆ ಪರಿಚಯಿಸುವ ಪ್ರಯತ್ನಗಳು ನಡೆಯುತ್ತಿವೆ. 100 ಕಿ.ಮೀ ವ್ಯಾಪ್ತಿಯಲ್ಲಿ ಐದು ಕೆ.ಜಿ ವಸ್ತುಗಳನ್ನು ಸಾಗಿಸಲು ವಿನ್ಯಾಸಗೊಳಿಸಲಾದ ಏರ್ ಟ್ಯಾಕ್ಸಿ ಜುಲೈನಲ್ಲಿ ಪರಿಚಯಿಸಲಾಗುವುದು ಎಂದು ಹೇಳಿತ್ತು.
ಸಂಚಾರಿ ತಂತ್ರಜ್ಞಾನದ ಇಂಜಿನಿಯರ್ ಭಾರತದ ವಿಮಾನ ನಿಲ್ದಾಣ ಪ್ರಾಧಿಕಾರದಿಂದ ಪರೀಕ್ಷೆಯನ್ನು ನಡೆಸಲು ಎದುರು ನೋಡುತ್ತಿದ್ದಾರೆ. ಐಐಟಿ-ಮದ್ರಾಸ್‌ನ ಏರೋಸ್ಪೇಸ್ ಎಂಜಿನಿಯರಿಂಗ್ ವಿಭಾಗದ ಪರವಾಗಿ, ವಿದ್ಯುತ್ ಬ್ಯಾಟರಿಗಳಲ್ಲಿ ಕಾರ್ಯನಿರ್ವಹಿಸಲು ಡ್ರೋನ್‌ಗಳನ್ನು ಈಗಾಗಲೇ ವಿನ್ಯಾಸಗೊಳಿಸಲಾಗಿದೆ. ನಾವು ಸಣ್ಣ ಗಾತ್ರದ ಟ್ಯಾಕ್ಸಿಗಳನ್ನು ವಿನ್ಯಾಸಗೊಳಿಸಿದ್ದು, ಕಾರ್ಯನಿರ್ವಹಣೆಗೆ ಸೀಮಿತ ಪ್ರಮಾಣದ ವಿದ್ಯುತ್ ಮಾತ್ರ ಬಳಕೆ ಮಾಡಿಕೊಳ್ಳಲಿವೆ ಎಂದು ಏರೋಸ್ಪೇಸ್ ಇಂಜಿನಿಯರಿಂಗ್ ವಿಭಾಗದ ಪ್ರೊ.ಸತ್ಯ ನಾರಾಯಣ ಚಕ್ರವರ್ತಿ ಹೇಳಿದ್ದಾರೆ.
ಐದು ಕೆಜಿ ಪೇಲೋಡ್ ಸಾಮರ್ಥ್ಯದ ಸಣ್ಣ ಇ-ಪ್ಲೇನ್ ಟ್ಯಾಕ್ಸಿ ಪರಿಚಯಿಸಲು ನಾವು ಯೋಜಿಸಿದ್ದೇವೆ. ಕಠಿಣ ಮತ್ತು ಸಂಚಾರಿ ದಟ್ಟಣೆ ರಸ್ತೆ ಸಂಚಾರ ಮಾರ್ಗದಲ್ಲಿ ಕಸಿ ಶಸ್ತ್ರಚಿಕಿತ್ಸೆಗೆ ಪ್ರಮುಖ ಮಾನವ ಅಂಗಗಳನ್ನು ಸಾಗಿಸಲು ಈ ವಾಹನವನ್ನು ಬಳಸಬಹುದು. 50 ಕೆಜಿ ಪೇಲೋಡ್‌ನ ಏರ್ ಟ್ಯಾಕ್ಸಿಗಳ ಮೂಲಕ ಸಾಮರ್ಥ್ಯ, ಅಗತ್ಯ ಔಷಧಗಳಾದ ಲಸಿಕೆ ಮತ್ತು ಉಪಕರಣಗಳನ್ನು ಸಾಗಿಸಬಹುದು ಎಂದರು.
ಬ್ಯಾಟರಿಯಲ್ಲಿ ಕಾರ್ಯನಿರ್ವಹಿಸುವ ಇ-ಪ್ಲೇನ್ ಟ್ಯಾಕ್ಸಿಯನ್ನು ಪೈಲಟ್ ಮತ್ತು ಪ್ರಯಾಣಿಕರನ್ನು ಹೊತ್ತೊಯ್ಯುವ, ಹಾರಾಟ ಮತ್ತು ಅಂತಿಮವಾಗಿ ಸುರಕ್ಷಿತವಾಗಿ ಕೆಳಗೆ ಸ್ಪರ್ಶಿಸುವ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ. ಟೆರೇಸ್, ಬೀದಿ ಮತ್ತು ರಸ್ತೆಗಳಲ್ಲಿ ಇಳಿಯಲು ಸಾಧ್ಯವಾಗುವ ಈ ಏರ್ ಟ್ಯಾಕ್ಸಿಯ ಕಾರ್ಯಾಚರಣೆಗೆ ಯಾವುದೇ ರನ್ವೇ ಅಗತ್ಯವಿಲ್ಲ.
ಗಂಟೆಗೆ 200 ಕಿ.ಮೀ ವೇಗದಲ್ಲಿ ಹಾರಲು ಸಿದ್ಧವಾಗಿರುವ ಏರ್ ಟ್ಯಾಕ್ಸಿ ಸಂಪೂರ್ಣ ಚಾರ್ಜ್ ಮಾಡಿದ ಬ್ಯಾಟರಿಯನ್ನು ಒಂದೇ ಸಮಯದಲ್ಲಿ 200 ಕಿ.ಮೀ ವರೆಗೆ ಪ್ರಯಾಣಿಸಬಹುದು. ಮರಗಳು ಮತ್ತು ಕಾಂಕ್ರೀಟ್ ಕಟ್ಟಡಗಳಿಗೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ವಾಹನದ ಮೇಲೆ ಸಂವೇದಕಗಳನ್ನು ಅಳವಡಿಸಲಾಗಿದೆ.
ಯಾವುದೇ ರಸ್ತೆ ಸಂಚಾರ ತೊಂದರೆಯಿಲ್ಲದೇ ರೋಗಿಗಳನ್ನು ಗಂಭೀರ ಸ್ಥಿತಿಯಲ್ಲಿ ಸಾಗಿಸಲು ಏರ್ ಆ್ಯಂಬುಲೆನ್ಸ್ನಂತೆ ಏರ್ ಟ್ಯಾಕ್ಸಿಯನ್ನು ದ್ವಿಗುಣಗೊಳಿಸುವ ಯೋಜನೆ ರೂಪಿಸಲಾಗಿದೆ.
ಏರ್ ಟ್ಯಾಕ್ಸಿ 10 ನಿಮಿಷಗಳಲ್ಲಿ 10 ಕಿ.ಮೀ ದೂರ ಕ್ರಮಿಸಬಹುದು. ರಸ್ತೆ ಟ್ಯಾಕ್ಸಿಗಳಿಗಿಂತ ವೇಗವಾಗಿ ನಿಖರವಾದ ಸ್ಥಳ ತಲುಪಬಹುದು. ಆದರೆ, ಏರ್-ಟ್ಯಾಕ್ಸಿಯಲ್ಲಿ ಪ್ರಯಾಣಿಸುವ ಶುಲ್ಕವು ಸಾಮಾನ್ಯ ರಸ್ತೆ ಸಂಚಾರ ಪ್ರಯಾಣದ ವೆಚ್ಚಕ್ಕಿಂತ ಒಂದೂವರೆ ಪಟ್ಟು ಹೆಚ್ಚಿರಲಿದೆ.
ಈ ಪ್ರಯಾಣದ ವಿಧಾನವು ಹೆಚ್ಚು ಜನಪ್ರಿಯವಾಗುವುದರಿಂದ ಅದು ಕಡಿಮೆ ವೆಚ್ಚವಾಗುತ್ತದೆ ಎಂದು ಪ್ರೊ.ಸತ್ಯ ನಾರಾಯಣ ಚಕ್ರವರ್ತಿ ಹೇಳಿದ್ದಾರೆ.
