ಟ್ವಿಟರ್ (ಈಗಿನ ಎಕ್ಸ್) ಮಾಜಿ ಸಹ ಸಂಸ್ಥಾಪಕರಾದ ಜಾಕ್ ಡಾರ್ಸೆ ಇದೀಗ ತಾವೇ 2009ರಲ್ಲಿ ಹುಟ್ಟು ಹಾಕಿದ್ದ ಫಿನ್ಟೆಕ್ ಸಂಸ್ಥೆ ಬ್ಲಾಕ್ ಕಂಪನಿ (ಈ ಹಿಂದೆ ಸ್ಕ್ವೇರ್) ಮುಖ್ಯಸ್ಥ ಮತ್ತು ಅಧ್ಯಕ್ಷರಾಗಿ ನೇಮಕಗೊಂಡಿದ್ದಾರೆ.
2009ರಲ್ಲಿ ಸ್ಕ್ವೇರ್ ಎಂಬ ಹೆಸರಿನಲ್ಲಿ ಪೇಮೆಂಟ್ ಸಂಸ್ಥೆಯನ್ನು ಆರಂಭಿಸಿದ್ದ ಡಾರ್ಸೆ, ಸಂಸ್ಥೆಯ ಸಿಇಒ, ಅಧ್ಯಕ್ಷ ಮತ್ತು ಮುಖ್ಯಸ್ಥರಾಗಿದ್ದರು. ಇದೀಗ ಅವರು, ತತ್ಕ್ಷಣದಿಂದ ಹೆಡ್ ಮತ್ತು ಚೇರ್ಪರ್ಸನ್ ಆಗಿ ಕಾರ್ಯ ನಿರ್ವಹಿಸಲಿದ್ದಾರೆ. ಇದು ತಾತ್ಕಾಲಿಕವೇ ಅಥವಾ ಇವರೇ ಈ ಸ್ಥಾನದಲ್ಲಿ ಮುಂದುವರೆಯುತ್ತಾರಾ ಎಂಬ ಬಗ್ಗೆ ಸಂಸ್ಥೆ ಸ್ಪಷ್ಟಪಡಿಸಿಲ್ಲ
ಸಂಸ್ಥೆಯಲ್ಲಿ ಡಾರ್ಸೆ ಹುದ್ದೆ ಮತ್ತು ಜವಾಬ್ದಾರಿಯಲ್ಲಿ ಯಾವುದೇ ಬದಲಾವಣೆಯಿಲ್ಲ. ಅವರು ಸಂಸ್ಥೆಯ ಪ್ರಿನ್ಸಿಪಲ್ ಎಕ್ಸಿಕ್ಯೂಟಿವ್ ಆಫೀಸರ್ ಆಗಿ ಕಾರ್ಯ ನಿರ್ವಹಿಸಲಿದ್ದಾರೆ ಎಂದು ಬ್ಲಾಕ್ ಕಂಪನಿ ಯುಎಸ್ ಸೆಕ್ಯೂರಿಟಿಸ್ ಆ್ಯಂಡ್ ಎಕ್ಸ್ಚೆಂಜ್ ಕಮಿಷನ್ ತಿಳಿಸಿದೆ.
ಸ್ಕ್ವೇರ್ ಸಿಇಒ ಅಲೆಸ್ಸಾ ಹೆನ್ರಿ ಸಂಸ್ಥೆಯನ್ನು ತೊರೆದಿದ್ದು, ಡಾರ್ಸೆ ಸಂಸ್ಥೆಯ ಹೆಚ್ಚುವರಿ ಜವಾಬ್ಧಾರಿಯನ್ನು ನಿರ್ವಹಣೆ ಮಾಡಲಿದ್ದಾರೆ. ಹೆನ್ರಿ 9 ವರ್ಷಗಳ ಕಾಲ ಸ್ಕ್ವೇರ್ ಸಂಸ್ಥೆಯಲ್ಲಿ ಕಾರ್ಯ ನಿರ್ವಹಿಸಿದ್ದು, ಸಂಸ್ಥೆಯ ಬೆಳವಣಿಗೆಯಲ್ಲಿ ಅವರ ಪಾತ್ರ ದೊಡ್ಡದಿದೆ ಎಂದು ತಿಳಿಸಲಾಗಿದೆ.
2021ರಲ್ಲಿ ಡಿಸೆಂಬರ್ನಲ್ಲಿ ಡಾರ್ಸೆ ಸ್ಕ್ವೇರ್ ಎಂಬ ಹಣಕಾಸು ಸೇವಾ ಸಂಸ್ಥೆಯ ಹೆಸರನ್ನು ಬ್ಲಾಕ್ ಎಂದು ಬದಲಾಯಿಸಿದರು. ಈ ವರ್ಷ ಮಾರ್ಚ್ನಲ್ಲಿ, ಈ ಕುರಿತು ವರದಿ ಮಾಡಿದ್ದ ಹಿಂಡೆನ್ ಬರ್ಗ್ ರಿಸರ್ಚ್, ಬ್ಲಾಕ್ ಕಂಪನಿ ಗ್ರಾಹಕರು ಮತ್ತು ಸರ್ಕಾರದ ವಿರುದ್ಧ ವಂಚನೆಯನ್ನು ಇನ್ನಷ್ಟು ಸರಳಗೊಳಿಸುತ್ತದೆ. ಇದು ನಿಯಂತ್ರಣವನ್ನು ತಪ್ಪಿಸುತ್ತದೆ ಎಂದು ವರದಿ ತಿಳಿಸಿದೆ.
ಜಾಕ್ ಡಾರ್ಸೆ ಸಾಮ್ರಾಜ್ಯವನ್ನು ನಿರ್ಮಾಣ ಮಾಡಿದ್ದು, ವೈಯಕ್ತಿಯವಾಗಿ 5 ಬಿಲಿಯನ್ ಡಾಲರ್ ಹಣವನ್ನು ಸಂಗ್ರಹಿಸಿದ್ದಾರೆ. 2022ರಲ್ಲಿ ಜನವರಿಯಲ್ಲಿ ಬೈ ನೌ ಪೇ ಲೇಟರ್ ಸರ್ವೀಸ್ ಸಂಸ್ಥೆ ಮುಚ್ಚಿದ ಬಳಿಕ ಅದನ್ನು 29 ಬಿಲಿಯನ್ ಡಾಲರ್ಗೆ ಬ್ಲಾಕ್ ಖರೀದಿಸಿತು ಎಂದು ವರದಿ ತಿಳಿಸಿದೆ.
ಇದರ ಹೊರತಾಗಿ ಡಾರ್ಸೆ ಮೈಕ್ರೋ ಬ್ಲಾಗಿಂಗ್ ಫ್ಲಾಟ್ಫಾರ್ಮ್ ಆದ ಬ್ಲೂಸ್ಕೈಯನ್ನು ಉದ್ಘಾಟಿಸಿದರು. ಈ ಬ್ಲೂಸ್ಕೈಗೆ ಕಳೆದ ವರ್ಷ 13 ಮಿಲಿಯನ್ ಡಾಲರ್ ಅನ್ನು ಡಾರ್ಸೆ ಹೂಡಿಕೆ ಮಾಡಿದ್ದರು. (ಐಎಎನ್ಎಸ್)
ಇದನ್ನೂ ಓದಿ: ಜೆಮಿನಿ; ಗೂಗಲ್ನ ಹೊಸ ಎಐ ಚಾಟ್ಬಾಟ್.. ಏನೆಲ್ಲ ವೈಶಿಷ್ಟ್ಯತೆಗಳಿವೆ ಗೊತ್ತಾ?
