ನವದೆಹಲಿ: ಐಫೋನ್ ಸರಣಿಯ ಬಹುನಿರೀಕ್ಷಿತ ಐಫೋನ್-13 ಪರಿಚಯಿಸಲಾಗಿದೆ. ಆದರೆ, ಈ ಹೊಸ ಫೋನ್ ಬಿಡುಗಡೆಯಾದ ಕೆಲವೇ ಹೊತ್ತಲ್ಲಿ ಆಪಲ್ ಸ್ಟೋರ್ನಿಂದ ಐಫೋನ್ ಎಸ್ಇ ಮೊಬೈಲ್ಗಳ ಮಾರಾಟ ನಿಲ್ಲಿಸಲು ಸಂಸ್ಥೆ ನಿರ್ಧರಿಸಿದೆ.
256 ಜಿಬಿ ಸ್ಟೊರೇಜ್ ಸಾಮರ್ಥ್ಯದ ಎಸ್ಇ ಸರಣಿಯ ಮೊಬೈಲ್ ಮಾರಾಟ ಮಾಡದಿರಲು ನಿರ್ಧರಿಸಿದೆ. ಆದರೆ, ಐಫೋನ್ ಎಸ್ಇ 64 ಮತ್ತು 128 ಜಿಟಿ ಸ್ಟೊರೇಜ್ ಸಾಮರ್ಥ್ಯ ಮೊಡೆಲ್ಗಳು ಲಭ್ಯವಿರಲಿದೆ ಎಂದು ತಿಳಿಸಿದೆ.
ಐಫೋನ್ ಎಸ್ಇ ಸೆಕೆಂಡ್ ಜನರೇಶನ್ 2020ರಲ್ಲಿ ಬಿಡುಗಡೆಯಾಗಿತ್ತು. ಉಳಿದ ಐಫೋನ್ಗೆ ಹೋಲಿಸಿದರೆ ಕಡಿಮೆ ಬೆಲೆಗೆ ಲಾಂಚ್ ಮಾಡಲಾಗಿತ್ತು. ಐಫೋನ್ 11 ಹಾಗೂ 12ನೇ ಆವೃತ್ತಿಯ ನಡುವೆ ಬಿಡುಗಡೆಯಾಗಿತ್ತಲ್ಲದೇ ಐಫೋನ್ ಐಕಾನ್ ಆಗಿ ಜನರ ಮನಗೆದ್ದಿತ್ತು. ಆದರೆ, ಐಫೋನ್ 13 ಸೀರಿಸ್ ಜೊತೆಗಿನ ಬೆಲೆ ಹೊಂದಾಣಿಕೆಯ ಸಮಸ್ಯೆಗೆ ಸಂಸ್ಥೆ ಈ ಕಾರ್ಯಕ್ಕೆ ಮುಂದಾಗಿದೆ ಎಂಬ ಮಾತು ಕೇಳಿಬರುತ್ತಿದೆ.
ಇಷ್ಟಾದರೂ ಆಪಲ್ ಸ್ಟೋರ್ ಹೊರತುಪಡಿಸಿ ಉಳಿದೆಡೆ ಐಫೋನ್ ಎಸ್ಇ 256 ಜಿಟಿ ಮೊಬೈಲ್ ಕೊಳ್ಳಬಹುದು ಅಂತಲೂ ಸಂಸ್ಥೆ ತಿಳಿಸಿದೆ. ಎರಡು ದಿನದ ಹಿಂದೆ ಬಿಡುಗಡೆಯಾದ ಐಫೋನ್ 13 ಸೀರಿಸ್ ಸ್ಪರ್ಧಾತ್ಮಕ ಬೆಲೆಗೆ ಲಭ್ಯವಾಗಿದೆ. ಈ ಹಿನ್ನೆಲೆ ತನ್ನ ಹಳೆದ ಆವೃತ್ತಿಯ ಮೊಬೈಲ್ ಮಾರಾಟದಲ್ಲಿ ತೊಡಕಾಗುವ ಆಲೋಚನೆಯಲ್ಲಿ ಸಂಸ್ಥೆ ಈ ಕಾರ್ಯಕ್ಕೆ ಮುಂದಾಗಿರಬಹುದು ಎನ್ನಲಾಗಿದೆ.
ಇದನ್ನೂ ಓದಿ: Apple TV+ ಶೋನಲ್ಲಿ ಹೊಸ ವಿನ್ಯಾಸದೊಂದಿಗೆ ಕಾಣಿಸಿಕೊಂಡ iPhone 13
