ಇನ್ನೇನು ಹೊಸ ವರ್ಷ ಬರಲಿದೆ. ಪ್ರತಿದಿನ ಹೊಸ ಹೊಸ ಗ್ಯಾಜೆಟ್‌ಗಳು ಬಿಡುಗಡೆಯಾಗುತ್ತಿವೆ. ಸ್ಮಾರ್ಟ್ ಫೋನ್ಗಳ ಭಾರೀ ಖರೀದಿ ನಡೆದಿದೆ. ಮೊಬೈಲ್ ಕಂಪನಿಗಳು ಮಾರುಕಟ್ಟೆಯಲ್ಲಿ ಹೊಸ ಮತ್ತು ರೂಪಾಂತರ ಆವೃತ್ತಿಗಳನ್ನು ಪ್ರಾರಂಭಿಸಿವೆ. ಈ ವರ್ಷ ಸ್ಯಾಮ್‌ಸಂಗ್, ಆಪಲ್, ಒನ್‌ಪ್ಲಸ್‌ನಂತಹ ಕಂಪನಿಗಳು ಉತ್ತಮ ವೈಶಿಷ್ಟ್ಯಗಳೊಂದಿಗೆ ತಮ್ಮ ಮೊಬೈಲ್ ಫೋನ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿವೆ. ಅದು ಗ್ರಾಹಕರಿಗೆ ತುಂಬಾನೇ ಇಷ್ಟವಾಗಿತ್ತು. 2022 ರ ಅಂತಹ ದುಬಾರಿ 5 ಗ್ಯಾಜೆಟ್‌ಗಳ ಯಾವುವು, ಅವುಗಳ ಬೆಲೆ ಬಗ್ಗೆ ತಿಳಿಯೋಣಾ ಬನ್ನಿ..
Apple iPhone 14 Pro Max 1TB ಸ್ಪೇಸ್ ಬ್ಲ್ಯಾಕ್: ಈ ವರ್ಷ ಆಪಲ್ ಅತ್ಯಂತ ದುಬಾರಿ ಫೋನ್‌ನೊಂದಿಗೆ ಮಾರುಕಟ್ಟೆಗೆ ಪ್ರವೇಶಿಸಿದೆ. ಇತ್ತೀಚಿನ ಐಫೋನ್ 14 ಅನ್ನು ಬಿಡುಗಡೆ ಮಾಡಿದ ನಂತರ ಅದಕ್ಕೆ ಭಾರಿ ಬೇಡಿಕೆ ಬಂದಿತು. Apple iPhone 14 Pro Max ಮಾರುಕಟ್ಟೆಗೆ ಮೂರು ರೂಪಾಂತರಗಳಲ್ಲಿ ಲಗ್ಗೆಯಿಟ್ಟಿತು. ಇದರಲ್ಲಿ 128GB, 256GB ಮತ್ತು 1TB ಆಯ್ಕೆಗಳು ಲಭ್ಯವಿದ್ದವು. iPhone 14 Pro Max 1TB ಬೆಲೆ ರೂ 1,89,000 ರಿಂದ ಪ್ರಾರಂಭವಾಗುತ್ತದೆ. ಫೋನಿನ ಕ್ಯಾಮೆರಾ ಅದ್ಭುತ ತಂತ್ರಜ್ಞಾನದಿಂದ ಕೂಡಿದೆ. ಇದು 48MP ಪ್ರೊ ಟ್ರಿಪಲ್ ಕ್ಯಾಮೆರಾವನ್ನು ಹೊಂದಿದೆ. ಈ ಫೋನ್‌ನ ಅದ್ಭುತವಾದ ವೈಶಿಷ್ಟ್ಯವನ್ನು ಹೊಂದಿದೆ. ಇದು ಸಿನಿಮಾಟೆಕ್ ಮೋಡ್ ಹೊಂದಿದ್ದು, ಈ ಫೋನಿನ ಕ್ಯಾಮೆರಾ ಮೂಲಕ 4K, HDR ವಿಡಿಯೋವನ್ನು ಸಹ ತೆಗೆಯಬಹುದಾಗಿದೆ. ಈ ಫೋನ್‌ನಲ್ಲಿರುವ ಆಕ್ಷನ್ ಮೋಡ್‌ನಿಂದ ವಿಡಿಯೋಗಳನ್ನು ಚಿತ್ರಿಕರಿಸುವಾಗ ಗಿಂಬಲ್ ಅಥವಾ ಟ್ರೈಪಾಡ್‌ನ ಅಗತ್ಯವಿಲ್ಲ.
Samsung Galaxy Z Fold4 5G: ಆಪಲ್ ನಂತರ, ಸ್ಯಾಮ್‌ಸಂಗ್ ವರ್ಷದ ಅತ್ಯಂತ ದುಬಾರಿ ಫೋನ್ ಅನ್ನು ಬಿಡುಗಡೆ ಮಾಡಿದೆ. ಕಂಪನಿಯು Samsung Galaxy Z Fold 4 ಮತ್ತು Samsung Galaxy Z Flip 4 ಎಂಬ ಎರಡು ಫೋನ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಈ ಎರಡೂ ಫೋನ್ಗಳು 5G ತಂತ್ರಜ್ಞಾನವನ್ನು ಹೊಂದಿದೆ. 12 GB RAM ಜೊತೆಗೆ 512 GB ಸಂಗ್ರಹಣೆಯ ಫೋನ್‌ನ ಬೆಲೆ ರೂ.1,87,990 ಇದೆ. ಇದು ಫೋಲ್ಡ್ ಫೋನ್ ಆಗಿದೆ. ಇದನ್ನು ಎರಡು ಗಾತ್ರಗಳಲ್ಲಿ ಬಳಸಬಹುದು. ಮಡಚಿದ ಫೋನ್ 6.2 ಇಂಚುಗಳ ಪರದೆಯನ್ನು ಹೊಂದಿದ್ದು, ಸಂಪೂರ್ಣವಾಗಿ ತೆರೆದಾಗ ಅದು 7.6 ಇಂಚುಗಳಾಗಿರುತ್ತದೆ. 50MP ಕ್ಯಾಮೆರಾ ಹೊಂದಿರುವ ಫೋನ್‌ನಲ್ಲಿ ಪ್ರೊ ದರ್ಜೆಯ ಹಿಂಭಾಗದ ಕ್ಯಾಮೆರಾ ಲಭ್ಯವಿದೆ.
OnePlus 10 Pro 5G: OnePlus ಫೋನ್‌ಗಳಿಗೆ ಮಾರುಕಟ್ಟೆಯಲ್ಲಿ ಸಾಕಷ್ಟು ಬೇಡಿಕೆಯಿದೆ. OnePlus 10 Pro 5G ಈ ವರ್ಷ ಬಿಡುಗಡೆಯಾದ OnePlus ನ ಅತ್ಯಂತ ದುಬಾರಿ ಫೋನ್ ಆಗಿದೆ. ಈ ಫೋನ್‌ನ ಆರಂಭಿಕ ಬೆಲೆ ರೂ 71,999 ಆದರೆ ಆಫರ್ ನಂತರ ಫೋನ್‌ನ ಬೆಲೆ ರೂ 66,999 ಆಗಿದೆ. ಫೋನ್ 12GB RAM ಜೊತೆಗೆ 256GB ಸಂಗ್ರಹವನ್ನು ಹೊಂದಿದೆ. ಈ ಫೋನಿನ ಕ್ಯಾಮೆರಾ ಕೂಡ ತುಂಬಾ ಚೆನ್ನಾಗಿದೆ. ವೃತ್ತಿಪರ ಕ್ಯಾಮೆರಾಗಳನ್ನು ತಯಾರಿಸಲು ಕಂಪನಿಯು ಪ್ರಸಿದ್ಧವಾಗಿದೆ.
Xiaomi 12 Pro 5G: Xiaomi ಯ ಪ್ರಮುಖ ಫೋನ್ Xiaomi 12 Pro ಅನ್ನು ಈ ವರ್ಷ ಬಿಡುಗಡೆ ಮಾಡಲಾಗಿದೆ. ಫೋನ್‌ನ ಕ್ಯಾಮೆರಾ, ಬ್ಯಾಟರಿ ಮತ್ತು ಇತರ ವೈಶಿಷ್ಟ್ಯಗಳು ಉತ್ತಮವಾಗಿವೆ. ಈ ಫೋನ್ 50MP ನ ಮೂರು ಕ್ಯಾಮೆರಾಗಳನ್ನು ಹೊಂದಿದ್ದು, 32MP ಸೆಲ್ಫಿ ಕ್ಯಾಮೆರಾವನ್ನು ಸಹ ಹೊಂದಿದೆ. ಫೋನ್‌ನ ಬೆಲೆ 84,999 ರೂ. ಇದ್ದು, ಆಫರ್ ನಂತರ ಫೋನ್‌ನ ಬೆಲೆ 59,999 ರೂ. ಆಗಿದೆ.
iQOO 9T 5G : iQOO ಕಂಪನಿಯು ಈ ವರ್ಷ ಪ್ರೀಮಿಯಂ ಫೋನ್ iQOO 9T 5G ಅನ್ನು ಬಿಡುಗಡೆ ಮಾಡಿದೆ. ಫೋನ್‌ನ ವೈಶಿಷ್ಟ್ಯಗಳು ತುಂಬಾ ಚೆನ್ನಾಗಿವೆ. ಅದು ಹೆಚ್ಚಿನ ಬೇಡಿಕೆಯಲ್ಲಿತ್ತು. ಈ ಫೋನ್ 12GB RAM ಜೊತೆಗೆ 256GB ಸಂಗ್ರಹವನ್ನು ಹೊಂದಿದೆ. ಫೋನ್ ಬೆಲೆ 59,999 ರೂ. ಆಗಿದ್ದು, ರಿಯಾಯಿತಿಯೊಂದಿಗೆ ನೀವು ಈ ಫೋನ್ ಅನ್ನು ರೂ 54,999 ಗೆ ಖರೀದಿಸಬಹುದು. ಈ ಫೋನ್ GN5 ಸಂವೇದಕವನ್ನು ಹೊಂದಿದೆ ಮತ್ತು ಫೋನ್‌ನಲ್ಲಿನ ಮುಖ್ಯ ಕ್ಯಾಮೆರಾ 50MP ಆಗಿದೆ. ಅಷ್ಟೇ ಅಲ್ಲ, 3930MM 2 ವೇಪರ್ ಚೇಂಬರ್ ಲಿಕ್ವಿಡ್ ಕೂಲಿಂಗ್ ಸಿಸ್ಟಂನ ಸೌಲಭ್ಯವನ್ನು ಫೋನ್ ಹೊಂದಿದೆ. ಇದರಿಂದಾಗಿ ಫೋನ್ ಹೀಟ್ ಆಗುವುದಿಲ್ಲ..
