ನವದೆಹಲಿ: ಲಾವಾ ಪಲ್ಸ್ 1 ಮೊಬೈಲ್ ಫೋನ್ ಬಳಕೆದಾರರಿಗೆ ಸೆನ್ಸರ್ ಮುಟ್ಟದೇ ತಮ್ಮ ದೇಹದ ಉಷ್ಣತೆಯನ್ನು ಅಳೆಯಲು ಅನುವು ಮಾಡಿಕೊಡುತ್ತದೆ.
ಬಳಕೆದಾರರು ತಮ್ಮ ಕೈ ಅಥವಾ ಹಣೆಯ ಹಿಂಭಾಗವನ್ನು ಸೆನ್ಸರ್ನಿಂದ ಕೆಲ ಸೆಂಟಿಮೀಟರ್ ದೂರದಲ್ಲಿ ಇಡಬೇಕು. ಅದು ತಕ್ಷಣ ದೇಹದ ಉಷ್ಣತೆಯನ್ನು ಡಿಸ್ಪ್ಲೇ ಮೇಲೆ ತೋರಲಿದೆ ಎಂದು ಕಂಪನಿ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.
ಇವುಗಳನ್ನು ಮೊಬೈಲ್ನಲ್ಲಿಯೇ ಉಳಿಸಲು ಮತ್ತು ಸಂದೇಶಗಳ ಮೂಲಕ ಡೇಟಾವನ್ನು ಇತರರೊಂದಿಗೆ ಹಂಚಿಕೊಳ್ಳಲು ಕೂಡ ಬಳಕೆದಾರರಿಗೆ ಅವಕಾಶವಿದೆ.
"ಲಾವಾ ಪಲ್ಸ್ 1 ಥರ್ಮಾಮೀಟರ್‌ಗಳ ಹೆಚ್ಚಿನ ವೆಚ್ಚವನ್ನು ಭರಿಸಲಾಗದ ಅಥವಾ ವೈದ್ಯರು / ವೈದ್ಯಕೀಯ ಸೌಲಭ್ಯವನ್ನು ಪಡೆಯಲಾಗದ ಜನರಿಗೆ ಸುಲಭ ಪರಿಹಾರವಾಗಿದೆ" ಎಂದು ಲಾವಾ ಇಂಟರ್‌ನ್ಯಾಷನಲ್‌ನ ತೇಜಿಂದರ್ ಸಿಂಗ್ ಹೇಳಿದ್ದಾರೆ.
ಲಾವಾ ಪಲ್ಸ್ 1ನ ವೈಶಿಷ್ಟ್ಯಗಳು ಮತ್ತು ವಿಶೇಷತೆಗಳು:
ಈ ಫೋನ್ ಆಟೋ ಕಾಲ್ ರೆಕಾರ್ಡಿಂಗ್ ಒದಗಿಸುತ್ತದೆ ಮತ್ತು ಬಳಕೆದಾರರಿಗೆ ಏಳು ಭಾಷೆಗಳಲ್ಲಿ ಟೈಪ್ ಮಾಡಲು ಅನುವು ಮಾಡಿಕೊಡುತ್ತದೆ ಎಂದು ಕಂಪನಿ ತಿಳಿಸಿದೆ.
