ನಿಮ್ಮ ಕಾರು ಎಲ್ಲಿದೆ ಎಂದು ಗೊತ್ತಾಗುತ್ತಿಲ್ಲವೇ?.. ಪಾರ್ಕಿಂಗ್​ ಜಾಗವನ್ನು ಹೀಗೆ ಹುಡುಕಿ..

ಜನಸಂದಣಿಯಿಂದ ಗಿಜಿಗುಡುವ ಸ್ಥಳದಲ್ಲಿದ್ದಾಗ ನಿಮಗೆ ಕಾರು ಪಾರ್ಕಿಂಗ್​ ಮಾಡಿದ್ದ ಜಾಗ ಹುಡುಕುವುದು ಕಷ್ಟ. ಆಗ ನೀವು ಇರುವ ಸ್ಥಳ, ದಿಕ್ಕೂ ತಿಳಿಯದಾದಾಗ ಅನಾವಶ್ಯಕವಾಗಿ ಸಮಯ ವ್ಯರ್ಥ ಮಾಡಿಕೊಳ್ಳದೆ ನೀವು ಗೂಗಲ್​ ಮ್ಯಾಪ್​ನಲ್ಲಿರುವ ಈ ಆಯ್ಕೆಯನ್ನು ಬಳಸಿಕೊಳ್ಳಬಹುದಾಗಿದೆ.

ಈಗ ಪ್ರತಿಯೊಬ್ಬರೂ ತಮಗೆ ಗೊತ್ತಿರದ ಸ್ಥಳಕ್ಕೆ ತೆರಳುವಾಗ ಮಾರ್ಗ ತಿಳಿದುಕೊಳ್ಳಲು ಗೂಗಲ್ ನಕ್ಷೆ(Google Map) ಬಳಸುತ್ತಾರೆ. ಅದರ ಸಹಾಯದಿಂದ ಸುಲಭವಾಗಿ ತಾವಂದುಕೊಂಡ ಜಾಗಕ್ಕೆ ತಲುಪಬಹುದು. ಈ ಮ್ಯಾಪ್​ ನಮಗೆ ಬೇಕಾದ ಮಾರ್ಗವನ್ನು ತ್ವರಿತವಾಗಿ ತೋರಿಸುತ್ತದೆ. ಕೇವಲ ಮಾರ್ಗವಷ್ಟೇ ಅಲ್ಲದೆ ಇತರ ಉದ್ದೇಶಗಳಿಗೂ ಕೂಡ ನಕ್ಷೆ ಬಳಸಬಹುದಾಗಿದೆ. ಗೂಗಲ್​ ನಕ್ಷೆಯಿಂದ ನಿಮಗೆ ಈ ರೀತಿಯ ವಿಭಿನ್ನ ಪ್ರಯೋಜನಗಳೂ ಇವೆ.

ಕಾರು ಪಾರ್ಕಿಂಗ್​ ಸ್ಥಳ ತಿಳಿಯುವುದು ಸುಲಭ: ನೀವು ಯಾವುದೋ ಜಾತ್ರೆಗೆ ತೆರಳಿದ್ದಾಗ, ಇಲ್ಲವೇ ಜನಸಂದಣಿಯಿಂದ ಗಿಜಿಗುಡುವ ಸ್ಥಳದಲ್ಲಿದ್ದಾಗ ನಿಮಗೆ ಕಾರು ಪಾರ್ಕಿಂಗ್​ ಮಾಡಿದ್ದ ಜಾಗ ಹುಡುಕುವುದು ಕಷ್ಟ. ಆಗ ನೀವು ಇರುವ ಸ್ಥಳ, ದಿಕ್ಕನ್ನೂ ಕೂಡ ಅಂದಾಜಿಸಲಾಗದೆ ಹುಡುಕಾಡಿ ಅನಾವಶ್ಯಕವಾಗಿ ನಿಮ್ಮ ಸಮಯ ವ್ಯರ್ಥವಾಗುತ್ತೆ. ಇಂತಹ ಸಂದರ್ಭದಲ್ಲಿ ನಿಮಗೆ ಗೂಗಲ್​ ಮ್ಯಾಪ್​ ದಾರಿದೀಪವಾಗುತ್ತದೆ.

ನೀವು ಮಾಡಬೇಕಿರುವುದೇನು?: ಮೊದಲಿಗೆ ಕಾರು ಪಾರ್ಕಿಂಗ್ ಮಾಡುವಾಗಲೇ ನಿಮ್ಮ ಮೊಬೈಲ್​ನಲ್ಲಿರೋ ಗೂಗಲ್​ ನಕ್ಷೆ ಆ್ಯಪ್​ನಲ್ಲಿ ಆ ಸ್ಥಳವನ್ನು ಸೇವ್​ ಮಾಡಿಕೊಳ್ಳಬೇಕು. ಪಾರ್ಕಿಂಗ್ ಸ್ಥಳವನ್ನು ಸೇವ್​​ ಮಾಡುವುದು ಮೊದಲ ಹಂತವಾಗಿದೆ. ಹೀಗೆ ಮಾಡಲು ನಿಮ್ಮ ಕಾರನ್ನು ನಿಲ್ಲಿಸಿದ ನಂತರ, ನಿಮ್ಮ ಗೂಗಲ್​ ನಕ್ಷೆಗಳ ಅಪ್ಲಿಕೇಶನ್ ಓಪನ್​ ಮಾಡಿ ಮತ್ತು ನಿಮ್ಮ ಪ್ರಸ್ತುತ ಸ್ಥಳವನ್ನು ಪ್ರತಿನಿಧಿಸುವ ಬ್ಲೂ ಪಿನ್ (Blue Pin) ಮೇಲೆ ಟ್ಯಾಪ್ ಮಾಡಿ. ನಂತರ, ಮೂರು ಆಯ್ಕೆಗಳು ತೆರೆಯಲ್ಪಡುತ್ತವೆ. ಆಗ ಸೇವ್ ಯುವರ್ ಪಾರ್ಕಿಂಗ್ ಆಯ್ಕೆಯನ್ನು ತೆಗೆದುಕೊಳ್ಳಿ.. ಆಗ ನೀವು ಫೋಟೋ, ಪಾರ್ಕಿಂಗ್ ಸಂಖ್ಯೆ ಇತ್ಯಾದಿ ಹೆಚ್ಚಿನ ವಿವರಗಳನ್ನೂ ಸೇರಿಸಬಹುದಾಗಿದೆ. ಅಲ್ಲದೆ, Remember where I have parked ಎಂದು ಹೇಳುವ ಮೂಲಕ ನಿಮ್ಮ ಪಾರ್ಕಿಂಗ್ ಸ್ಥಳವನ್ನು ಸೇವ್​ ಮಾಡಲು ಗೂಗಲ್​ ಸಹಾಯ ಪಡೆಯಹುದಾಗಿದೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ

ಮೇಲೆ ಹೇಳಿದಂತೆ ನೀವು ಮಾಡಿದಲ್ಲಿ, ಪಾರ್ಕಿಂಗ್​ ಮಾಡಿದ್ದ ಕಾರನ್ನು ಅತಿ ಸಲೀಸಾಗಿ ಕಂಡುಕೊಳ್ಳಬಹುದು. ನಿಮ್ಮ ಕಾರಿನ ಪಾರ್ಕಿಂಗ್ ಸ್ಥಳವನ್ನು ಹುಡುಕಲು ನೀವು ಬಯಸಿದಾಗ, ಗೂಗಲ್​ ನಕ್ಷೆ ತೆರೆದು, ನೀವು ಸೇವ್​​​ ಮಾಡಿಟ್ಟಿದ್ದ ಪಾರ್ಕಿಂಗ್ ಮೇಲೆ ಟ್ಯಾಪ್ ಮಾಡಿ, ಬಳಿಕ ದಿಕ್ಕಿನ ಮೊರೆ ಹೋಗಬೇಕು. ನಂತರ ಮುಂದಿನ ಹಂತ ಅಂದರೆ ನ್ಯಾವಿಗೇಷನ್​ (navigation) ಆರಂಭಿಸಬೇಕು. ಈ ಸಂದರ್ಭದಲ್ಲಿ ಇನ್ನೂ ಸುಲಭವಾಗಿ ಅಂದರೆ, ನೀವು Where is my car ಎಂದು ಗೂಗಲ್​ಗೆ ಕೇಳಿದರೆ, ಅದೇ ನಿಮಗೆ ನಿಮ್ಮ ಕಾರಿನತ್ತ ದಾರಿ ತೋರಿಸುತ್ತದೆ.

ಆದರೆ ಗೂಗಲ್​ ಮ್ಯಾಪ್​ನ ಈ ನವ ಆಯ್ಕೆಯನ್ನು ಬಳಸಿಕೊಳ್ಳಲು ನೀವು ನಿಮ್ಮ ಮೊಬೈಲ್​ನಲ್ಲಿ ಈ ಎಲ್ಲ ಅಗತ್ಯತೆಗಳನ್ನು ಹೊಂದಿರಲೇಬೇಕು. ಅವೇನೆಂದರೆ..

• ಗೂಗಲ್​ ನಕ್ಷೆ ಮತ್ತು ಗೂಗಲ್​​ ಅಪ್ಲಿಕೇಶನ್‌ ನವೀಕೃತ ಆವೃತ್ತಿಯದಾಗಿರಬೇಕು(Updated version)
• ನಿಮ್ಮ ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್ ಮಾರ್ಷ್‌ಮ್ಯಾಲೋ ಅಥವಾ ಅದಕ್ಕಿಂತ ಹೆಚ್ಚಿನದನ್ನು ಹೊಂದಿರಬೇಕು. iOsಗಳಲ್ಲಿ iOS 10 ಅಥವಾ ಅದಕ್ಕಿಂತ ಹೆಚ್ಚಿನದಾಗಿರಬೇಕು
• ಸ್ಮಾರ್ಟ್‌ಫೋನ್‌ನಲ್ಲಿ ಲೊಕೇಶನ್ ಸರ್ವೀಸ್​ ಸಕ್ರಿಯವಾಗಿರಬೇಕು
• ಸ್ಮಾರ್ಟ್‌ಫೋನ್‌ನಲ್ಲಿರುವ ಗೂಗಲ್ ಅಸಿಸ್ಟೆಂಟ್ ಎಲ್ಲ ಅಗತ್ಯ ಅಪ್ರೂವಲ್​ ಹೊಂದಿರಲೇಬೇಕು

ಇದನ್ನೂ ಓದಿ: ನಿಮ್ಮ ಫೋನ್​ನಲ್ಲಿರುವ ಫೈಲ್​ಗಳನ್ನು ಶಾಶ್ವತವಾಗಿ ಡಿಲೀಟ್ ಮಾಡಬೇಕೇ? ಇದನ್ನು ಅನುಸರಿಸಿ