ಛತ್ತೀಸ್ಘಡ: ಸಿಎಎಫ್ ಯೋಧನೋರ್ವ ಸಹವರ್ತಿಗಳ ಮೇಲೆಯೇ ಗುಂಡು ಹಾರಿಸಿ ಇಬ್ಬರನ್ನು ಹತ್ಯೆ ಮಾಡಿರುವ ಘಟನೆ ಛತ್ತೀಸ್ಘಡದ ನಾರಾಯಣಪುರದ ಸೇನಾ ಕ್ಯಾಂಪ್ನಲ್ಲಿ ಕಳೆದ ರಾತ್ರಿ ನಡೆದಿದೆ.
CAFನ 9ನೇ ಬೆಟಾಲಿಯನ್ ಶಿಬಿರದಲ್ಲಿದ್ದ ಸೈನಿಕರ ನಡುವೆ ಗಲಾಟೆ ನಡೆದಿದ್ದು, ಈ ವೇಳೆ ಸಹಾಯಕ ಪ್ಲಟೂನ್ ಕಮಾಂಡರ್ ಘಾನಶ್ಯಾಮ್ ಕುಮೇತಿ, ತನ್ನ ಬಳಿ ಇದ್ದ ಎಕೆ-47 ರೈಫಲ್‌ನಿಂದ ಸಹವರ್ತಿಗಳ ಮೇಲೆ ಗುಂಡು ಹಾರಿಸಿದ್ದಾನೆ. ಘಟನೆಯಲ್ಲಿ ಪ್ಲಟೂನ್ ಕಮಾಂಡರ್ ಬಿಂದೇಶ್ವರ್ ಸಹಾನಿ ಮತ್ತು ಹೆಡ್ ಕಾನ್ಸ್ಟೇಬಲ್ ರಾಮೇಶ್ವರ್ ಸಾಹು ಮೃತಪಟ್ಟಿದ್ದು, ಮತ್ತೊಬ್ಬ ಪ್ಲಟೂನ್ ಕಮಾಂಡರ್ ಲಚ್ಚುರಾಮ್ ಪ್ರೇಮಿ ಗಾಯಗೊಂಡಿದ್ದಾರೆ.
ಆರೋಪಿ ಕುಮೇತಿಯನ್ನು ಬಂಧಿಸಲಾಗಿದ್ದು, ಗಾಯಗೊಂಡ ಲಚ್ಚುರಾಮ್ರನ್ನು ರಾಯಪುರ್ನ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ ಎಂದು ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
