ಬೆಂಗಳೂರು: ಸಿಲಿಕಾನ್ ಸಿಟಿಯ ಮಾಲ್ಗಳಲ್ಲಿ ಬೈಕ್ ಪಾರ್ಕಿಂಗ್ ಮಾಡೋ ಮುನ್ನ ಸಾರ್ವಜನಿಕರು ಎಚ್ಚರ ವಹಿಸಬೇಕಿದ್ದು, ನೀವು ಪಾರ್ಕಿಂಗ್ ಮಾಡಿದ ಬೈಕ್ ಇರುತ್ತೆ ಎಂಬ ಗ್ಯಾರಂಟಿಯೇ ಇಲ್ಲವಾಗಿದೆ. ಇದಕ್ಕೆ ಪೂರಕವೆಂಬಂತೆ ಬೆಳ್ಳಂದೂರು ಸೆಂಟ್ರಲ್ ಮಾಲ್ನಲ್ಲಿ ಬೈಕ್ವೊಂದನ್ನು ಕಳ್ಳತನ ಮಾಡಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ.
ಸಿಲಿಕಾನ್ ಸಿಟಿಯ ಮಾಲ್ಗಳಲ್ಲಿ ಬೈಕ್ ಕಳ್ಳತನ
ಹೌದು, ಸೆಂಟ್ರಲ್ ಮಾಲ್ನಲ್ಲಿ ಕಳೆದ ತಿಂಗಳು 31ರ ಸಂಜೆ 6 ಗಂಟೆಗೆ ಬೈಕ್ ಪಾರ್ಕಿಂಗ್ ಮಾಡಿ, ಸಿನಿಮಾ ನೋಡಲು ಹೋಗಿದ್ದ ನಾರಾಯಣ ಸ್ವಾಮಿ ಎಂಬುವವರು ಸಿನಿಮಾ ಮುಗಿಸಿ 10 ಗಂಟೆಗೆ ವಾಪಸ್ ಬಂದಾಗ ಅಲ್ಲಿ ಬೈಕ್ ಇರಲಿಲ್ಲ. ಈ ಕುರಿತಂತೆ ಮಾಲ್ ಸಿಬ್ಬಂದಿ ವಿಚಾರಿಸಿದರೆ ನಮಗೆ ಗೊತ್ತಿಲ್ಲ ಅಂತ ನುಣುಚಿಕೊಂಡಿದ್ದಾರೆ. ಅಷ್ಟೇ ಅಲ್ಲದೆ ಬೈಕ್ ಕದ್ದು ಹೋಗುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಈ ಸಂಬಂಧ ನಾರಾಯಣ ಸ್ವಾಮಿ ಬೆಳ್ಳಂದೂರು ಠಾಣೆಗೆ ದೂರು ನೀಡಿದ್ದು, ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ.
